JEREMIYA 15:10 - BAIBEL (BSI)

¹⁰ Niye kiutoi ahakusapu timi kela! kushiye iza polono ayeghilo ipunu supe kela! Niye aghakhulo timi kumtsu sasu muto eno kutsalakepu shike! Niye khuu vilo mu pisa nalu puamoe momu puna puamoe; ikeghi kumtsuno imusuinike.

Sumi Naga CL (Re-edited) Bible (BSI)

¹⁰ I za I punuu, I hasapue, aghakhu kuchopu lo mtomshu eno kütsala chekeu timi! Ni ye püna püamo, momu nalu püamoe, tishimu kümtsü no I ghusho ani.

JEREMIYA 15:10 Referans Kwoze

Luke 6:22

“Kughou timino Timi Nu ghenguno nongu mithi, nongu leve, nongu thaighani eno kusakughami kepi nongu jeku nikeno, nongu kumghae.

IPEKULU 22:25

“Nonguno iwu timi kumlhomi khuu khuu laumu pisa puna aye noye pisa punachekemi toi pa pelo akighishe sughi olochile pe kevilo.

Luke 2:34

Simon no panongu kumghatsu eno pa za Maria vilo pi; “Julo, anu hipauye Israil lo timi kutomo sunhepuku eno sunheqhi nike qhipuatsu ani. Paye Alhou kudauno amchi lakhi shiamu timi kutomono phimokeu shi nani,

MATTHEW 24:9

“Tileno timino nongu shikighime nike kughaluve nani eno nongu pithive nani. Nonguye ilaumi ke ghenguno timi kumtsuno nongu ju axesu nani.

MATTHEW 5:44

Ikemu ino nongu vilo pini, noghumi kimiyelo eno nongu peithapusa chekemi ghenguno inikhutsulo,

JEREMIYA 15:20

Timiqo sheloye ino okugha pesu alazayino shikeu tozu paphi shitsu nani. Panonguno omjo chile nani ikemu panonguye oshou tolu pemo nani. Ino osushoni eno akivishi okhenike ghenguno ogholo ache nani.

AHOLE 26:2

Nono angsu ithulu kuzupu shiaghimo napiaye ghushokeuye oghuza mlae. Tiye tughashoqhi momu akhaluno khilemu ngomono yecheke toike.

LESHELE 109:28

Panonguno ighusholuvi ikemu nono ikumghatsu nani. Ighimeqhi akeqo haleluvelo, eno ni, oqeu pelo alovilu pelo.

LESHELE 15:5

Khunono akighishe lumono pawu pisa puna cheni eno pimimokemi shou akipimi tsuniye kulugho luchemo keno; Timi hitoi shichekemiye khilemu iqemo nani.

KUKAMI ATUGHIU 22:8

Ahab no khochile, “Milakhi aphie, tiye Imla nu Mikaiya aphie. Ikemu niye paju ilochemoe, kughengu paye khilemu ighenguno akivi tungkuptsa pitsu moe; ikemu alhokuthu alhoksa likhi picheni.” “Noye khilemu tishi pikepu kumoe!” pi Jehosafat no pa khochile.

KUKAMI ATUGHIU 21:20

Kughou Ahab no Elija ithulukeno pano ishipi, “Ighumi, noye iphuluvea nala!” “Iyei, ino okughaluvae,” ipi Elija no khochileve. “AMPEU zulo kiuno achipi kumokeno noye tipaulo ighono amlo tsushe auvae.

ACHINE 25:36

Pa lau akighishe kiumu khukevilo ikemu Alhou sumsalo eno Israilmi akusami pelo ophivilo xuache pelo.

Apostolmi 28:22

Ikemu okukumsuye kiutoi kela olauno ninguno chilunishi ani, kughengu ninguno ithi akeuno hi nono pichekeu mqo huye aqha kumtsulo timino pipusa acheni.”

ACHINE 25:37

Nono pa lau pisa punatsu keulo pa pelo akighishe tsupe kepu shikevilo eno nono achuqupu pa vilo jetsukeu shou ala kughulhoni keu shikevilo.

LESHELE 69:4

Kutsazushi imithikemino ikutsulo asa akeu nguno akichiu anike. Ighumino ishou akimki tsa picheni panonguye mutotoike eno ipithi venishi ani. Ino puka moamu tipau lochile anipeke.

HABAKUK 1:3

Kushiye noye ipelo shiluksa eno akupuna ithulupe kya? Noye kishi puzu akumoushi akeu jupukulu acheni kya? Shikupsa eno heqhi buqhikeuno isuhope ani eno aqha kumtsulo kichighi kukuo eno mutokeu anie.