JEREMIYA 11:12 - BAIBEL (BSI)

¹² Tithiu Juda ngo Jerusalem lo kuamiqoye panoqono akumllagho heqhipe mllache keu lhouqo lau wu nani eno tipaqo vilo kuphulepi ighamuku pi nani. Ikemu kughou kutsakungo keu hipau ighini keno alhou tipaqoye panoqo xamla nani.

Sumi Naga CL (Re-edited) Bible (BSI)

¹² Tileno Judah lo mishighünaqo eno Jerusalem lo küxümi no pano kümllagho tsü chekeu lhou lau ighamku nani, ikemu pano veküsa ghuloki lo tipaqo ye pano xalumo nani.

JEREMIYA 11:12 Referans Kwoze

JEREMIYA 2:28

Nolikhi nonguno alhouqo shipesu qhikeu khile ani kya? Nonguno kughou shiluksa shini keno tipaqo pelo nongu xalu pelo, panonguno tishikulupu shiaghiaye! Juda, noye aphughi khijehi ani keno tijejehi alhouqo kutomo puanike.

ZAKINIU 32:37

Tithiuno AMPEU no pawu timiqo vilo iniju nani, ‘Nonguno akumto lhou kepi pukhu chekeqo khile ani kya?

ISAIAH 45:20

AMPEU no pi, “Ashiayehlo timiqo, kumqo pesu ighilo, akukaqha ikiqive kelo ghupe puaghikemiqo; atsa kughatha kepushi nonguye ighilo! Asuno ajulho shikeu pesu kulobide piye chekemiqo eno panoqo xamlakeu lhou lau khuchekemiqo, kiumu mthakemiqo!

YEKIKITHI AKINIU 28:22

Kughou pawu shiluksa no alhoksa kuchou shi akeno Ahaz timi tipauye puzuu nguno alau AMPEU shou axine shike.

XAKUTHAMI 10:14

Wulo eno nonguno kisheluvekeu lhouqo lau ighamuku khuulo. Nonguno aghime shi akelo panongu pelo nongu xaphelu pelo.”

ZAKINIU 32:38

Nonguno lhoxu heqhikeu tha pesu loji cheke eno yepenike atsayi-ji pesu mllache kehu! Pano pelo ighi puzu itehino nongu kuphu pelo; pano pelo nongu xaphelu penike pesu wupelo.

JEREMIYA 44:8

Nonguye kushiye hilau Ijip lo acheuveniye ighivekeu-alo kutau lhouqo lau lhoxu heqhi mlla ani eno asu-atu julho mlla puzu imlo shikighide ani kya? Nonguno nolikhi nongu kutsaleveniye hipau shi ani kesha? Tishianguno ayeghilo ashiayeh kumtsu nongu phimo ghi peitha eno musuinikeulo nongu je peithapeni kesha?

ISAIAH 46:7

Panonguno abighilo tipau ikhiqhe pe xapuwu cheni; panonguno a-a lakhilo qhi cheni eno tipaulo ghope qhi cheni, tipa alono kutau ithawulu chemoke. Timi khuno tipau vilo inikhuni keno tipauye khochile chemo momu shiluksa lono pa xaluchemo ke.

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,