JEREMIYA 17:10 - BAIBEL (BSI)

¹⁰ Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

Sumi Naga CL (Re-edited) Bible (BSI)

¹⁰ “Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 17:10 Referans Kwoze

SAMUEL ATUGHIU 16:7

Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”

Rommi 8:27

Timi mlo lhejuchekeu, Alhou huno Aghungu kukumsu ithi ani, kughengu Aghungu no Alhou pulou kiqi lono kupulumiqo she-pe-ghi Alhou vilo qhuyiniju acheni.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

JEREMIYA 11:20

Tileno ino inikhu, “Aqokitikhi MPEU, noye achipishi xathachekeu lakhie; nono timi kukumsu ngo alou ithikeu jeli kumtsu peju cheni. Ino o-ulo ivehu kulhuqhivetsu ani, ike nono timi hipaqo shou amukhulu keu ipelo jukuto khe pelo.”

JEREMIYA 32:19

Nono alokutsushi kughu cheni eno akumzapu kumla shi cheni; timino shikeu jeli thwokha nono ithuluke eno panongu kumla kiqi lono nono asaxu tsu cheni.

JEREMIYA 20:12

Ikemu Aqokitikhi MPEU, noye kuchoushi timi ijoju cheni; panoqo mlolo ngo akukumsulo kiu ani keno nono ithi ani. Tighenguno ighumi shou nono amukhu lukeu ipelo ithulu pelo, kughengu ino kiu ghenguno xua cheni keno oulo qhivetsuake.

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

Piyeküsü 22:12

Jisu no piani, “Niye itheno cheae! Pututano kiu mlape puani keno tipau qhemi asaxu tsunike ghenguno ino isaxu pesu cheni.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

LESHELE 62:12

iqemokeu kikimiye huye olau achenike, O AMPEU, Kughengu pututano mlavekeu kiqi lono nono asaxu tsuchile cheni.

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

YEKIKITHI AKINIU 6:30

panongu kukhu kighini chilutsulo, oki kunguuno panongu tsa initsulo eno akipimi qhitsulo. Olikhino timi jeli kumtsu kukumsu ithi kicheuke. Timi lakhi lau shikuzupu lono peitha tsulo.

John 2:25

Khunomu timi vehu pesu pa vilo piakepu avehupu kuhae, kughengu timi lolo kiu anikeno pano akivishi ithiae.

JEREMIYA 21:14

Ikemu nono kiu shipuani keno tipau ghenguno ino oghimeqhi nani. Ino okighikiqolo ami sutsu nani eno tipau sukumxalo akeu kumtsu amino pitileqhive nani. Ni, AMPEU no piqhiveake.”

LESHELE 7:9

Kusakughamino alhoksa kumla shichekeu hakhave tsulo, Ikemu amikuchomi xaqhelo. Nono timi mlo eno timi kukumsu lheju chekeu, noye amikucho Lhou ke.

Rommi 6:21

Momu thime khipaqo ghenguno itehiye nonguye kujo ani keno tipaqo launo kiu kivipu sughitsu kya? Thime tipaqoye ashekhalo akithike.

YEKIKITHI ATUGHIU 29:17

Ino ithi noye timi kumtsu mlo ithi piliju ani eno puloniqhiyikemi wu ikhilu chenie. Amikucho lono eno puloniqhiyi keu lono hi kumtsu ino otsu anie eno owu timiqono kishi alokivi shi akumllagho pesu ighino otsu anikeno ino ithulu anie.

MICAH 7:13

Ikemu ayeghiye tilehi xuakemiqono kusakugha shi xukeu ghenguno asayeqha ilhouve nani.

MATTHEW 6:4

ikemu tiye tuqhou vehu shilo eno oPuh tuqhouno ithulu akeuno asaxu otsu nani.

Apostolmi 1:24

Tile panonguno inikhughi pi, “O Ampeu, nono timi kumtsu mulo ithi ani. Ike hi pama gholo nono khuu kishe pesu

KUKAMI ATUGHIU 8:39

panongu kighini chilutsulo. Oki kungugha lono inijutsulo, panongu kipimi qhivetsulo eno panongu kuphutsulo. Kughengu olikhino timi mulo kukumsu ithi ani. Pututa kumla kiqi lono kiu tsukuzupu keno tishi shitsulo.

LESHELE 44:21

Alhou, noye tipau phuluve nanike kughengu noye nimlolo kua tuqho tughou kumtsu ithi ani.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

ISAIAH 59:18

Pa ghumiqo, ayeghi putou aghikeqo namu panonguno mla puaghikeu qhemi pano aghime tsu nani.

JEREMIYA 12:13

Iwu timiqono athi xusu ikemu alupi pekutsuluke; panonguno akaghashi mlake ikemu kiumu ithumlae. Iloghu kighide ghenguno pano tuxatini ghi pithimoveke.”

EZEKEL 11:5

AMPEU ghunguno ipeithaluve eno AMPEU no timi hipaqo vilo atsape hipau tsulopike: “Israil lo akemiqo, nonguno kiu piani eno akukughu shiani keno ino ithi ani.

EZEKEL 14:5

Asu-atu julho hupaqono Israilmi pelo ilauno tsughusu wuvepeke ikemu iwu khokichile pesu panongu pelo iqhoqhupe nike niye laju ani.

JOB 34:11

Kughengu timi lakhi kumla qhemi Alhou no tsuchile cheni, eno pututa shelo pututano ithulu chenipe.

LESHELE 7:10

Alhou ye izuto ke, Amlo kimthemi pano xalu cheni.

LESHELE 44:22

Ikemu oghenguno atsala kupujulo nighiqhivepe acheni, eno bheri ghiqhikeu toi nipimhe achenipeke.

AHOLE 12:14

Osaxuye nono kiu pini eno shini keno tipau shou bepe ani; kiu akuzupu keno noye tipau iyighilu nani.

JEREMIYA 23:2

Hiye AMPEU, Israil Lhou no pawu timiqo tuchomujo kepushi puachekemi ayehkipemi ghili pitsukeuke: “Nonguye iwu timiqo tuchomujo chemoe; nonguno panoqo haleve eno hapupoveke. Itehiye, nonguno alhoksa mlakeu ghenguno ino nongu ghimeqhi nani.