JEREMIYA 24:5 - BAIBEL (BSI)

⁵ Ni, AMPEU, Israil Lhou no kihilu akeuye timi Babilon lo sawuve kemiye khughuthi kivi hipaqo toike, ino kimiyeqhiyi panoqo peitha nanike.

Sumi Naga CL (Re-edited) Bible (BSI)

⁵ “Ampeu, Israel Lhou no ishi piani: Mubuthi kivi hipaqo toi, I no khunoqo Judah lono Chaldeami yeghi lo akughu shi puwuve akeno tipaqo ye akivi kepi kihi nani.

JEREMIYA 24:5 Referans Kwoze

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

NAHUM 1:7

AMPEU ye aloke; shiluksa ghulokilo pano pawu timiqo susholu cheni; khunono pa lau ideighi nikeno pano tuchomujo cheni.

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

2 Tim. 2:19

Ikemu Alhou no ghope qhikeu akumto boqha huye tulamlae; tipaulo ishi yepuku puanike: “Khunoqono Ampeu wu timi keno pano tipaqo ithi ani,” eno “Ampeu laumi ke pichekeqoye alhoksa kumla launo putosuvelo.”

Galatiami 4:9

Ikemu itehiye nonguye Alhou ithivae, momu piniaye Alhou no nongu ithivae, tishiaye nonguye kishi puzu idechilewo qeinayikeu eno aqu agha ghahwu qu-axemi shikithenishi cheni kya?

1 Kor. 8:3

Ikemu khuuno Alhou kimiye cheni keno pano ithi auvae.

Rommi 8:28

Nino ithi akeuno Alhou kimiji kiqi lono pa kimiye chekemi khunoqo kuluvea keno tipaqo lau thwokha kumtsulo akivipu ghenguno mla kuqha acheni.

John 10:27

Iwu bheriqoye isutsa chilu chenie ino panoqo ithi ani eno panonguno ipape cheni.

MATTHEW 25:12

Ikemu kulapuuno ishi khochileve, ‘Kuchouno niye nongu mthae.’

LESHELE 119:71

Ighimeqhi keuye ighenguno aloke, kughengu tino ipelo ozahkutsu shikalupeke.

LESHELE 119:67

Nono ighime mphi loye niye akumoulo wucheke ikemu itehi niye otsa ghokulu shi ani.

ZAKINIU 8:16

Asayeqhalo pano nongu pelo mana sho chulupeke, nongu puasuqoye tipau chuqupu chuju mphikeu ke. Pano nongu pejunike akijikusa nongu shou pukuke tishianguno ashekhalo thime kivi pesu nongu kumghatsu kepu shiniyeke.

JEREMIYA 24:4

Ike AMPEU no ivilo pi,

JEREMIYA 29:4

“Aqokitikhi MPEU, Israil Lhou no Nebukadnezar pelo Jerusalem lono Babilon lo akughumi shi sawuve peniye pano pulovetsu kemi timiqo kumtsu lau pi ani:

JEREMIYA 29:20

Nongu khunoqomi ino Babilon lo halepuwuve keno nongu kumtsu ni, AMPEU no kiu piani keno inilo!

EZEKEL 11:17

Tighenguno ni, Akughushu MPEU no piakeu pesu panoqo vilo pilo. Khilehi ino panoqo kutholesuve keno tipaqo yeghi lono ino panoqo hekutsu nani eno Israil yeghi pesu panoqo tsuchile nani.

ACHINE 26:44

Ikemu tishive kelomu, panonguno pano ghumi yeghilo achephilo pinamu niye qhoi panoqo qhivemo momu kutsavemo nanike. Tishini keloye panoqo sasu ino puloshoqhi shikeu ashekha shiveni ake eno niye panoqo Lhou AMPEU ke.

JEREMIYA 29:11

Nongu ghenguno kughu puakeu nongu lau kutsakungo keu kumo puzu kinikulu sughinikeu, nonguno ighini keulo laju achekeu sughi tsunikeu kughu puakeqo ilikhino ithi ani.

EZEKEL 11:20

Tithiu panonguye iyezah pelu nani eno ino ahza tsukeu kumtsu pichebekulu shi agholu nani. Panonguye iwu timi shive nani eno niye panoqo Lhou shive nani.