JEREMIYA 27:15 - BAIBEL (BSI)

¹⁵ AMPEU no piveake paye panoqo puwu puamoe eno panonguye pa je lono nongu vilo akimiki tsa pianike. Ike pano nongu hapupove nani eno nonguye heqhi pithive niake, nongu ghi eno nongu vilo akimki tsa hipaqo piakemi tungkupmi ghi pithikhave nanike.”

Sumi Naga CL (Re-edited) Bible (BSI)

¹⁵ Ni ye panongu puwu püamoe, ipi Ampeu no sheshu, ikemu panongu ye I je lono kichile tungkuptsa piani, ikehu tipau visavili ye I no nongu hapheve no nongu eno tungkuptsa pi akemi tungkupmiqo pühave kelono ipeghi nani.”

JEREMIYA 27:15 Referans Kwoze

JEREMIYA 27:10

Panonguye nongu pishiqhi anike eno noyeghi lono putosuu sawuve peniye kughu auveake. Ino nongu hapheveno kutsaleve nanike.

YEKIKITHI AKINIU 25:16

Amazia no ishi ghechile, “Kughono ningu ye opelo akukau kukutsuu shiveape kya? Atsa pikevelo, ti kumoaye ino opithive nani ke!” Tungkupuu no atsa pimove ikemu tipau zuuno hipatsa pitsu, “Ino itehiye ithive ake Alhou ye okutsaveni keu shi xathavae kughengu nono hipaqo kumtsu shiveke eno ino kutsu keu tsa kukuthave tsuke.”

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

MATTHEW 24:24

Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

JEREMIYA 29:9

Panonguye ije lono akimki tsa pianike. Niye panoqo puwu puamoe Ni, AMPEU no piqhi anike!

JEREMIYA 23:21

AMPEU no pivae, “Niye tungkupmi hipaqo puwu moke ikeghi panonguno wuke. Niye kiu tsapemu panongu tsumoe, ikeghi panonguno ije lono picheni.

JEREMIYA 23:15

‘Ikehu, ni, Aqokitikhi MPEU no Jerusalem tungkupumi ghenguno hipau pitsu ani: Panoqo pelo chupenike ino khumtsayi keu tsuni tsu nani eno tughu yepe nanike, Kughengu panonguno ayeghiqhalo Alhou sumsamo keu pesu nhakha woke.’ ”

JEREMIYA 20:6

Pashur, no eno nokibolomiqo ghi kughaluveno Babilon lo sawuve nani. Noye tilano thive nani, tiye okusami nono khunoqo vilo akimiki kumzapu pichekeno tipaqo kumtsu gholo qhove nani!’ ”

JEREMIYA 23:25

Tungkupmi hupaqono kiu pikeno, panonguno ije lono akimki tsa pikeu eno panoqo samouno ino itsape pesu panoqo tsuveakepi pichekeqo kumtsu ino ithianike.

JEREMIYA 29:8

Ni, AMPEU, Israil Lhou no nongu lau kutughuveake nonguye tungkupmi nongu gholo akeqo momu kutami khuu khumu panonguno ighinikeu vehu ashe-azu tsa pilu cheni kepi pichekemiqo pelo nongu pishiqhivepe kevilo. Panonguno asamo pumokeulo amlo tsukevilo.

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 38:22

Kungunhetsu lono ino ithulu ke Juda lo akukau kighikilo totimi aghikeqo kumtsu Babilon kukau kijemiqo lau saipeve cheke. Panonguno wuchekelo kiu tsa pisusu wuchekeno inijulo: ‘Akukau shompami kuchouno pa sakughuzu ke, panonguno pa shou ayehpeke. Itehiye pa pukhu anibalo xesuluvae, pawu shompamiye pa qhivae!’ ”