JEREMIYA 10:10 - BAIBEL (BSI)

¹⁰ Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

Sumi Naga CL (Re-edited) Bible (BSI)

¹⁰ Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

JEREMIYA 10:10 Referans Kwoze

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

LESHELE 76:7

Ikemu AMPEU, noye kumtsuno musa ighuke, nono axuide akelo khunomu ozulo puthugho mlake.

NAHUM 1:6

Kughou pano axu ideni keno khuno xukulupu kya? khuno pa loghu pukulupu kya? Pano pa loghu amikuyiqu toi leqhike; pa zulo atuquye ipopinyi amkhu shiveke.

LESHELE 42:2

Niye tughuthi keshi akuxupu Lhou phucheni, niye kughono Alhou zulo wuno pa mlla ngolu nani kya pilae?

LESHELE 100:5

AMPEU ye aloke; pa kikimiye lhokta kutoloke eno pa pukhukuluye alhokupuju ache nani.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

LESHELE 31:5

Oulo ighungu kulhoqhi ani, nono ixapheluve nani, O AMPEU, noye pukhukulupu Lhou ke.

LESHELE 10:16

AMPEU ye alhokupujulo akukauke; kutau lhou mllakemiye pa yeghi lono hauve nani.

LESHELE 18:7

Tile ayeghino khokhoshi ithae; Naghuto boqha ghi sukughutha eno ilue, kughengu Alhou no axu-ideveke.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

IBRIMI 10:31

Akuxupu Lhou ulo ikiqi ilolu keuye kumsakimishipu lakhike!

1 Tim. 1:17

Lhokta Kukau thivemlakeu eno ithulu chemokeu Alhou ye pa likhikeu pa lau alhokupujulo agigihu eno akimthe jekipi shi achelo! Amen.

1 Thes. 1:9

Timi tipaqo ampino ninguno nongu lau ighikelo nonguno kishi ni ikhilukeno piakhani; eno nonguye kuchou eno xuakeu Lhou qenike ghenguno ajulho mllakeu qhiveno Alhou lau ideighivekeu piakhani,

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

MALAKI 3:2

Ikemu pano ighi kelo khuno tipa tsala puqhekulupu kya? Pano ipeghi kelo khuuno xuaghikulupu shi nani kya? Paye sapun-xo susuikeu toi nani, ghukimthe chekeu mikuyiqu toi nani.

HABAKUK 3:6

Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

MICAH 1:4

Tileno amilo aghugha akeu toi naghutoqoye mulave nani; naghuto lono azu leqhi akeshi naghutoqoye abokhulo qoiqighive nani.

LESHELE 146:6

Khunono kungugha ngo ayeghi, azughi eno tipaqolo akeu kumtsu Lhokutsuu AMPEU pa Lhou mungubeni keno tipano lokivipue. Paye pulhapuju pano piqhivekeu shikupu cheni;

LESHELE 145:13

Oyehkipeye lhokta kutoloke, eno noye alhokupujulo akukauke. AMPEU ye pano piqhikeu papelue. pano shikeu thwokhalo akivike.

LESHELE 114:7

O ayeghi, AMPEU chekelo khokhoshilo, Jakob Lhou chekeu zulo,

LESHELE 104:32

Pano ayeghi juaye tiye khokhoshi itha; pano naghuto buaye, tiye amchhi phopipe acheni.

LESHELE 97:4

Pawu tsutsu kukulono ayeghiqha yepuvu; ayeghino ti ithulu kelo khokhoshive.

LESHELE 93:2

O AMPEU, okuka lakhuye abothu lono mutotoi anike, eno noye ado ghuloki huthu mphi lono acheghiveake.

LESHELE 90:11

Timi khuno ologhu kighide kumtsu puju akya? khuno oxukighideno akumsa sughikeu ithi ani kya?

LESHELE 84:2

Niye tile anishi ke! Niye AMPEU chinekilo anishiqhiyi achenike. Iphimpi kuchopuno akuxupu Lhou lau alokivishi alepheke.

LESHELE 77:18

Owu tsutsukusu vepho iqighikeu hu kulusawuve, eno tsutsupha kukulono ayeghiqha yepuvuke; ayeghino khokhoshi ithake.

JOB 9:6

Alhou no ayeghi tsukucho sukini cheni.

YEKIKITHI AKINIU 15:3

Ado kushuwa kutolo Israil ye Alhou kuchou sumono xu acheke, panoqo shikapeni kemi achinemi sumo eno ayezah sumono xu ache.

KUKAMI ATUGHIU 18:39

Kughou timi qono ti ithulukeno, panongu kutoshi ayeghilo ihozuno akichiqhi pi, “AMPEU ye Alhou; AMPEU likhino Alhou!”

SAMUEL ATUGHIU 17:36

Oqeuye abongushuqo eno avaqo ghi heqhi puani, ikehu hi ayekumthau Filistiyau ghi tipaphi shivetsu nani, kughengu pano xukuau Alhou ghushimi thaigha ke,

SAMUEL ATUGHIU 17:26

David no pa phivilo ngo akemi vilo iniju, “Filistiyami heqhiveno Israilmi thaigha akeu lono khaqhi phevetsuni kelo timi tipauye kiu ithulu nani kya? Hi ayekumthau Filistiyami pa khuukeno xukuau Lhou ghushimi shiptha shikukujo anikya?”

XAKUTHAMI 5:4

AMPEU, nono kughou Seir naghuto qhivekeno nono kughou Edom ghakhu lono ipeghikeno, ayeghi sukini, eno atsutsu lono tsutsughu iqighi. Iyei, khungkusu lono azu leqhie.

ZAKINIU 5:26

Akuxupu Lhou no ami lono putsakeu chilukelo timi khuala xulu puani kesha?

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

MATTHEW 26:63

Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

MATTHEW 16:16

Simon Pitor no ishi khochile, “Noye xuakeu Lhou nu Mesiya ke.”

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

JOYIL 2:11

AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?

DANIEL 7:14

Akuka, agigihu eno ayehkipe kuka pe pa tsuve, ayeghiqhalo timi kumtsu, shiyeh kumtsu ali kumtsu eno atsa jeli kumtsu paqe peniye ke. Pa kukaye alholo acheni keu eno pa kukaqhaye khilemu ashekha shivemoe.

DANIEL 6:26

Ikukaqhalo timi kumtsuno Danel Lhou musa penike eno gihu penike ino ahza tsu ani. Paye akuxupu Lhou, pano ashekha kuha ayehpe nani. Pa kukaqha khilemu shipusamo nani. pa kukaye ashekha shive mla nani.

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

DANIEL 4:3

“Akumzapu Alhou no ipiyesu keu kiutoi kije kya? Pano akumzapu shipe piye keuye kiu toi mutotoi kya? Alhou ye alhokupujulo akukauke, pano tiqhelino tiqheli kuto ayehpe nani.”

JEREMIYA 23:36

Tishiaye panonguye khilemu ‘AMPEU makho,’ ipikeu tsalothi peitha kepu kumoe, kughengu milakhi nomu tipau peitha aye, ino itsape pesu pa shou amakho kuchou lakhi shipe nanike. Timiqono xuakeu Lhou, Aqokitikhi MPEU, panoqo lhou tsalothi suchighive anike.

ISAIAH 37:17

AMPEU itehiye okini nilau kughopuwono initsulo eno nishou kiu shiani kela onhethi xukho pesu jutsulo; eno Senakerib no No akuxupu Lhou tha igha akeu tsa piakeu kumtsu inijulo.

ISAIAH 37:4

Asiriya kukatouno pawu kijemi atou puwu puzu akuxupu Lhou thaigha anike. AMPEU oLhou pelo hi thaigha akeu chilu puzu tipau piqhi akemiqo ghime penike, tighenguno ni timi akuxu puxupe puaghikeqo ghenguno Alhou lau inikhutsulo.”

LESHELE 68:11

AMPEU no ahza tsuke eno aqo kitikhino asutsa pesu wuke:

BOTHUBO 21:33

Abraham no Bersheba lo tamarik subo shosue eno AMPEU, shekhaha Lhou je ku-ghi mllae.

KUKAMI ATUGHIU 8:60

Tishikeu lono ayeghilomi pelo AMPEU ye Alhou eno panonguno kutauye alhou kuhae ipi ithi lupelo.

LESHELE 29:10

AMPEU ye azughi kutho shou ghi akukau ke, Pano alhokupuju akukau shi ka ani.

LESHELE 68:8

ayeghino itha eno atsutsu lono tsutsughu ghuqhike, kughengu Sinai Lhou ighike, Israilmi Lhou ighike.

LESHELE 90:2

Nono naghuto lhomphi lono momu ayeghi hipau kughupe qhimphi lono lhokta lono khokta kutolo noye Alhou ke.

ISAIAH 40:15

AMPEU ghenguno ashiayehqoye kiumu kumoke, azu kighiji nguno alaumu kumoe; zudo yeghiye amukhu toi lhalha lhaike.

ISAIAH 65:16

Ikehu aghakhulo timi khuno kukumgha khuni keno kuchou Lhou pelo kumghatsu penike iniju nani. Khuuno ashoqhi shini keno kuchou Lhou jelono tushoqhi nani. Wovekeulo shiluksaqo huye cheve nani eno kumsumave nani.”

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

JEREMIYA 4:24

Ino naghutoqo jukelo tipaqono ithauve eno naghutoqo kumtsu no azuu athiu itha ake.

JEREMIYA 50:46

Kughou Babilon ikiqini keno asutsa ihulokeu shikeuno ayeghi kumtsu sukughutha nani eno ashiayeh kutamino qheghuive kepu sutsa chilu nani.”

JEREMIYA 51:29

Ayeghino lalashi ithake kughengu Babilon pesu asayeqha shivetsuno khunomu ngomove nikeu shi AMPEU no pughupuakeu shiwo cheni ke.

JOSHUA 3:10

Joshua no pi, “Nonguno chewukelo pano Kananmi, Hatimi, Havimi, Perizimi eno Jebusimi qo haphevetsuni putsae.

YEKIKITHI ATUGHIU 29:11

Noye kije eno akumtou, ajukuvupu, saghusaghui keu eno akukau ke. Atsutsulo eno ayeghilo thime kumtsu owue eno noye akukaue, kumtsu shou ayehkipeu ke.

LESHELE 9:8

Pano amikucho shi ayeghiqha shou ayehpe cheni, pano achipiu lono shiyehqo shou kughatha cheni.

LESHELE 74:12

O Alhou, ikemu abothu lono noye ningu kukauke; nono ghuthu kutomo nixaluvae.

LESHELE 76:8

Kungugha kudauno nono owu kughakutha ithipeke; ayeghiqhaye musae eno inaqhoiveke.

LESHELE 100:3

AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

ISAIAH 40:28

Nonguye mtha kesha? Nonguye chimla kesha? AMPEU ye alhokuthu achekeu Lhou ke; pano ayeghiqha lhopheke. Paye khilemu akulhoshive momu qeinaive chemo. Khunomu pa kukumsu vetha lukha chemoe.

DANIEL 6:27

Paye xakuluu eno ikhiphekuluu, pano kungughalo ghi eno ayeghi loghi akumzapu, akichiqhiyi kepu shilu acheni. Pano abongushu kichi lono Danel xapheluke.”

NAHUM 1:5

AMPEU zulo naghutoqono itha pa zulo atoghino azu ilhouveke. AMPEU no ipeghi kelo ayeghino sukinike; ayeghiqha eno tile akemi kumtsu khokhoshike.