JEREMIYA 13:19 - BAIBEL (BSI)

¹⁹ Juda lo apeu akeqo taunye aghumino bothape le ani; timi khumu tipau vechesu panoqo lau wulu amoe. Juda lo akemi kumtsu halepuwuve keulo sawuvae.”

Sumi Naga CL (Re-edited) Bible (BSI)

¹⁹ Negeb mishighünaqo ye khathavae, khaqhini kemi khumu kühae; Judahmi kümtsü haphe sawuvae, qhoi haphe sawuvae.

JEREMIYA 13:19 Referans Kwoze

JEREMIYA 52:27

Tilauno akukauno panoqo pesu pishipiyipe eno panoqoye pithiveke. Ike Juda lo akemiqoye halepupove keulo wuvepe.

JEREMIYA 52:30

eno pano kakeu mipe muku akuthuu lono timi 745 Nebuzaradan no sawuvetsu ke. Kumtsu kelo, timi 4600 sawuvetsuke.

JEREMIYA 39:9

Ashekhashi ahza kutsuu akijeu Nebuzaradan no aphughilo khunoqo qhipuaghi keno eno khunoqo pa lau poighive puzu pa gholo akeno tipaqo kumtsu kumtsa Babilon lo akughumi shipe nike sasu wuve.

KUKAMI AKINIU 25:21

Hamat ghakhulo Ribla phughilo ngo akeno pa lau sawuve. Tileno akukauno panongu heqhi pithive. Hitoi shi Judamiye panongu yeghi lono hapupokhave.

ZAKINIU 28:52

Panonguno AMPEU Alhou no nongu tsuakeu yeghilo taun akeqo kumtsu leighi nani eno nonguno pukhupe akeu aliwo qhemghai putu puakeqo kumtsu ikiqive nani.

JEREMIYA 33:13

Naghutolo taun akeqolo, naghuto kuxalo, Juda apeu kudaulo Benjamin lughi bocholo, Jerusalem kumxalo aphulo eno Juda lo taun akeqolo bherikhemino itaghi pano bheri kihikithe nani. Ni, AMPEU no piveake.”

JEREMIYA 20:4

AMPEU ampino piveake, ‘Ino okughapesu olikhi oshikumsa eno oshompami shikumsa kepu shitsu nani, panoqo kumtsu aghumi zutano ghiqhivekeu nono ithulu nani. Ino Juda lo akemiqo kumtsu Babilon kukau kuka qholo qhi nani; khamiye pano akughumi shipe nike sawuve nani eno kutami qoye pithive nani.

JEREMIYA 17:26

Juda lo taun akeqo lono eno Jerusalem sukumxalo akemi timiqono ighi nani; Benjamin lughi bocho kudauno, naghuto sumxape akeu kudauno, naghuto qo kudauno eno Juda apeu kudauno timiqono ighi nani. Panonguno iAchine kilo akuchopu pitimllakeu kumllaghoqo pesu ighi nani.

JOB 12:14

Pano xaqhive aye khumu shikithemlae, pano khuala kughape akughushive aye, khunomu pa khaqhiphe mlae.

JOSHUA 18:5

Ayeghihu saje tsuni panongu dolo kije tsuni, Juda no pano yeghi apeu tishi ngo nani eno Josef no ahuu pano yeghiqhalo tishi ngo nani.

ZAKINIU 28:15

“Ikemu nonguno AMPEU Alhou hebide aye eno pano ahza tsukeu ngo ayezahqo ishi tsalalo ino tsuakeu nonguno amikucho shi pelumo aye alhoksa jeli hipaqo kumtsu nongu lau ikughi nani:

JEREMIYA 32:44

Timiqono tipaqo qhu nani eno kughakutha kaku yemichi shi, mekhave eno thopi shikeu shinani. Hiye Benjamin lughi bocho lono shini cheni, Jerusalem sukumxalo aphu akeqolo, Juda lo taun akeqolo eno atokujolo taun akeqolo, naghuto pukhu kuxalo eno Juda apeu kudaulo shini cheni. Ino timiqo pano yeghilo sachilesawo sunani. Ni, AMPEU no piqhiveake.”

AKUMLO 1:3

Juda lo achekeqoye shikighime keu quaxemi, pano ghakhu lono halepuwuve kemi. Panonguye kutami yeghilo xu acheni, pano yeghi kepi pilukepua kuhae, Aghumino veho pesu pokulupu lah kuhae.

ZEKHARIA 7:7

Kughou Jerusalem ye kinikulushi eno timi kumzapushi akelono eno tipau sukumxa taun lo likhi kumo puzu apeu qhalo eno kulolau naghuto kumxalo ghi timi kumzapu ake ghuloki lono AMPEU no azuumi tungkupmi vechewo hipau pikeuke.

YEKIKITHI ATUGHIU 9:1

Israilmi kumtsu akibo kiqi lono akikithi shi yepuani eno tiye Israilmi kukami kaku lono hipau pithi tsupuani. Judamiye Babilon lo kughasasu wu, tiye panongu xine ghenguno aghime tsukeu shie.

JEREMIYA 24:1

Achineki zulo khughuthi ashoghi kini qhi puakeu AMPEU no ipiyeke. (Hiye Babilon kukau Nebukadnezar no Jehoiakim nu Juda kukau Jehoiachin Jerusalem lono Babilon lo akughumi shi sawuve kethiuno ke. Jehoiachin gholono Juda lo sakiphemi atshamgha shikithimi eno shitsashi akumla shithikemi ghi sawuve.)

JEREMIYA 28:4

Ino Juda kukau Jehoiakim nu Jehoiachin ngo pa gholo Juda lo akemi khije Babilon lo halesawuve keno tipaqo ghi sachile saghi nani. Iye, ino Babilon kukau kuka kumto kubolevetsu nani. Ni, AMPEU no piqhiveake.”

JEREMIYA 52:28

Nebukadnezar no timi akughumi shi sawuve kemiqo kihikutoju kelo hitoike: Pano kakeu mpe akutsuniu shiake lono timi 3023 sawuvetsu;