JEREMIYA 14:7 - BAIBEL (BSI)

⁷ Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

Sumi Naga CL (Re-edited) Bible (BSI)

⁷ “Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

JEREMIYA 14:7 Referans Kwoze

HOSIYA 5:5

Israil qhekuzano panoqo zulo ashepe shianie. Panoqo xineno panongu pelo kupuxa pesu veqhive eno Juda lo akemi ghi panoqo gholo veqhi kuqhae.

LESHELE 25:11

O AMPEU, nono piqhivekeu toi ixine kutomo akeu pevetsulo.

JEREMIYA 5:6

Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

ISAIAH 59:12

“AMPEU, ninguno ohekibide xineye kutomoke. Nixineno ninguku ani. Ninguno tipaqo kumtsu tsaqui ithi ani.

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

Ephesiami 1:12

Ningu khunoqono atughiu shi Khristo shou lajubelu keno, Alhou kimthe jekipipu sheqhepe nikeu shi kishepheveke.

Ephesiami 1:6

hiye pawu kupukini kimthe jukuvupu khikhi pano Kimiyekicheu gholono kumsano ningu tsukeu sheqhepe niyeke.

HOSIYA 7:10

Israil lo akemiqo qhekuzano panoqo shou ighamuku auvae. Panoqo shou thwokha jeli shive kethiu ghi panonguye ni, panoqo Lhou AMPEU lau xa ideghimoke.

EZEKEL 20:22

Ikemu niye tipau shimove, tishive ke aye ino Ijip lono Israilmi saipeghi kelo tipau ithulu puakeqo shiayehqo gholo ije kusapu sughiveni cheke.

EZEKEL 20:14

Ikemu niye tipau shimoveke, tishiveke aye ino Ijip lono Israilmi sasu ipechekelo tipau ithulu puakeqo shiayehqo gholo ije kusapu sughiveni cheke.

EZEKEL 20:9

Ikemu niye tipau tishimoveke ino tishive keaye ije kusapu shiveni cheke kughengu panonguno timi khunoqo gholo xuache keno tipaqo zulono ino Israil vilo niye Ijip lono panoqo sasu ipeveni cheni kepi asheshuveke.

JEREMIYA 3:6

Kughou Josiya no akukau shi akeno AMPEU no ivilo pike, “Noye Israil amikucho kumou totimi huno kiu shikeno noye ithulu akema? Liye ilauno wuve puzu atoghi kuchuqu kumtsulo eno asu minipho jeli qholono kusalhami toi mlaitha achenike.

LESHELE 115:1

Olau likhi, O AMPEU, nilau kumono olau likhino akimthe jekipi tsumasae tiye owu iqemokeu kikimiye eno amikucho ghengunoke.

EZRA 9:15

O AMPEU Israil Lhou: Nono kuchou Lhou ke, ninguye ishi tsala hipaulo achili shi pojo ighi kulumiqoke. Nino nixine pesu ozulo puthugho anie. Ninguye ozulo ighi kuzu kumoe.”

JOSHUA 7:9

Kananmi eno ayeghiqhalo kuamiqono ti chilunia. Panonguno ni botha luveno ni pithivenia, noye oje kipipu ghenguno ni lau kiu shinia?”

ZAKINIU 32:27

Ikemu niye pano ghumi pelo iwu timiqo shou toluve akepi qheza pemo nani, ni ampino kuchouno pano chinedaqhi anie!

JEREMIYA 8:14

Alhou wu timiqono ishi iniju, “Ninguye kushiye inaqhoi iqa ani kya? ighilo, ningu aliwo putupuakeu phughiqolo posu wuni eno tilano thinike. AMPEU niLhou no thipe nikeu shi nishou kughathavae; ninguno pa shou axine shike ghenguno pano nipelo yepenike tughuzu tsuke.

LESHELE 79:9

Ni kuphulo, O Alhou eno ni xalulo, ni sunhephelu eno oje kivipu ghenguno ni xine peivetsulo.

ISAIAH 48:11

Ino kiu shiani keno tiye isala shi anike, niye kutami pelo ije gihumove keu shipemoke momu kutami pelo ijekipi kusaje pemoke, tiye iwuke eno iwu likhi shi nanike.”

JEREMIYA 3:25

Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

JEREMIYA 8:5

Tishiaye, iwu timiqo, nonguye kushiye ilau xaideghimono ilauno tsughusu wuvea kya? Nonguno asu-atu julho lau amlo tsu auveno ilau ideighimo pike.

AMUS 7:2

Iwu kungunhetsulo, tulhaquno ayeghilo atsuni mini aghikeu kumtsu chukhave keu ino ithulu, ikelo ino ishi pi, “O AMPEU Alhou, owu timiqo xine pevetsulo! Panonguye kishieno puxuluni kya? Panonguye aghulo likhi eno miqemileike!”

JEREMIYA 5:25

Tishi kehu nongu xineno thime kivi hikithipu nongu launo luvetsuae.

JEREMIYA 10:19

Jerusalem lo akemino ighamuku pi, “Shishe akumsapu shi ninguye izavae! nizakuqoye vimo nani. Ninguno kumsukeuno ninguye hipau puqhekulupu shi nani kepi acheke!

MICAH 7:9

Nino AMPEU shou axine shiveke itehiye ado ikhonheyi ghenguno pa loghu pumoaye sake. Ikemu ashekhaloye pano nisusho nani eno nishou akumou shikeu kumtsu shikumzu nani.