JEREMIYA 13:10 - BAIBEL (BSI)

¹⁰ Timi lhoksa hipaqoye igho lumo kepi miliveke. Panonguye pulhapujulo kuthovilo eno kusakughashi achenike eno kutau lhouqo mlla eno qe achenike. Tishi kehu chhekhaphi hipaqo kitilamu alomovekeu toi panonguye tipaphi shive nani.

Sumi Naga CL (Re-edited) Bible (BSI)

¹⁰ Lhoksa kügha timiqo, I tsa chilumo keqo, khunono kuthovi ghi pano mlo ghola hawuve eno alhou kütauqo huthu no mlla nike pape wuve keno chighichephi avehu kühave ketoi shivetsü nani.

JEREMIYA 13:10 Referans Kwoze

JEREMIYA 16:12

Ikemu nonguye nopuasuqo nguno alhoksa kutukeu kumla mla puani. Nongu kumtsu ghano kuthovilo, kixikila eno nonguno ihebideke.

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

AKIKIHI 14:11

AMPEU no Muse vilo pi, “Timi hipaqo ye khitohi imilive ache nani kya? Ino panongu dolo akichiqhipu kumla kutomo shitsu pulano panonguye khitohi ipulu mlano auvea kya?

Apostolmi 7:51

“Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

JEREMIYA 13:7

Ike ino ide chile wu eno khipa-alo kusupe qhikeno tipa-a phulu keulo ino tipaqo jukelo tipaqoye shipsa khave aghi eno kitilamu alokeu kuhave aghike.

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

IBRIMI 12:25

Tighenguno, khuno pi ani keno tipau tsa inimovekeu shikevilo, kughengu ayeghi lono Alhou tsape shipesu panongu kutughukeu inimovekelo panonguye pomlave aye, tishiaye kungugha lono atsape shipesu kutughukeu ninguno initsumoaye ninguye kitilamu pokulupu kuhae.

JEREMIYA 16:4

Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 11:18

Ighumiqono ipithive nike kuchughu akeu AMPEU no ipithivae.

JEREMIYA 8:5

Tishiaye, iwu timiqo, nonguye kushiye ilau xaideghimono ilauno tsughusu wuvea kya? Nonguno asu-atu julho lau amlo tsu auveno ilau ideighimo pike.

JEREMIYA 5:23

Ikemu nongu timiqoye, nonguye kuthoviloke eno hebide ke; nonguno tsughuchileveno iqhiveke.

ISAIAH 3:24

Tsungquikeuxo zuqhulo panonguye munashushui nani; apokha aghile zuqhulo akichhekighi ghaghaikeu pepu nani; asa kivi puchekeu zuqhulo panonguye boghesho shive nani. Aphimini kivi zuqhulo panonguye itamujuyi keu pepu nani; panongu jukiviye akukujopu shive nani!

YETSAPIU 11:9

Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

LESHELE 78:8

Panongu pelo nipuasuqo toi hekibide, eno agholumokemi shipe moniyeke, nipuasuno Alhou pukhukeuye mutotoi moke, eno pa lau iqemokeu mikucho shimoke.

JEREMIYA 7:6

Tusumi ngo mighimgha eno chimemiqo shou akumou shikevilo. Ayeghi hipaulo kiumu shipuamokemi ghiqhi kevilo. Kutau lhouqo mllakevilo kughengu tipauno nongu kutsave nanike.

JEREMIYA 9:6

Panonguye heqhi buqhikeu lakhino lakhi papesu shi acheni, eno pishikiqhi lakhino lakhi papesu shi acheni.

JEREMIYA 11:10

Panonguye pano puasu xinelo idewove ani, tipaqoye ino pikeu shini ke miliveke; panonguye kutau lhouqo mllauveke. Israil ngo Juda kuma kinikujo ino pano puasu sasu puloshoqhi shikeu kubovae.

JEREMIYA 20:4

AMPEU ampino piveake, ‘Ino okughapesu olikhi oshikumsa eno oshompami shikumsa kepu shitsu nani, panoqo kumtsu aghumi zutano ghiqhivekeu nono ithulu nani. Ino Juda lo akemiqo kumtsu Babilon kukau kuka qholo qhi nani; khamiye pano akughumi shipe nike sawuve nani eno kutami qoye pithive nani.

JEREMIYA 22:21

Nono kinikulu shi acheke lono AMPEU no oputsake, ikemu nonguno initsumoveke. Tiye nongu kuxu kupujulo tipau mla acheni; nonguye khilemu AMPEU gholu chemoke.

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 44:5

Ikemu nonguno initsumoe momu amlo tsuqhiyikeu kuhae. Nonguye nonguno kutau lhouqo lau aghashi keu yeh lhoksa hu phevemoke.

JEREMIYA 44:16

“Nono AMPEU jelono nivilo kiu pikeno tipau ninguye initsuamoe.

JEREMIYA 7:13

Nonguno axine hipaqo kumtsu shi acheni eno anguno anguno ino nongu vilo pi anamu nonguye initsumono miliveke. Ino nongu kukelo nonguye khochilemoke.

JEREMIYA 9:13

AMPEU no khochile, “Hipau shivekeuye iwu timiqono ino panoqo lau akukutsu tsukeu pheveke ghengunoke. Panonguye igholumoe eno ino panoqo vilo pikeu shimoke.