JEREMIYA 25:3 - BAIBEL (BSI)

³ “Amun nu Josiya no Juda lo akukau shikeu mpe chighi akuthuu lono ishi tsala kutolo, hi ampe muku kuthu dolo AMPEU no iputsa ke eno pano ivilo kiu pikeno niye khilemu nongu vilo pimovekeu shipuamoe. Ikemu nonguno amlo tsuqhiyikeu kuhae.

Sumi Naga CL (Re-edited) Bible (BSI)

³ “Amon nu Judah kükau Josiah yepe mpe chighiaküthüu lono ishi kutolo ampe muku küthü shi akelono Ampeu tsa I lau ighi, eno ni ye tamo mithe nongu vilo pivae, ikemu nongu no inimoe.

JEREMIYA 25:3 Referans Kwoze

JEREMIYA 26:5

ino tungkupmi, iqemiqo khunoqo nongu lau puwu acheni keno tipaqo tsa amlo tsuqhiyi papekeu lono aghokulu shimasake. Nonguye khilemu panonguno pikeu aghokulu shichemoke.

JEREMIYA 11:7

Kughou ino pano puasu Ijip lono saipe ghikeno igholupe nike ino tsaquino panoqo piputo puanike eno ishi tsala kutolo ino timiqo kutughu achenike.

JEREMIYA 1:2

Amun nu Josiya no Juda lo akukau shikeu ampe chighi akuthuu shiake lono AMPEU no Jeremiya putsake.

JEREMIYA 7:13

Nonguno axine hipaqo kumtsu shi acheni eno anguno anguno ino nongu vilo pi anamu nonguye initsumono miliveke. Ino nongu kukelo nonguye khochilemoke.

JEREMIYA 29:19

Panoqo shou hipau shinani putsake kughengu ino panoqo lau iqemi, tungkupmi vechewo atsape puwu achekeu panonguno agholumoke. Panonguno initsumoke.

YEKIKITHI AKINIU 34:8

Pano kakeu mipe chighi akutacheulo, pano asu-atu chine pughave no ayeghi ngo Achineki shikimtheve kethiu Akukau Josiya no AMPEU Alhou chineki pukho penike timi hipano kuthu puwu: Azalia nu Shafan, Jerusalem peitha kicheu Maaseia eno kijemi atou Hoahaz nu Joa.

YEKIKITHI AKINIU 34:3

Josiya no akukau shilu keu ampe akutacheu lo, paye ighono lhothemi kughunu shi aphi lono pasu Akukau David Lhou mlla cheuve. Ampe bidi thiu pano asu-atu kumlla aqo kutsale thuve - Ashera lhouliu julho ngo asu-atu julho kutau kumtsu.

2 Tim. 4:2

atsa pesu pikulhalo, ado achipilo na monamu mutazu tipau pialo; mutsuqheyi shilupe, sakiyikepulo sakiyi, shikumto kepulo shikumto eno kheakulushi kutsupiyelo.

John 8:47

Khuuno Alhou laumi keno pano Alhou tsa initsu cheni. Nonguno initsumokeu kiqiye nonguye Alhou laumi kumoe.”

John 8:2

Thanau inaqhe itheno paye achinekilo ideghi. Timi aqokitikhino pa suhope kumqo ighive, ike pano iqave puzu panoqo kutsu ae.

Mark 1:35

Thoghiu inaqhe zughuyi aphi lono Jisu no ithu puzu timi kughunamoke-a lakhilo wu, tile paye inikhuae.

JEREMIYA 44:4

Ino nongu lau iqemi tungkupmi puwu acheke eno panoqo no nongu vilo ino jumithi chekeu thime kusakugha hipau shikevilo pi picheke.

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 25:4

AMPEU ye pa qemi tungkupmi nongu lau puwutsu acheni kemu nonguno initsumo momu amlo tsuqhiyimoe.

ISAIAH 55:2

Kushiye kiumu aghaqimo kepu lono pisa peve cheni kya? kushiye nonguno qelukeu puwo khave keghi muzuthi cheni kya? Itsa inilo eno ino pikeu shilo, eno achuqupu kumtsu nguno akiviu pesu nonguno alopivilu nani.”

LESHELE 81:13

Iwu timiqo pelo itsa initsu penishike; panonguye ighokulumi shipenishi ke!

KUKAMI ATUGHIU 22:3

Ahab no pa qholo kijemiqo iniju, “Kushiye ishi kutolo ninguye Siriya kukau launo Ramot Gilead luchilemono aphi kya? Hiye ningu wu ke!”

IPEKULU 8:20

AMPEU no Muse vilo pi, “Thanau inaqhe itheno wupuzu akukauno aghokilo wuche ke lono pa sasu kushono pa vilo AMPEU no ishi pi ani pilo, ‘Iwu timiqo pelo wuve pelo tishianguno panonguno imllalu penike.

BOTHUBO 22:3

Abraham no inaqhe itheno ithu puzu gadaha tsughada kudayive eno aqemi kini pa nu Isak ngo ishi pa gholo sawuni ke kuto. Eno kuchopu pitikeu gho ghengu lono asu ghepu puzu Alhou no pavilo wulo pikeu a-lo wue.

YEKIKITHI AKINIU 34:1

Josiya no Juda lo akukau shilu kelo paye ampe tache shia eno Jerusalem lo ampe shighi lakhi ayeh pelu.

YEKIKITHI AKINIU 36:15

AMPEU, panoqo puasu Lhou no pawu timiqo lau kutughutsu penike tungkupmi puwu ache, kughengu pano Achineki ngo timiqo puxu puatsu niyeke.

JEREMIYA 7:25

Nopuasuno Ijip lono ipeghikeu tsala lono hipa tsala kutolo ino iqemi tungkupumi nongu lau puwu acheni.

JEREMIYA 32:33

Panonguno azupo ilau kughopuwo veke eno ino panoqo shika piye apulaghi panonguno initsumo eno ithulumoke.

JEREMIYA 35:14

Jonadab tikughukomiqoye pano aji shokevilo pi ahza tsukeu papelu acheni eno ishi tsala kutolo panonguye khunomu aji shochemoe. Ikemu niye nongu putsa acheni eno nonguye ipapelumoke.

JEREMIYA 36:1

Josiya nu Jehoiakim no Juda lo akukau shikeu ampe abidiulo AMPEU no ivilo pi,

JEREMIYA 36:2

“Likuzu kaku lakhi lupuzu tipaulo Israil ngo Juda eno ashiayehqo kumtsu ghili ino ovilo pivekeu yesulo. Josiya no akukau shiake ghulokilo ino atughushi oputsakeu lono ishi kutolo ino ovilo pivekeu thwokha kumtsu yesulo.

KUKAMI AKINIU 17:13

AMPEU no pa ghinimiqo eno tungkupumiqo hapuwuno Israil eno Juda ghutu tsu: “Nongu laghi lhoksaqo phevelo eno izahkutsu khikhi Ayehza kakulo anikeno, khipau ino nongu puasuqo eno iqemi tungkupumi vechewono tsukeno tipaqo yehza ghokulu shilo.”

YEKIKITHI AKINIU 24:19

AMPEU no tungkupumi puwu puzu pa lau ideighi penike kutughuu pe ikemu timiqono initsumoe.

JEREMIYA 19:15

Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 22:21

Nono kinikulu shi acheke lono AMPEU no oputsake, ikemu nonguno initsumoveke. Tiye nongu kuxu kupujulo tipau mla acheni; nonguye khilemu AMPEU gholu chemoke.

EZEKEL 33:4

Tsala timi khamino tipau chilu kemu tipaulo amlo tsumoveni eno aghumino ighi puzu pa yive aye, pa kithiye pa likhi pa ngukuni ae.

ZEKHARIA 1:4

Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.