Biblia Todo Logo
Bib sou entènèt

- Piblisite -




JEREMIYA 12:3 - BAIBEL (BSI)

3 Ikemu AMPEU, nono ni ithi ani; ino kiu shikeno nono ithulu acheni, eno niye kishi okimiye cheni keno nono ithi ani. Bheri ghiqhiveniye akeshi timi lhoksami hipaqo sunhekiti sawu- velo panoqo ghiqhive kepu ghuloki tomoke kutolo panoqo ghukhe shialo.

Gade chapit la Kopi

Sumi Naga CL (Re-edited) Bible (BSI)

3 Ikemu O Ampeu, Nono ni ithi ani; ni ithulu eno I mlo peju cheni. Ambe ghiqhi niye aketoi panoqo sünhephe luvelo, eno ghikiqhi tsala ghenguno ikhithape qhivelo.

Gade chapit la Kopi




JEREMIYA 12:3
23 Referans Kwoze  

Ishikighime chekemiqo shou kujomzave kepu pukutsulo, ikemu ipelo kujomzavepe kevilo, AMPEU. Panoqoye akuighupuno chhivepelo ikemu ishikumsa kevilo. Panoqo shou kutsakungokeu sughilo eno panoqo kutsa piniyivetsulo.


“AMPEU, ikumsululo, niye aghokulu eno kikhikighi shi oqe ohuthu che eno niye alhokuthu nono ivilo kiu shilepi keno tipau mlatsuche.” Tishi pighi paye ighono kukuno tshutshushi qauve.


Nonguye ayeghilo nibonileyi eno aghakiqipu lono xu acheni; ghiqhikepu tsala ghenguno nonguye atha pubeyiluvae.


Nono imlo pu-juvae, nono putholo ixuju ighivae, nono ipejuveake, ilolo alhoksa kukumsu kuhakeu nono ithi anie.


Panoqo ghushimi kumtsu pithi khavelo! Panoqo ghiqhivelo! Babilon lo kuamiye thini putsakeu! Panoqo ghime nikeu ghuloki ighivae!”


O Alhou, ni lhejulo, eno imlo ithi tsulo; ipejulo eno ikukumsu ithitsulo.


Isaphutsulo, O AMPEU, kughengu niye akuxu kumzu lalo cheni, niye ithamono AMPEU pukhu acheni.


Jisu no ghuthu akuthuu pa vilo pi. “Johan nu Simon, noye ikimiye cheni ma?” Pitor ye amlo shimove kughengu Jisu no pa vilo ghuthu akuthuu “Noye ikimiye cheni ma?” ipi iniju kehu. Pano Jisu vilo pi. “Ampeu, nono thwokha ithi ani, eno ino okimiyechekeu nono ithi anie!” Jisu no pa vilo pi, “Iwu bheriqo jukide kudayilo.


Panonguye izapu khaveno pano phughiqo laghila lono thi nanike.


Muab ngo tipau phughiqoye kutsa-levae; tipaulo lhothemi aqhekivi ghiqhilevae. Ino akukau, Aqokitikhi MPEU ke eno ino piveake.


Ikemu Aqokitikhi MPEU, noye kuchoushi timi ijoju cheni; panoqo mlolo ngo akukumsulo kiu ani keno nono ithi ani. Tighenguno ighumi shou nono amukhu lukeu ipelo ithulu pelo, kughengu ino kiu ghenguno xua cheni keno oulo qhivetsuake.


AMPEU no achipiu shichekemi ngo kixikilami lheju cheni; pa ngulho kumtsuno ayezah hekuxami mithi cheni.


Kusakughamino alhoksa kumla shichekeu hakhave tsulo, Ikemu amikuchomi xaqhelo. Nono timi mlo eno timi kukumsu lheju chekeu, noye amikucho Lhou ke.


Ikemu Alhou no ipukhu ne sukiqhe lakhikhi ithi ani, pano ipejuve kethiu niye shuna toi tsughukhui nani.


Ino ithi noye timi kumtsu mlo ithi piliju ani eno puloniqhiyikemi wu ikhilu chenie. Amikucho lono eno puloniqhiyi keu lono hi kumtsu ino otsu anie eno owu timiqono kishi alokivi shi akumllagho pesu ighino otsu anikeno ino ithulu anie.


Panonguye atsa pikumla tughashi pithive niye kughape puake toi vethamlano timi shou ghi ngushongko kumla shi cheni. Kiukiumu panonguno ithi kututa shimla keuye panonguno ghekucho cheni. Tughashi toi panongu ghi kutsakungove nani,


Tileno ino ishi pi, “O AMPEU, nono ithi khavae. Ikumsululo eno kuphulo. Ipelo ishikighimeqhi chekemiqo shou amukhu lupelo. Panoqo lau shishe kutu-u auve puzu panongu pelo ipithive kulupu shipe kevilo. Kumsulutsulo, oje ghenguno iphimokeu shichenike.


Ikemu AMPEU, niye khilemu ovilo panoqo shou kutsakungokeu puku tsulepi tsuyikhomo pimoke; niye panoqo shou shiluksa tsala ighipenishi puamoe. AMPEU, nono hipau ithi anike; imutsu lono pikeuye kiu keno nono ithi anike.


Swiv nou:

Piblisite


Piblisite