JEREMIYA 26:9 - BAIBEL (BSI)

⁹ Noye kushiye AMPEU jelono hipau chinekiye Shilo toive nani, hipau phughiye kutsave eno lakhimu hipaulo kughunamove nanipi pikya?” Tithiuye timiqono isuhupe kumqoluve.

Sumi Naga CL (Re-edited) Bible (BSI)

⁹ No ye kushiye Ampeu je lono tungkuptsa, ‘Aki hipau ye Shiloh toive nani eno mishighüna ye kütsaleve no küghüna move nani,’ ipi ani kea?” Ikehu Ampeu kilo timi kümtsü no Jeremiah süho luve.

JEREMIYA 26:9 Referans Kwoze

Apostolmi 22:22

Paul no hipike kutolo timiqono pa tsa initsu, ipuzu tithiuye panonguno ighamuku pi, “Timi hikithipu ayeghilo qhikevilo! Timi hikithipuye puxukepu kumoe!”

Apostolmi 21:30

Aphughi qha kumtsu qheghuyive eno timiqo kumtsu koha ighikhae. Panonguno Paul tsuquluve puzu achineki lono pa sunhe sasu ipeve. Eno mtazu ahukikhaqo khaluve.

Apostolmi 13:50

Ikemu Judami no aphughilo sakiphemi ngo totimi aqo-aholo sapheghi Alhou mlla chekeqo xukuthoe. Panonguno Paul ngo Barnaba pama shou shikighime nikeu xukutho eno tipa qha lono pama hapupove.

Apostolmi 6:14

Pano pikeu nino chiluke Nazaretmi Jisu hipauno achineki xaqhive nani eno Muse launo ninguno itehi kutolo pepimhe ighikeu akhu- ayeh kumtsu kilive nani ipike.

Apostolmi 5:28

“Timi hipau jelono kutsu kevilo pi ninguno tsatsayi ahza tsuvae, ikeghi nongu kukutsu pesu Jerusalem nhakhava, eno timi hipau kithi ningu makho shivetsu niye anie!”

John 8:59

Ikelo panonguye atu ikhipesu pa veqhiniye shi, ikemu Jisu no itshuluve eno achineki lono khalau ipeve.

John 8:20

Jisu no hipaqo kumtsu pesu kutsu, tiye Achinekilo akumllagho pekutsu chekeu-aloke. Tilehi khunomu pa kughalu vemoe kughengu pa kughalukepu tuqhudo ighimokehu.

Mark 15:11

Ikemu achinetomino timi aqokitikhi xukuthono Pilat pelo panoqo lau Barabba khaqhiphetsu penike khu.

MATTHEW 27:20

Ikemu achinetomi ngo Judami kichimiqono timiqo hakilhe pesu Baraba kuqho puwuveno Jisu pithivepe niye Pilat vilo khue.

MATTHEW 21:23

Jisu no achinekilo ighi puzu timiqo kutsu akelauye achinetomi ngo Judami shou kichimiqono pa lau ighino ishi iniju, “Noye kiu kuka lono hipaqo shi anikya? Khuno hi shilukepu kuka otsu kya?”

MICAH 2:6

Timiqono ivilo ishi lheke, “Ni kutsukevilo, tikithipu pesu kiumu kutsukevilo. Alhou ye ningu pelo kujomzave peni chemoke.

AMUS 5:10

No-timiqono amikucho xakutha shimokeu eno kughakutha alo kuchou tsa pimoke ghenguno timi khuuno nongu sakiyini keno tipau jumithi cheni.

JEREMIYA 9:11

AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

ISAIAH 29:21

Khunoqono kutami thaigha, khunoqono heqhi buqhi kemi ghimeqhini keu lakha cheni eno khunoqono amikuchomi pelo achipiu xakutha ithulupemo niaye akimki tsa picheni keno Alhou no kutsapinyive nani.

YEKIKITHI AKINIU 25:16

Amazia no ishi ghechile, “Kughono ningu ye opelo akukau kukutsuu shiveape kya? Atsa pikevelo, ti kumoaye ino opithive nani ke!” Tungkupuu no atsa pimove ikemu tipau zuuno hipatsa pitsu, “Ino itehiye ithive ake Alhou ye okutsaveni keu shi xathavae kughengu nono hipaqo kumtsu shiveke eno ino kutsu keu tsa kukuthave tsuke.”

Apostolmi 3:11

Timi huno Pitor ngo Johan pama sunhepe akelo timi kumtsuno akichiqhi kelauno panoqo lau posu Solomon kisheqho ipichekeulo ighi.

Apostolmi 5:12

Apostolmino timiqo gholo amchipu eno akumzapu kutomo shiphepiyelu. Kupulumi kumtsu Solomon kisheqholo kuhokumqo che.

JOSHUA 18:1

Panonguno ayeghi leluveke thiu, Israil shiyeh kumtsu Shilo lo kuho eno AMPEU no ngoche keu phiki shive.

JEREMIYA 32:3

Akukau Zedekiya no tilehi ikughape akughu shive eno AMPEU no ishi pikeu ino pesu asheshukeu ghenguno ihakhake, tiye: “Ino Babilon kukau pelo aphughi hipau leluve peni cheni,

JEREMIYA 33:10

AMPEU no pi, “Timiqono piakeuye a-a hipauye asayeqha toike, tipaulo timi kuhae momu tipaulo tughashi lhoxu ngomovae. Panonguno piakeu tiye achipike; Juda lo taunqo eno Jerusalem laghilaqoye yenguyeleivae; timi mu lhoxuqomu tilehi kuha. Ikemu a-a hipaqolo nonguno itaghi

JEREMIYA 36:29

AMPEU no ivilo akukau vilo ishi pilo pike, “Nono likuzu kaku pitivetsuke eno nono Jeremiya vilo kushiye Babilon kukau no ighi puzu ayeghi hipau kutsa leve nicheni eno tipaulo timiqo ngo lhoxuqo pithikhaveni cheni ke ipi yesu kelapi inijuke.

AKUMLO 4:13

Ikemu liwu tungkupmino axine shive eno achinemino kuqukeu ghenguno pimimokemi pithive kepu shiveke.