JEREMIYA 12:6 - BAIBEL (BSI)

⁶ Othikuzumi, nobolomi kuchou thotsu ojechuveke ohakuqo qhikeulo panongu ghi chhosuke. Panonguno ashou toi oputsa pinamu noye panoqo pukhu kevilo.”

Sumi Naga CL (Re-edited) Bible (BSI)

⁶ O thiküzümi eno o pu kibolomiu ghi o jechue; eno ighamku o hakuqo ke, panongu no ashou toi o pütsa namu panongu pülü kevilo.”

JEREMIYA 12:6 Referans Kwoze

AHOLE 26:25

Tipaqo inivi aghiluvi ikemu timi tipau pulu kevilo kughengu pa mloye mithikile keuno yeliqole anike.

JEREMIYA 9:4

Pututa shelo pa kusami jukutokugho masaveke eno khunomu athikuzumi ghi pukhubemlake; Kughengu athikuzumi kumtsu Jakob toi pishikiqhike, eno kumtsuno pututa kusami piputhake.

LESHELE 12:2

Panoqo kumtsu lakhino lakhi vilo akimki tsa pie; muqushe eno amlo kikinino lakhino lakhi pishiqhi cheni.

MATTHEW 10:21

“Athikuzumino athikuzumi kughapesu pithive peniaye tsuve nani, eno apuhno pa tianuli shou tipaphi shive nani; anuliqono apuaza shou akumou shi ithughive nani eno panoqo pithivepe nani.

JEREMIYA 11:21

Anathot lo akemiqono ipithive penishi acheni, eno panonguno ivilo pikeuno ino AMPEU tsape pesu asheshu aye panonguno ipithiveni pike.

JEREMIYA 11:19

Niye bheriti lakhi ghiqhiveniye akeu mtha puzu pulube akeu toike, panonguye ishou alhoksa jeli kughupe akeu niye muthano ake. Panonguye ishi piacheke, “Asubo akivishi aphi lono ninguno yeqhiveni nolo; ningu pa ghiqhiveni nolo tishianguno khunomu pa kumsuchile mlave penike.”

Apostolmi 18:12

Kughou Galio pelo Akhaiya qhalo Rom kuka wu Ahng shivepe keno, Judami kumtsu kuqhano Paul tsuqu sasu kughakilo wu.

JEREMIYA 20:10

Timi kumtsu ghano, “Aqha kumtsulo Akuighupu shivae! Ayehkipemi vilo pano ishi anikepi piveni nolo!” ipi chhu chhushi pikeu ino chilue. Ikusami kuchou ghi ino ikiqivekeu kheauvae. Panonguno pike, “Ishiake pa muquqhive luvike, tishianguno ninguno pa kughalu puzu amukhu lunike.”

LESHELE 69:8

Niye ithikuzumi gholo inami toi auvae, nibolomi gholo inami tou auvae.

JOB 6:15

Ikemu ithikuzumiqo ye aghokiti toi pishikiqhimie, eno zuqo zuno tsughumo aye hauveke toike.

John 7:5

(Pa thikuzumi ghi pa shou pulubemoe.)

Mark 12:12

Tile Judami sakiphemino Jisu kughaluve niye pukaputsa, kughengu pano kimighipiyekeu tsa pikeu hipauye panongu shou pipuku akepi jupililuve. Ikemu panonguye timi aqokitikhi jupesu msave, ikehu panonguno pa qhiveno wuve.

ISAIAH 31:4

AMPEU no ivilo pi, “Akheuno kiwala papushi chho chhoshi hakho anamu abongushu lakhino lhoxu lakhi tsupesu akeu hakholu chemoke; tihutoi ni Aqokitikhi MPEU no Zion Toghi sushope akeu lono kiunomu ihapupove mla nani.

Apostolmi 16:22

Tile timi kumqo akeqo kumtsuno pama nguku akeulo pisuwukhave. Kijemi qono Paul ngo Sila pama phimini suxuvetsuno aqhe pesu pama ghaqhi nikeu ahza tsuve.

JEREMIYA 9:2

Asayeqhalo ngokulupu-a ino aghi keaye, iwu timiqo launo poveno tilau wuveni cheke. Panongu kumtsu pichebekum-lamike, muquqhi chekemi muqoke.

JEREMIYA 9:5

Kumtsuno pa kusami pishiqhi cheni, eno khunomu kuchou tsa pichemoe. Panonguno mikinikeu pano mili shika acheni panonguno axine shi acheni eno xaideghiveni keulo akulhoshi acheni.

LESHELE 12:3

Muqushemi mutsu hupaqo kumtsu ghovetsulo, Shishe qheza-laki chekeu mili ishi pichekeu lakhavelo;

AHOLE 23:8

Nono kiu chusuve akeno mughupheve nani eno atsa kuju pikeu kumtsu adou shive nani.

JEREMIYA 9:3

Panonguye pulhapuju mikinike panoqo mili asuzu toi kutope acheni; Amikuchokumono kuchou zuqhu shi aghakhulo akumtoshi thuwu ani. AMPEU no pi, “Iwu timiqono alhoksa lakhi lono alhoksa lakhi papewu acheni, eno niye panoqo Lhou kepi ni ikhilu chemoe.”