JEREMIYA 28:6 - BAIBEL (BSI)

⁶ “Akumzapuke! AMPEU no tipau shinikeu niye laju anike! Niye nono tungkuptsa pikeu kuchou shi pano shitsu penike niye laju anike, Babilon kudauno achinekilo akini pekutsu puakeu kumtsu eno timi khijehi akughumi shi sawuve keno tipaqo kumtsu sachile saghi penike.

Sumi Naga CL (Re-edited) Bible (BSI)

⁶ Tungkupu Jeremiah no pi, “Amen! Ampeu pelo tishi peniu, nono tungkuptsa pive keu kuchou shi aghi peniu, eno Babylon lono Ampeu kilo akhu ajukhu eno akughumi kümtsü a-a hipau lo sachile saghive peniu.

JEREMIYA 28:6 Referans Kwoze

LESHELE 41:13

AMPEU sheqhelo, Israilmi Lhou! Itehi eno alhokupujulo pa sheqhelo. Amen! Amen!

KUKAMI ATUGHIU 1:36

Tileno Benaia Jehoida nuno akukau khochile, “Tishipeniu, eno AMPEU oLhou no tipaulo shikuputsupeni!

JEREMIYA 11:5

Tishianguno ino pano puasu lau ashoqhi shipuakeu penikeu shike, tipau shoqhi ye - ino kinikulu eno aghuma kua yeghi panoqo tsunikeu shike, tipau yeghilo panonguno ngo anike.” Ino pi,”Iye, AMPEU.”

Piyeküsü 19:4

Muchomi mukubidi ngo xuakeu lhoxu bidi huno itsaqi puzu Alhou akuka lakhulo iqa akeu mllaghi ishipi, “Amen! Alhou sheqhelo!”

Piyeküsü 5:14

Akuxu akeu lhoxu bidino ishi khochile, “Amen!” Muchomiqo huno itsaiqino mllae.

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

2 Kor. 1:20

Kughengu Alhou no piqhipuakeu kumtsu pa gholono “Iye” ipikeu anike. Tighenguno pa vechewono Alhou jekipipu shinike ninguno “Amen” ipi cheni.

1 Kor. 14:16

Kughengu nono angu-ghalo likhino Alhou shikimithi aye, kuho kuami inapughami lakhiye nono kiu pianikeno mthakeloye kishino “Amen” ipi nono shikimthi akeulo pikuqhaluni kya?

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

MATTHEW 6:13

Ghukujulo ningu sailotsu kevilo, ikemu Alhoksau launo nixaphetsulo.

JEREMIYA 28:3

Ampe kini dolono Akukau Nebukadnezar no Babilon lo puwuve keu achinekilo akini pekutsu puachekeu kumtsu hipa-alo suchile sughive nani.

JEREMIYA 18:20

Akivi ghenguno alhoksa lochileni kesha? Ikeghi panonguye ipelo veqhi ilo penike aqoh lakhi chhupuanike. Ino panoqo ghengu kishi olau ighino ovilo pikeno kumsululo, tishianguno opelo aloghu kighide shi panoqo peitha pemoniyeke.

JEREMIYA 17:16

Ikemu AMPEU, niye khilemu ovilo panoqo shou kutsakungokeu puku tsulepi tsuyikhomo pimoke; niye panoqo shou shiluksa tsala ighipenishi puamoe. AMPEU, nono hipau ithi anike; imutsu lono pikeuye kiu keno nono ithi anike.

LESHELE 106:48

AMPEU sheqhelo, Israilmi Lhou; Itehi eno alhokupujulo pa sheqhelo! Kumtsu ghano “Amen” ipilo AMPEU sheqhelo!

LESHELE 89:52

Alhokupujulo AMPEU sheqhelo! Amen! Amen!

LESHELE 72:19

Alhokupujulo paje kipipu sheqhelo! Pa jukuvuno ayeghiqha kumtsu chhilu pelo. Amen! Amen!

YEKIKITHI ATUGHIU 16:36

AMPEU shelo, Israilmi Lhou! Itehi eno pulhapuju pa shelo! Tishieno timi kumtsuno “Amen,” ipi kepushi AMPEU shelo.

AKIKIHI 5:22

Azu hipauno opolo ilono inguuve peni eno ololo alhoa hu sukutsu luve peni.” Topumi huno khochileni,”Ino pulo ani; AMPEU no titoi shipeni.”

ZEKHARIA 6:10

Pano pi, “Hapiye pighivekemi Heldayi, Tobija eno Jedaiya noqono tsukeu gho lupuzu Zefania nu Josiya kilo itehino mtazu wulo. Timi hipaqoye Babilon lo pighiwuve keu lono ideghiveake.