JEREMIYA 17:11 - BAIBEL (BSI)

¹¹ Timi khuno amikuchokumo pisa lucheni keno paye aghau lakhino pano yikhuqhimo keu yikhu khophe akeu toike. Pa kuxu ahelo aphi lono pawu kinikulu puhave nani, eno ashekhalo paye kiumu kumoveno kughuzumi lakhi toive nani.

Sumi Naga CL (Re-edited) Bible (BSI)

¹¹ Timi no kuchokumo lono akini shilu keu ye akhi no yikhu qhimo keu khopheke toike, pa küxü mta lono akini hauve nani, eno ashekha lo anikha shive nani.

JEREMIYA 17:11 Referans Kwoze

AHOLE 28:20

Kuchou shi xuchekemiye akuxulo kupukulai eno alokivi shi wulu nani. Ikemu nono paikhavino kinimi shive nishiaye oghime kepu sholu nani.

AHOLE 21:6

Amikucho kumo lono akini ithulukeuye paikhavino hauve cheni tiye akithilo osailo mphi lono tishive cheni.

JEREMIYA 22:17

Ikemu noye olikhi osala phukeu lo likhi amlo tsuke; kiumu pimimokemi nono pithive cheni eno owu timiqo heqhi buqhi qoda cheni. AMPEU no piveake.

JEREMIYA 22:13

Khuuno kuchou kumo pesu paki shipuku acheni, eno achipikumo pesu tipau pekho cheni keno pa hasapuke; timi khuno panowu timiqo pelo adou lono mla chenipe, eno panoqo jume tsuchemo keno pa hasapuke.

AHOLE 28:8

Nono punakeu akighishe lucheni eno kutami shou adokivi luvecheni aye owu kinikuluye khunono kumlhomi kimiye kupu cheni keno tipano lau wuve nani.

AHOLE 15:27

Amikuchokumo lono kighisheluniye pukaputsa aye noye akibolomi sasu akupunalo ilove nani. Kulugho tsukeu lukevilo eno noye axushu nanike.

2 Peter 2:14

Panongu ye kusalhalimi shou likhi jupuku acheni, axine shinishi keulo khilemu aghaqivekeu kuhae. Panonguno tomo chhimokemiqo musuluve cheni. Panongu mloye aghukha shinikeulo qophe puani. Panonguye Alhou no musuinivekeulo ani!

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

ZEFANIA 1:9

Khunoqono Alhou kumthami toi mlla cheni keno eno khunoqono puka pughikeu pesu pano shou ampiu ki shepichhi tsuniaye pukaqhi eno timi heqhive cheni keno tipaqoye ino ghimeqhi nani.”

AHOLE 28:22

Alikhi asala phukemiye paikhavino kinimi shiveniaye kelono aquaghano pa shou ikughive niaye akeu ghi mthave cheni.

AHOLE 13:11

Nono khijehi mlaleyi shino okini ithuluni keno tipaphi lono payi puhave nani. Khijehi aghime shino qeluni keno titohi kutsukiyi pualu nani.

LESHELE 55:23

Ikemu O Alhou, nono panoqo pesu aqohkutholo suve nani, ghikiqhimi ngo kimkimiye pano kuxu amtamu xumo nani. Ikemu niuye opukhuni chenike.

Luke 12:20

Ikemu Alhou no pa vilo pi, ‘No aghuzuu! Hipa jino okuxu kuhaveni cheni, ike nono olikhi oghenguno hi kumtsu pekutsu puakeu khuwu shivepe nani kya?’ ”

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

1 Tim. 6:9

Ikemu khunono kinikulu shinikeu mine cheni keno ghuju pejukeulo ikiqi ilove cheni eno mbomzu ngo ghuzaghugha sholukepu lichhelo ilove cheni, tipaqono puhapighiyi keu ngo hepusa pughayikeulo timi sunhesuve cheni.

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

ZEKHARIA 5:4

Aqokitikhi MPEU no pike pano musuinikeu hipau puwuni eno tipauno kupkami lakhikhi kilo ilo nani, tushoqhikelo mikikemi lakhikhi kilo ilo nanike. Hiye panoqo kilo ngoauve nani eno pano kuxu ixapinyipe qhive nani.”

MICAH 7:3

Panongu kumtsu alhoksa shinikeulo shitsake. Kijemi ngo kughakuthamino kulugho khu cheni. Kijemiqono panoqo vilo pano mlolo shinishi akeu picheni ikehu panongu kumtsano akukughu shi cheni.

MICAH 2:9

Nonguno iwu timi, totimi liki kimiye chekeqo hapheve cheni eno pano wu timiqo launo ikukumgha alhokupuju ghenguno pukaluvetsu cheni.

AMUS 3:10

AMPEU no pi, “Timi hipaqoye heqhi buqhikeu eno suxaluvetsu keu nhemgha pesu panoqo ki kuloghi chhitoi ani. Panonguye amikucho shinikeu ghi mthake.

AHOLE 28:16

Ayehkipemi lakhino vethakulu kuhakeloye paye ayikusashi nedaqoda chekemike. Khuuno amikucho kumo mithi cheni keno paye ado kushuwa ayehpe nani.

AHOLE 23:5

Owu pisaye aluqu lakhino achishibo ipeghi puzu yeuveke toi paikhavino tipaqo hauve luvike.

LESHELE 49:13

Khunoqono pano likhi pano pukhu cheni keno tipaqoye kiu shive cheni keno julo, panowu kuakini shou amlo kiqishi acheni keno tipano kuxu shekha julo.

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

JOB 20:21

Pano chuke thiu kitilamu achili shilu chemoe, tighenguno pawu kinikuluye itheno hauve nani.