JEREMIYA 19:15 - BAIBEL (BSI)

¹⁵ Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

Sumi Naga CL (Re-edited) Bible (BSI)

¹⁵ “Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 19:15 Referans Kwoze

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

JEREMIYA 17:23

Panoqo puasuno itsa initsumo momu amlo tsuqhiyikeu shimoe. Tishinike zuqhu panonguno kuthovilo auve; igholumove eno ilauno shikalu keu kuhae.

NEHEMIA 9:29

Okukutsu tsa gholupe niye nono panoqo kutughuke, ikemu panonguno aqhekuza shi ozahqo milivetsu ke, tishi pinamu oyezah pelukeulo akuxupu la anike. Panonguno kuthovi puzu agholumo kepi milive ke.

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

JEREMIYA 5:3

Kuchouno AMPEU ye amikucho shikeu phuju cheni. Pano nongu kuzaqhi ikemu nonguye amloksa kuhae; Pano nongu chinedaqhi kemu nonguno shikithetsu keu ikhilu tsumoe. Nonguye kuthovilo kemiqoke eno nongu xine launo tsughusu wuvemoe.

JEREMIYA 6:19

Ayeghi, inilo! Julo, ino timi hipaqo shou alhoksapu sughini cheni tiye panoqo wu muqumugha ghenguno, kughengu panonguye ino kutsukeu peveke eno itsa papelumoke.

JEREMIYA 11:17

“Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 19:3

AMPEU no ivilo ishi pilo pike, “Juda lo kukamiqo eno Jerusalem lo akemiqo, ni, Aqokitikhi MPEU, Israil Lhou no kiu piani keno inilo. Ino a-a hipau shou kutsakungo keu lakhi sughini cheni eno tipau shikeu chilukemi kumtsu mamaive nani.

JEREMIYA 22:21

Nono kinikulu shi acheke lono AMPEU no oputsake, ikemu nonguno initsumoveke. Tiye nongu kuxu kupujulo tipau mla acheni; nonguye khilemu AMPEU gholu chemoke.

JEREMIYA 36:31

Nongu no axine kumtsu shivekeu ghenguno ino opolo kughukomi ngo ow kijemiqo ghimeqhi nani. Noghi eno Jerusalem ngo Juda lo akemiqo ghi ino kutughukeu tsalo amlo sumoke: ike ino kutsakungo keu pesu nongu shikichi akeu kumtsu nongu shou ino sughi nani.”

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

JEREMIYA 13:11

Chhekhaphino achita lo tsu-tsu khapulu keshi Israil ngo Juda lo akemi pelo ilau tsuqukhoilu peni shikeu kumsupu ake. Ino hipau shikeuye panonguye iwu timi shiche peni eno akishe agigihu ilau sughi peniyeke, ikemu panonguno igholumoke.”

JEREMIYA 18:11

Tishiaye, itehiye Juda lo ngo Jerusalem lo akemiqo vilo niye panoqo shou akumou shinikeu pughupe ani eno panoqo ghimeqhi nikeu kutope anike pilo. Panoqo vilo axine shikeu kuxu qhivelo pilo eno panongu laghi kililuve eno panoqono shichekeu kililuvelo pilo.

JEREMIYA 25:3

“Amun nu Josiya no Juda lo akukau shikeu mpe chighi akuthuu lono ishi tsala kutolo, hi ampe muku kuthu dolo AMPEU no iputsa ke eno pano ivilo kiu pikeno niye khilemu nongu vilo pimovekeu shipuamoe. Ikemu nonguno amlo tsuqhiyikeu kuhae.

JEREMIYA 25:4

AMPEU ye pa qemi tungkupmi nongu lau puwutsu acheni kemu nonguno initsumo momu amlo tsuqhiyimoe.

JEREMIYA 25:7

Ikemu AMPEU ampino pianike nonguno pa tsa initsumoe pike. Tishinike zuqhulo, nongu su-atu julhono pa mlo shikighideve tsuke eno nolikhi noshou aghimepu sughiveke.”

JEREMIYA 25:8

“Nonguno pa tsa initsumoke ghenguno Akughushu MPEU no piani,

AKUMLO 2:2

Kimiyekeu kuha puzu AMPEU no Juda lo aphu akeqo kutsaveke, eno aghakhu sushope akeu liwoqo tuleqhive. Akukaqha ngo tipaulo ayehkipemiqo shou pano kujomza kepu sughive.