JEREMIYA 2:18 - BAIBEL (BSI)

¹⁸ Ijip lo iqikeu lono kiu ala shilu nani kepi nonguye kumsuve kya? Nayil ghoki zu yeniye kesha? Asiriya lo wukeu lono kiu ala shilu nani kepi nonguye kumsuve kya? Eufrati ghoki zu yeniye kesha?

Sumi Naga CL (Re-edited) Bible (BSI)

¹⁸ Nile zü yenike Egypt lo wuke kumo aye no ye kiu shiwu kea? Momu Euphrates zü yenike Assyria lo wuke kumo aye no ye kiu shiwu kea?

JEREMIYA 2:18 Referans Kwoze

JOSHUA 13:3

Avim yeghiqha lono apeu kudau ghi lukepu aphi, tiye Shihor ghoki Ijip kipelauno Ekron lughi ahuu do pe Kananmi wu kepi kihi chekeu yeghi, tile Filistiyami ayepemi pungu ache, Gaza, Ashdod, Ashkelon, Gat eno Ekron hipaqo.

HOSIYA 7:11

Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

JEREMIYA 2:36

Nonguno ashiayeh kutami lhouqo lau tsughusu wukeu lono nolikhi no pesu lhalhaive ani. Asiriya no nongu mlo kusapu shivetsu keshi Ijip no nongu mlo kusapu shitsu nani.

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

HOSIYA 5:13

“Kughono Israil no liye kishi su ani keno eno kughou Juda no li likhi li ghuzakuqo ithulu keno Israil no Asiriya lo akukatou akijeu vilo akukuphu khuniye wu nani, ikemu paye panoqo shipivi tsumlave momu panoqo ghuzaku vilumo nani.

EZEKEL 17:15

Ikemu Juda kukauno hebideve eno khurshi ngo aghushimi saghinike alachemi Ijip lo puwuke. Paye tolu nani kesha? Paye tikithipu shipuzu pokulupu kesha? Paye visho kuboleve puzu aghime sholumove nani kesha?”

AKUMLO 4:17

Akukuphu ighini malaye ninguno kheju ache kemu khilamu ighimo veno ninguye khepukave. Ashiayeh hami launo akukuphu ithuluni malaye kheche kemu ithumlave.

ISAIAH 7:20

“Tipa tsalanino, AMPEU no Eufrati ghoki tuxauno Asiriyami shou akukau akutsusa kishiu shi piqe saghi nani; eno pano nongu kichimhi ngo nongu kutsusa eno nongu philo asa akeu miyelevetsu nani.

ISAIAH 23:3

tiye Ijip lo ipeghikeu thi qhu eno jewu peniyeke eno ashiayeh kumtsu sasu kilhisho niyeke.

EZEKEL 16:28

“Noye kutami sasu salha aghaqimo ke ghenguno Asiriyami papesu poche nike. Noye panoqo sasu ghi salhakicheu ke ikemu panoqo sasu ghi oghaqimoveke.

YEKIKITHI AKINIU 28:16

Edommi no itaghi Juda lethuve eno akughumi shini ke kutomo kughaluve tsu ke ghenguno Akukau Ahaz no Asiriya kukatou Tiglat Pilaser vilo akukuphu khu puwu.

JEREMIYA 31:22

Nonguye ado khitohi pulumlano avehu kunacho akemi shinani kya? Ino kiukela akithe pakutakeu lakhi lhophetsu ani, totimi lakhino kiptimi susholukeu toike.”

AKUMLO 5:6

Akuxu puxu aniaye achuqupu lukumkha lunike ninguno Ijip lo ngo Asiriya lo khuchhuwuke.

EZEKEL 23:30

Noye ashiayehqo ghenguno kusalhami lakhike eno panoqo su-atu julho pesu olikhi oshipixiveke.