JEREMIYA 19:7 - BAIBEL (BSI)

⁷ Hipa-a lono Juda ngo Jerusalem lo akemi qono kughuchhope aghikeu kumtsu ino hexavetsu nani. Ino pano ghumiqo pelo panoqo shou toluvepe eno aghukishi lono panoqo pithivepe nani. Ino panoqo kithi kumo pesu aghau ngo tughashiqo chuqupushi tsuve nani.

Sumi Naga CL (Re-edited) Bible (BSI)

⁷ A-a hipau lono I no Judah ngo Jerusalem kukughu kümsa shivetsü nani, pano timiqo ye ghüyi lono wove nani, eno pano küxü phuche kemi u lo ilove nani. Panongu kumo ye aghau eno tüghashi chuqupu shive nani.

JEREMIYA 19:7 Referans Kwoze

ACHINE 26:17

Ino nongu shou akumou shive nani, tishikeu lono nongu hasuve nani eno nongu jumithi chekemino noshou ayehpe nani, nonguye ighono thughuive nani ikelauno timino nongu hacheghimo namu nonguye kohapo nanike.

JEREMIYA 16:4

Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 34:20

Ino panoqo pesu khunono panoqo pithi nishi cheni keno tipaqo ulo suvetsuni eno panoqo kithi kumoye aghau ngo tughashiqono chuve nani.

JEREMIYA 15:9

Aza khuno pa nuli mitsuni puhave keno iluqive, atuthu shekukunoke. Li ghenguno pucho tsalaye zumoi keu shive; liye ajekusapu shive eno amlosa auve. Nongu itaghi puxupe aghikemiqoye ino aghumiqo pelo nonguqo pithive penani. Ni, AMPEU no piveake.”

JEREMIYA 15:2

Kughou panonguno ovilo khilau wukepu kyapi inijuaye panoqo vilo pikeu pesu pilo:” Khamino ahakusashi kusukini lono thinikeu ani, panoqono tilau wu nanike! Khamino ahakusashi aghukishi lono thinikeu ani, panoqono tilau wu nanike! Khamino ahakusashi puqumiyekeu lono thinikeu ani panoqono tilau wu nanike! Kutamiye ahakusashi akughulo sawunikeu ani, panoqo no tilau wu nanike!

JEREMIYA 7:33

Akithi kumoye aghau ngo tughashi chuqupu shive nani, eno khunomu lhoxu tipaqo shikumsa kemi kuhave nani.

Rommi 4:14

Tsala Ayezah xaqhekeqono amheghi ighikemi shikepu shike aye, akupuluye xaveno piqhikeu kumsa shiveni cheke.

Rommi 3:31

Tishiaye hipau kupulu pesu Ayezah hapuhaveni kesha? Khilemu tishimoe! Tishinike zuqhu ningu pelo Ayezah mutotoilu peniyeke.

AKUMLO 3:37

Tsala AMPEU no ahza tsumo keloye khuuno tishi kulupu kya?

JEREMIYA 46:26

panoqo pithive nishi chekemi ulo suvetsuni cheni, tiye Babilon kukau Nebukadnezar ngo pawu ghushimiqoke. Ikemu hithiuye Ijip lo itaghi timi kughunauve nani, wovekeu ghulokilo panongu acheke toi. Ni, AMPEU no piveake.”

JEREMIYA 22:25

eno opithivenishi achekemi eno nono musa achekemiqo tsuve nani. Ino okugha pesu Babilon kukau Nebudadnezar ngo pawu ghushimiqo lau tsuve nani.

JEREMIYA 22:19

Gadaha kumo qhokelo shichekeu toi paye sunhekiti sawuve nani eno Jerusalem khagho khalau vepheve nani.”

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

ISAIAH 8:10

Nonguno kughuchope qhilo! Ikemu tipaqoye adou shive nani. Nonguno pinishi ke thaqhu pilo! Ikemu tiye kiumu shimla nani, kughengu Alhou ye nigholo ani!

AHOLE 21:30

Tsala AMPEU no ogholo ngomove aye alokutsu, tsughaminhe keu eno jupili kuluye okuphuluni chemoe.

JEREMIYA 8:8

Nonguye kishi puzu alokutsu kepi picheni eno nonguye iyezah ithi ani kepi picheni kya? Julo, ayezahqoye amikuchokumo kaku kiyemino kilive ani.

JEREMIYA 8:9

Nogholo alokutsumi shikukujove ani; panoqoye avehu kughuzu shivepe eno meluve cheni. Panonguno itsaqo peveke itehiye kiu lokutsu anani kya?

JEREMIYA 32:28

Niye aphughi hipau pesu Babilon kukau Nebukadnezar ngo pawu aghushimi tsuve nikeu shiani; panonguno hipau leluve nani

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

SAMUEL ATUGHIU 17:46

Ishi tsala hipau lono AMPEU no okugha pesu iulo suvetsu nani; ino otheqhiluve nani eno okutsu michevetsu nani. Ino Filistiya ghushimi kumo pesu aghau eno tughashiqo pelo chuvepe kepushi tsu nani. Hi shikeu lono ayeghiqha kuchopuno Israilmi ye Alhou achenipi ithi nani,

KUKAMI AKINIU 21:14

Ino timi ghupe puaghi kemiqo kughapesu panongu ghumi ulo suvetsu nani, tipaqono panongu leluve nani eno panongu yeghi shipsave tsu nani.

ISAIAH 29:14

Tighenguno julo, ino itaghi timi hipaqono lajumono akeu ghime pesu panoqo shithughuyi nani. Khunoqono alokutsumi kepi acheni keno kughuzumi shive aghi nani eno pano shitsa jeli kumtsu adou shive nani.”

JEREMIYA 21:7

Ikemu no ngo owu kijemiqo eno timi khunoqono aghukishi, puqumiyekeu eno kusukini lono puxupe aghini keno nongu kumtsu ino akukau Nebukadnezar ngo pawu timi noghumiqo pelo kughalukhavepe nani, nongu kuxuluve tsuniye phuchekemi ulo suvetsu nani. Pano nongu pithi khave nani. Pano nongu lakhimu ghumo nani momu nongu kimiyeqhiyikeu piyemo nani. Ni, AMPEU no piqhiveake.”