JEREMIYA 11:14 - BAIBEL (BSI)

¹⁴ Jeremiya, noye timi hipaqo ghenguno ilau khuini momu qhuiniju kevilo. Kughou panonguno shiluksa sholu puzu kuphupe nike ivilo pini keno niye panoqo sutsa chilutsumo nani.”

Sumi Naga CL (Re-edited) Bible (BSI)

¹⁴ “Tighenguno timi hipaqo ghenguno inikhu kevi, momu pano züqhushi ighamku khu kevilo, kughengu pano veküsa lo panongu no I kunamu Ni ye ini tsümo nani.

JEREMIYA 11:14 Referans Kwoze

JEREMIYA 7:16

AMPEU no pi, “Jeremiya, noye timi hipaqo ghenguno khuini kevilo. Panongu ghenguno khuini momu igha kevilo; iqhuiniju kevilo kughengu niye otsa initsumo nanike.

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

1 John 5:16

Nongu gholo khualano pa thikuzumi lakhino thimokepu xine shiaghikeu ithulu aye, nono Alhou vilo khulo, eno khunoqo xineno akithipu kumokeno Alhou no akuxupu pesu pa tsu nani. Akithipu xine acheni, eno niye nongu vilo tipau ghenguno Alhou vilo inikhu lopi piamoe.

JEREMIYA 14:11

AMPEU no ivilo pi, “Timi hipaqo kuphu peni keu ivilo khukevilo.

IPEKULU 32:10

Itehi noye ilakha kevilo. Niye panoqo lau axuide ani eno panoqo kutsaveniake. Tishi puzu ino opesu eno opolo kughukomi pesu ashiayeh kuloghi lakhi shitsuni.”

LESHELE 66:18

Ino ixineqo palokutoveke aye AMPEU ye ikighini initsumoni cheke.

HOSIYA 5:6

Panonguno amshi ngo bheri heqhipe AMPEU mllaniye shi cheni ikemu tino panoqo ghenguno akivipu shilu chemoe. Panonguye pa phumla nani kughengu paye panoqo pheveake.

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

ZEKHARIA 7:13

Ino pikeu panonguno inimoke ghenguno kughou panonguno inikhu keno ino khochilemoveke.

MALAKI 2:13

Nonguno hipau ghi shi acheni. Nonguno anhezu ngo akuqa kumlo pesu AMPEU mllakeu khache putsuqhi cheni, kughengu nonguno pa lau akumllagho sughikeu ikhilutsumoyeke.

JEREMIYA 14:12

Panonguno kumvu kuphupenike ighamuku pinamu niye initsumoke; eno panonguno akuchopu piti mllakeu ngo athi pesu mllakeu kumllagho itsue pinamu niye panoqo lau amlo qini chemoe. Tishike kumono, aghukishi ngo akhu-ava eno kusukini pesu ino panoqo heqhipithi nani.”