JEREMIYA 10:8 - BAIBEL (BSI)

⁸ Panoqoye kumtsu mbomuzu eno anikhake. Panonguye asu julho launo kiu shikaluni kya?

Sumi Naga CL (Re-edited) Bible (BSI)

⁸ Panongu ye anikha eno mbomzüe; ajulhoqo kükütsütsa ye asü paphie!

JEREMIYA 10:8 Referans Kwoze

ZEKHARIA 10:2

Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

JEREMIYA 10:14

Hipau ithulu kelo, timiye mamaive eno kumsukulu hauve; Ajulho shichekemiye kujokhave, panoqono alhouqo mlape qhikeuye kichileu eno akuxu kuhake.

HABAKUK 2:18

Asu-atu julhoye kiu vehupu ani kya? Tiye timino kiuala shipe qhikeuke eno tiye akimki kumoaye kiumu nongu vilo pimo nani. Tipau mlaqhikemi pelo tipau pulupe nike kiu akivi shipuani kya? Atsa ghi putsamlakeu lhou ke!

ISAIAH 44:19

Ajulho shisukemiye ishi pinikeu alokutsu momu kumsukulu kuhake, “Asu tuxaye ino sughu cheni. Amibalu lono ino asho pugha cheni eno ino ashi ghuno chuve cheni, Tipasu tuxaye ino ajulho shisuke. Niye asulu lakhi zulo itsaiqi pishiqho auvae!”

ISAIAH 41:29

Hi alhouqoye kumtsu adouke; panonguye kiumu shimlake, ajulho kimihi hipaqoye miqemilei eno akuka kuhake.”

LESHELE 135:18

Khunono tipaqo mlano tipaqo pukhu cheni keno panonguno ajulho shisukeu kimihi ilhouve pelo!

LESHELE 115:8

Tipaqo mllakemi eno tipau pukhu chekemi kumtsu panonguno mlape qhikeu ajulho toive pelo.

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

JEREMIYA 2:27

Nongu khunoqono asuboye nongu papu eno atuquye nongu paza kepi picheni keno, tipanoqo kumtsu shikukujoqhi nani. Hiye shini putsa kughengu nonguno ilau tsughu ighi nike zuqhu ilauno tsughusu wuveke. Ikemu nonguno kughou shiluksa shini keno ivilo nongu lau ighieno nongu xalutsu lopi iniju chenike.”

HOSIYA 4:12

Panonguno asu tachu lakhi launo piyesukeu khuju cheni! Asuta lakhino panonguno kiu ithi nishi keno panoqo vilo pitsu cheni!Panonguye iqhiveake. Totimi lakhino kutuqhalimi shiwuveke toi iwu timiqoye kutau lhouqo lau pano pesu tsuvae.

ISAIAH 44:18

Timi tipaqoye panono kiu shiani keno mthae eno vethalu chemoe; kughengu panongu nhethi nhavetsu kehu ithumla eno panongu kukumsu nhavetsu kehu kuchou mthake.

JEREMIYA 3:9

eno kitilamu kujomo mitheve. Lino ayeghi shipixive eno lino atu ngo asubo mllakeu lono kutuqhalimi shiveke.

JEREMIYA 5:4

Tithiuye ino ishi kumsu, “Timi hipaqoye kumlhomi eno ayekumtha-mike. Panonguye anikha shi xuacheni panonguye Alhou no kiu khuani keno mthake, AMPEU no panoqo pelo shipeni shikeu mthake.

JONAH 2:8

Khunoqono kichileu julho mlla cheni keno panonguye oghokulu phevae.