JEREMIYA 18:21 - BAIBEL (BSI)

²¹ Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

Sumi Naga CL (Re-edited) Bible (BSI)

²¹ Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

JEREMIYA 18:21 Referans Kwoze

AMUS 4:10

“Ino Ijipmi shou pusa puwukeu lakhi toi nongu shou ghi puwuke. Ino aghukishi lono nowu lhothemi ghiqhi pithivetsuke eno nowu khurshiqo suwuve tsuke. No ghunoalo kithimi kumono tsu muna keuno nongu nigi chhivepeke. Tishi keghi nonguye ilau xaidechile ighimoe.”

AKUMLO 5:3

Nipuhnoqoye aghumino pithi khaveke, eno itehi nizanoqoye chimemi shiauvae.

JEREMIYA 15:8

Noyeghilo chimemino azughi phivilo asayethi akeu nguno alau akhanike. Ino nowu lhothemi aheagho lono pithivetsu eno tipaqo paza pelo aghime shipeke. Ino zuleno sukutukeu akuighupu pesu panoqo ghaqhike.

JEREMIYA 9:21

Akithiye nilashe vechesu alou iloghivae eno nikukakilo iloghivae; tipauno alaghilalo ititunuqo ghiqhipewuvae eno alhikishialo lhothemiqo michepewuvae.

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.

IPEKULU 22:24

axu-ideve nani eno aghukishi lono nongu ghiqhive nani. Nongu nipuqoye chimemi shive nani eno noti anuliqoye apu kuhakemi shive nani.

2 Tim. 4:14

Ayikiyiqiu Aleksander no ighono ikijipusake; Ampeu no pano mlakeu qhemi pa tsuchile nani.

JEREMIYA 12:3

Ikemu AMPEU, nono ni ithi ani; ino kiu shikeno nono ithulu acheni, eno niye kishi okimiye cheni keno nono ithi ani. Bheri ghiqhiveniye akeshi timi lhoksami hipaqo sunhekiti sawu- velo panoqo ghiqhive kepu ghuloki tomoke kutolo panoqo ghukhe shialo.

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

SAMUEL ATUGHIU 15:33

Samuel no pi, “Ozutano aza kutomo anga kuhavepe ketoi, itehiye ozauno anga kuhakeu shive peniae.” Tishi pino Samuel no Gilgal lo akumlla khache a lono Agag miche peve.

LESHELE 63:10

Panonguye aghukishi lono pithive nani, eno tungutughano panoqo phimpi chuve nani.

ISAIAH 9:17

Tighenguno AMPEU ye lhothemi lakhimu pokawulu peni chemoe eno paye chimemi ngo mighimgha lakhi shoumu amlo ighiqhiyikeu anichemoe, kughengu timi kumtsu Alhou mthakemi eno kixikilami eno panonguno pikeu thwokha alhoksake. Tishivemu AMPEU loghu taveni chemoe ikemu ghimeqhinike pau chhopuwo achephike.

ISAIAH 13:18

Panoqo suzu ngo apiji pesu lhothemi kaqhi nani. Panonguye ititunu jupe amlo ighiqhiyimo nani eno timiqo kupuni chemo.

JEREMIYA 14:16

Panoqono khunoqo vilo hipaqo tsa pipuani keno timi tipaqo ghi tikithipushi heqhipithi nani. Panoqo kithikumoye Jerusalem laghila lo vephepeve nani eno panoqo kumo shiqhotsuni kemi ghi kuha nani. Panoqo kumtsu lau hipau shinani, pano nipu, atianuli kiptimi totimi kumtsu sukuqha nani. Panoqo kixikila ghenguno ino panoqo pelo lope nani.”

JEREMIYA 15:7

Aghakhulo taun atsu-tsulo aghijini toi ino amlhu gholo nongu vepuwuke. Nongu iwu timiqo kutsaveke, ino notianuli pithivetsu kughengu nonguno alhoksa laghiqo lakhavemoke.

JEREMIYA 50:30

Ikehu tipaulo lhothemiqoye tipau phughi alaghila lono pithive nani eno tipa tsalalo ghushimi kumtsu kutsaleve nanike. Ni, AMPEU no piveake.

AKUMLO 1:15

“AMPEU no iwu akumtomi ghushimi kumtsu junuqhi; Pano iwu lhothemiqo kutsa nike aghushimi kumzapu ishou kukumqo saghi, Atsayiji tsughuphe akeshi AMPEU no iwu timiqo qoda qhi.

EZEKEL 16:38

Salha shupu eno ghiqhi keu ghenguno ino opeive nani eno iloghu kighide lono ino akithi pesu oghimeqhi nani.

EZEKEL 22:25

Tipaulo sakiphemiye abongushuno lhoxu heqhipe ngo puzu igha akeu toi ke. Panonguno timiqo heqhi, panonguno pisa kumtsu suwuve eno tinhemgha luvetsu cheni eno panonguno ghiqhikeu lono topuchimemi kutomo auvae.

LESHELE 63:11

Alhou no akukau pelo tokulu shi peke ghenguno paye Alhou gholo alovini; Khunono Alhou jelono piqhini keno tipaqono pa sheqhelu nani, ikemu kimkimi kichiye khavetsu nani.

ISAIAH 9:16

Kughengu khunoqono timiqo saphe chekeno alakumo lono panoqo sapheke eno panoqo saphekemi kumtsu kubang khavae.