JEREMIYA 3:16 - BAIBEL (BSI)

¹⁶ Kughou tipa yeghilo nonguno kutomo shiveni keno, timiqoye iwu Puloshoqhi Bohu ghili kughamove nani. Panonguye tipau kumsukepu shimove nani momu kumsumlave nani; panonguye tighi avehupu shimove nani momu panonguye tipau kutau lakhi shipe qhimove nani.

Sumi Naga CL (Re-edited) Bible (BSI)

¹⁶ Tipa ghuloki lo kughou nongu no ayeghi lo kughuko eno ishewoni keno, Ampeu no asheshu ani, timiqo ye, “AMPEUw Puloshoqhi bohu,” ipi move nani. Ti ye akükümsü lo ighi move eno kümsülu move momu vezümo nani; eno mla kithemo nani.

JEREMIYA 3:16 Referans Kwoze

EZEKEL 37:26

Panongu pelo alhokupujulo ithapemo nike ino panoqo sasu puloshoqhi lakhi shi nani. Ino panoqo shikumto nani eno pano yeghilo ichineki alhokupujulo tilehi achepenike qhitsu nani.

ISAIAH 65:17

AMPEU no pi, “Julo, niye kungugha kithe eno ayeghi kithe lhophe ani; wovekeulo shivekeqo kumtsu kumsumave nani momu akukumsulo ighimove nani.

MATTHEW 3:9

eno nongu likhi nongu kijivilo ghi, ‘Ningu papuh ye Abraham ke,’ ipi kumsu akevilo. Ino nongu vilo pini, Alhou ye atu hipaqo ikhi pesu Abraham ghenguno atianuli kughulhove tsulu nanie!

JEREMIYA 31:8

Ino ahuu kudauno panoqo saghi nani eno ayeghi shekha kudauno panoqo hekutsu kumqonike. Anhethi kighichemi ngo aphi au kinitave kemino panoqo gholo ighi nani, Mishibei akemi ngo pununiye akemiqo ghi ighi nani. Panonguye ashiayeh kije lakhi shi ighi nani.

JEREMIYA 30:19

Timi khunoqono tilehi xuacheni keno shekiqhe lephe nani; Panonguno alokivi launo igha asheshu nani. Ikukumgha vechewo panonguye timi lhoxu ikowoluve nani; ikukumghano agigihupu panoqo lau sughitsu nani.

ISAIAH 61:4

Aphughi ado kushuwolo ixapinyi achekeu panonguno shiqhekithe nani.

ISAIAH 60:22

Nongu gholo aghulou eno aqhokigheu kibo namu ashiayeh kumto lakhi toi kije shive nani. Kughono ado kivi ighini keno, Ino tipau papashi shiluvepe nani. Ino AMPEU ke!”

MATTHEW 1:11

Josiya ye Jekoniya ngo pa thikuzumiqo papuh ke, tiye Babilon lo Israilmi kughu sasu wuke ghuloki loke. *

ZEFANIA 3:11

Tipa ghulokiloye nongu, iwu timiqoye ishou hebide kepi kujovekepu kuhave nani. Aqhekuza eno akulakimi kumtsu ino ikhive nani eno ikimthe naghuto loye nonguye khilemu ishou hebide kithemo nani.

AMUS 9:9

“Ino ahza tsupuzu akhoje lono athi ijokeshi Israil lo akemiqo ijo nani. Ino ashiayeh kutami gholo panoqo ijosu nani tiye amekuhakemi kumtsu ikhipeve niyeke.

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

JEREMIYA 7:4

Pishiqhikeu tsa hipaqo pulu kevilo, ‘Ninguye kiumu shimo nanike! Hiye AMPEU chinekike, hiye AMPEU chinekike, hiye AMPEU chinekike!’

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

EZEKEL 15:5

Tipau piti mphi lonomu tiye avehupu kuhamitheke; ikelo amino tipau piti pe aitsu shive kethiuye kiumu avehupu kuhamithe kuchou shivae.”