JEREMIYA 2:5 - BAIBEL (BSI)

⁵ AMPEU no pike: “Nongu puasuqoye ino vimono akeu kiu ithulu keno panonguye ilauno putosuve kya? Panonguye ame kuhakeu asu atu mlla eno panongu ampino ame kuhakeu shiuveke.

Sumi Naga CL (Re-edited) Bible (BSI)

⁵ Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

JEREMIYA 2:5 Referans Kwoze

KUKAMI AKINIU 17:15

Panonguno pawu mijekutsu puloshoqhi shikeu hephove eno pano pikumsa ghutukeu ikhilumono peve. Panonguno ame kuhakeu asu-atu mllauve eno panongu pesu ame kukuhau shiuve eno sukumxa lo akeqo shiyeh khuayeh panonguno tiu papeuveno AMPEU zah kutsuqo hebidevetsu.

Rommi 1:21

Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu.

JONAH 2:8

Khunoqono kichileu julho mlla cheni keno panonguye oghokulu phevae.

LESHELE 115:8

Tipaqo mllakemi eno tipau pukhu chekemi kumtsu panonguno mlape qhikeu ajulho toive pelo.

ISAIAH 44:9

Ajulho shichekemi kumtsu ame kuhae, eno panonguno shishe amekusho shichekeu lhouqoye avehupu kuhae. Khunono hikithipu lhouqo mllacheni keno tipaqoye anhethi iche eno mbomzuke eno panonguye kujo mzave nani.

SAMUEL ATUGHIU 12:21

Kichileu lhouqo pape wukevilo; panonguye nongu kuphuluni chemo momu nongu xaluni chemoe, kughengu tipaqoye kuchou kumoke.

ZAKINIU 32:21

Pano julho pesu panonguno iloghu kighide, pano wu alhouqo ipikeu lau anheshu, alhou ipi kemu kuchouno alhou kumoe. Tighenguno ashiayeh ipi chekemi ino peithano pano loghu kighideve tsu nani; Kughuzumi shiayeh qo shou ino panongu pelo anheshuvepe nani.

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

MATTHEW 15:8

‘Timi hipaqoye atsapi loye igihu cheni ikemu panongu mloye ilauno putou anie.

EZEKEL 11:15

“Thinikuau timio, Jerusalem lo timi khunoqo xuani keno tipaqoye oghili ngo nokusami Israilmi halepupove keulo akemiqo ghili kugha anike. Panonguno ishi piani, ‘Halepupove keqoye AMPEU mllani keulo ighono putosuu anie. Ayeghi pighiluve penikeu shi pano ningu tsuvae.’

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

JEREMIYA 12:2

Nono Pano shosuke eno pano- nguno akuhu qusu; thu ipeghi eno axathi pithi cheni. Panonguye pulhapuju opi pivi acheni Ikemu panongu muloye olauno putou acheni.

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

ISAIAH 29:13

AMPEU no pike, “Timi hipaqono akichiloye ikupunu imlla cheni ikemu panongu tsaqoye akiqi kuhae eno panongu mloye khile anikela mthake. Panoqo chineyeh ye timino shikeu yeh eno pe kishe chekeu yeh panonguno mlokite shipusu akeu kethono kiumu kuhae.

ISAIAH 46:12

“Nongu amlo kiqhimiqo, itsa inilo, tokulupuye putosupe anikepi kumsuchekeqo.

JEREMIYA 2:4

Nongu Jakob laghaqo, AMPEU tsape inilo, nongu Israil shiayehqo,

JEREMIYA 8:19

Inijulo! Aghakhuqha kuchopulo iwu timiqono ishi igha akeu chilu ani, “AMPEU ye Zion lo ngo chemovea kesha? Zion kukauye tilehi kuhavea kesha?” AMPEU, panoqo kukauno khochile, “Kushiye nonguye asu-atu mllakeu lono eno nowu inaghami lhouqo lau itsaiqi mllakeu lono iloghu shikighideve kya?”

EZEKEL 14:5

Asu-atu julho hupaqono Israilmi pelo ilauno tsughusu wuvepeke ikemu iwu khokichile pesu panongu pelo iqhoqhupe nike niye laju ani.