JEREMIYA 18:10 - BAIBEL (BSI)

¹⁰ ikemu ashiayeh tipauno ihebide alhoksa shiwuve aye, niye ino shiniepi pivekeu shimove nani.

Sumi Naga CL (Re-edited) Bible (BSI)

¹⁰ tipau no I zülo alhoksa kümla shino I tsa lumove aye, akivi shinipi kughu akeu lono I kükümsü kilive nani.

JEREMIYA 18:10 Referans Kwoze

EZEKEL 33:18

Kughou amikuchomi lakhino akivi shimove puzu alhoksa shithuveni keno paye tipau ghenguno thi nanike.

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.

EZEKEL 18:24

“Ikemu amikuchomi lakhino akivipu shimoveno alhoksa kumtsu shicheuve eno alhoksamino kuchhube kutsula jeli shichekeu shiuve aye, paye xuakulupu kesha? Moe! Pano akivipu shipuakeu lakhimu kumsulu tsumo nani. Pa mikuchokumo eno pa xineqo ghenguno paye thi nanike.

SAMUEL ATUGHIU 13:13

Samuel no pi, “Tiye ighono nikhanigha kumla shivae, Noye AMPEU oLhou no ahza otsukeu gho lumovae. Tsala nono pa gholukepi aye opelono eno olagha qo pelono alhokuthu Israilmi shou kalupeni cheke.

LESHELE 125:5

Ikemu kughou nono kixikilami ghimeqhini keno olaghi phevekemi ghi ghimeqhilo. Israilmi lau alokughuno alo!

SAMUEL ATUGHIU 15:11

“Saul pelono akukau shilu pe keuye imlo savae; paye ilauno tsughuvae eno izah kutsuqo hebidevae.” Samuel ye agha ideve puzu putho kupuju AMPEU vilo qhuiniju ae.

ZEFANIA 1:6

Khunoqo no ilauno idewove eno ipapemoveni eno khunoqono ilau ighimoni momu panoqo sapiyelo pi inijumoni keno ino tipaqo kutsa leve nani.”

SAMUEL ATUGHIU 15:35

Samuel ye tithiu pano thimoke kutolo akukau Saul putsawumove; ikemu pa ghenguno amlo imeche. AMPEU ye Saul pesu Israilmi shou akukau shivepekeu ghenguno amlo save.

AKIKIHI 14:22

timi hipaqo lakhimu ayeghi hupaulo ilokulupushi xu alumo nani. Panonguye ino sa akeu saghu saghui keu kuvu ithuluvae eno Ijip lo ngo asayeqhalo ino akichiqhipu kumla shikeu ithuluvae ikemu panonguno anguno anguno iwu kutuukulu ghukejuke eno ihebide auveke.

EZEKEL 45:20

Aqhi tipau atsala akutsuniulo nonguye timi khuno muthave no momu kughuchove no axine shiveni keno tipau ghenguno puzuu tho thwokha shilo. Hitoi shikeu lono nonguno Achineki mithelu anani.

AKIKIHI 14:34

Nonguye nongu xine jume ampe lhobidi ime nani, nonguno ayeghi xujuwu kelo tsala lhobidi luvekeu hu atsala lakhikhino ampe lakhikhi qhemi shive peni. Nonguno ipelo nongu shou akumou shipeniye shikeu kiqiye kiukeno nonguno ithi nani!

AKIKIHI 14:23

Ino panoqo puasu vilo ayeghi tsuniepi tushoqhi puakeulo panonguye khilemu ilomla nani. Imilive kemiqo gholo lakhimu tile ilomla nani.

EZEKEL 33:12

“Thinikuau timio, itehiye Israilmi vilo pilo, ike kughou alokemi lakhi axine shi aye pano akivi shipuakeu huno pa xaluni chemoe. Tsala alhoksami lakhino alhoksa shimove aye pa ghimeqhi move nanike eno kivimi lakhino axine shithuve aye pa kuxu puxutsumo nanike.