JEREMIYA 11:23 - BAIBEL (BSI)

²³ Anathot lo akemiqo shou kutsakungo keu sughi nike ghenguno ino ado lakhi kutope puani, eno kughou tipa ghuloki ighini keno panoqo milakhimu puxumo nani.”

Sumi Naga CL (Re-edited) Bible (BSI)

²³ khumu ghüpe qhimo nani. Kughengu I no Anathothmi ghimeke mpe lo pano shou amhekiqi süghi nani.”

JEREMIYA 11:23 Referans Kwoze

JEREMIYA 23:12

Panonguno pulachekeu laghiye phepheyi eno zumoike; Ino panoqo shou kutsakungo keu sughini; panoqo ghime nikeu tsalaye wocheni.

Luke 19:44

Panonguno okutsave nani, no eno oti onuli obocho alou akemi kumtsu; eno panonguno atu lakhimu puzuu alo qhipemove nani, kughengu Alhou no oxaluni ke ighikeu ghuloki nono mthaveke!”

MICAH 7:4

Panoqo gholo akiviu eno achipi kuchou ipikemino alupi toi ame kuhamitheke. Alhou no timiqo ghime nikeu tsala ighivae, tiye pano tungkupumi vechewo panoqo kutughuvekeu toike. Itehiye timiqoye avehu izuvulaivae.

HOSIYA 9:7

Aghime sholu kepu ghuloki ighivae; timiqono kiu ithulu kuzupu shiani keno tipau ithulu kepu ghuloki shivae. Kughono tishini keno tileno Israil lo akemino ithi ani! Nonguno picheni, “Tungkupu hipauye kughuzumike. Timi mlolo pisutsu chekemi hipauye izupho kicheyivae.” Nonguno shishe ijumithi keuye nongu xineye kumzapu kehue.

JEREMIYA 50:27

Panoqo ghushimi kumtsu pithi khavelo! Panoqo ghiqhivelo! Babilon lo kuamiye thini putsakeu! Panoqo ghime nikeu ghuloki ighivae!”

JEREMIYA 48:44

Khunono akuighupu lono povenike pukaputsani keno aqokuchhulo ilulove nani eno khunono aqokuchhu lono milisusu ipelu aye alichhe lono meluve nani, kughengu Muab kutsale venikeu shi AMPEU no ado kihithape puani.

JEREMIYA 46:21

Lino piqe sughikemi ghushimi thotsu ghi amshiti toi kiumu shimlave. Panonguye puthughope kumjomoveke; panoqo kumtsu tsughuchile puzu pove. Panoqo puhave nikeu tsala ighive, panoqo kutsaleve nikeu do ighive.

JEREMIYA 44:27

Julo, nongu pelo kinikulu shipemo nike ino jua nani eno kutsalevepe nani. Nongu kumtsu aghukishi momu kusukini lono thikhave nani tiye nongu kumtsu kuhave moke kutolo tishi nani.

JEREMIYA 11:19

Niye bheriti lakhi ghiqhiveniye akeu mtha puzu pulube akeu toike, panonguye ishou alhoksa jeli kughupe akeu niye muthano ake. Panonguye ishi piacheke, “Asubo akivishi aphi lono ninguno yeqhiveni nolo; ningu pa ghiqhiveni nolo tishianguno khunomu pa kumsuchile mlave penike.”

JEREMIYA 8:12

Iwu timiqo, nonguno aphikumqhupu hikithipu shikeu ghenguno nonguye kujoju akema? Moe, nonguye khilemu kujo chemoke: nonguye kujoke yeh ghi mthake! Tighenguno kutami veqhiveke toi nongu ghi veqhive nani; kughono ino nongu ghimeqhi nikeno tipauno nongu puhave nani. Ni, AMPEU no piqhiveake.”

JEREMIYA 6:9

Aqokitikhi MPEU no ivilo pike, “Israil ye atsayi lu lakhilo atsayithi kumtsu xolukhave keu toi mithemitheive nani. Ikehu noye ado aphi lono nono shiluke thaqhu timi kumtsu hakhophelulo.”

JEREMIYA 5:29

“Ikemu hikithipu thime ghenguno ni, AMPEU no panoqo ghimeqhi nani; hipa shiayeh shou ino amukhu lunanike.

JEREMIYA 5:9

Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?

Obadiah 1:18

Jakob ngo Josef wu timiqoye ami toive nani; Amino ateni pitive keshi panonguno Isao wu timiqo kutsaleve nani. Esao polo kughukomi lakhimu puxumo nani. Ni, AMPEU no piqhiveake.”