James 5:4 - BAIBEL (BSI)

⁴ Ikemu khunoqono nongu lulo ghile hutsukeno tipaqo jume nonguye khilemu tsuchemoe. Panongu ghugha inijulo! Nongu lulo ghile hutsukemiqo ghughaye Aqokitikhi Mpeu kini tovae!

Sümi Tiqhelimi Bible

⁴ Julo! Nongu no akümlàmi khunoqo nongu luche lo atsüniqo gheve tsü keno tipaqo ajume tsümo keu ghenguno nongu lau igha qa anie. Ghile kuhumiqo küqa no Akughushuu Mpeu kìní tovae.

Sumi Naga CL (Re-edited) Bible (BSI)

⁴ Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

James 5:4 Referans Kwoze

ACHINE 19:13

“Noye khiumu nedaqoda momu suxaluvekeu shi kevilo. Nono piqesu akemi jume kijili lakhi ghenguno pinamu suchilelu kevilo.

JEREMIYA 22:13

Khuuno kuchou kumo pesu paki shipuku acheni, eno achipikumo pesu tipau pekho cheni keno pa hasapuke; timi khuno panowu timiqo pelo adou lono mla chenipe, eno panoqo jume tsuchemo keno pa hasapuke.

Rommi 9:29

Hiye Isaya no azunatha ghi piveke toi, “Aqokitikhi Mpeu no ningu tikughuko qhitsu mokenapiaye, ninguye Sodom ngo Gomora phu kimihi shivetsu aghini cheke.”

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

IPEKULU 22:27

kughengu pa ghenguno luvuyi nhapu nikeu tipau likhike. Paye kutau kiu pepuno zuluni kya? Kughono pano kuphulepi ivilo ighamuku aye niye pa tsa khochilevetsu nani kughengu niye kupukinike.

Luke 18:7

Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?

LESHELE 9:12

Alhou ye shiluksashi akemino ighamuku keu kumsuma chemo, Alhou amukhu kuluuye panoqo kumsulu acheni.

JOB 34:28

Eno panonguno kumlhomi pelo ighamuku susu Alhou lau ighipe kehu, Alhou no kumlhomi no ighamuku akeu chilu tsue.

IPEKULU 3:9

Niye kuchono iwu timiqo ghugha chiluvae eno Ijipmino kishi panoqo shikighimeqhi acheni keno ithuluvae.

BOTHUBO 4:10

Tile AMPEU no pi, “Noye kushiye hikithipu shi kya? Ayeghi lono othikuzuu jino amkhu lutsu lepi ighamuku keu sutsano itovae.

Kolosiami 4:1

Ampemiqo, achipi lono eno aghibiu lono nongu qemi peithalo. Nongu ghi kungughalo Ampeu aphikepi kumsululo.

HABAKUK 2:11

Putupua keulo atuqu thotsu oshou igha ipeghi ani eno akixuqono tipau ghugha vekuvavatsu ani.”

ISAIAH 5:7

Israil ye Aqokitikhi shou AMPEU wu atsayiluke; Juda lo akemiqoye pano shosukeu tsayiboke. Panoqoye akivipu shipenike paye lajuake ikemu tipa zuqhulo pano nguye timi ghikiqhimi shive. Panoqoye achipiu shipe nike paye lajuake ikemu panoqono ghiqhi vekeqono amikucho xakutha khu ghi ighamukuke.

ISAIAH 1:9

AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

ZAKINIU 15:9

Kiuala pa puna nikeulo milive kevilo, apiashe qhivetsu nikeu mpe kupunu wochea kepi pa milive kevilo. Akukumsu lhoksa tikithipu nongu kukumsulo iloghipe kevilo. Nonguno punani keu milive aye pano nongu nguku ghi AMPEU lau ighamuku nani eno nonguye angsupu shive nanike.

ISAIAH 5:9

Aqokitikhi MPEU no tushoqhive keu ino chilupuani, “Aki kuloghi eno jukivi ki hipaqo kumtsu ixaveno kumsa shive nani.

MATTHEW 9:37

Ikehu pa khopemi vilo pano ishipi, “Ghile hukepuye kupukunoshi ani, ikemu ajumi aghulo likhie.

JOB 7:2

Aqemi lakhino akicheqo khelho ake toike, aqekiqemino ajume kheju ake toike.