James 4:3 - BAIBEL (BSI)

³ Nonguno khu cheni ikemu tipau ithulu chemoe, kughengu nonguno akumou lono khukehue, tiye nonguno ngosukumla ghapiqiniye khu chenike.

Sümi Tiqhelimi Bible

³ Kughou nongu no khuni keno, nongu ye ithulu chemo, kughengu nongu no achipikumo kükümsüqo xapu khu cheni, tishi keu vechewo nongu no kiu lono alokivipu ithulu cheni keno tipau lo puwove niye khu cheni ke.

Sumi Naga CL (Re-edited) Bible (BSI)

³ Nongu no khu cheni kemu ithulu chemoe, kughengu nongu no akumou lono nonguw minemighei keu ghapiqi niye khu kehue.

James 4:3 Referans Kwoze

1 John 5:14

Ninguye Alhou zulo amlo kuloghi shikulupu ani, kughengu ninguno pa pulou kiqi lono kiukiumu khuaye Alhou no tipau chilutsu cheni.

1 John 3:22

Ninguno pa vilo kiukiumu khukeu ninguno ithulu cheni, kughengu ninguno pano ahza tsukeu pelu cheni eno pa pulou shi cheni.

James 4:1

Nongu gholo mutomushu keu ngo kichighikeuye kiulono ipeghi cheni kya? Tipaqoye nongu lolo ngosukumla phimpi sasu tamono kichighi keu lonoke kumo kesha?

MICAH 3:4

Nonguno AMPEU vilo ighamuku ighani kepu ghuloki wocheni, ikemu pano nongu tsa khochilemo nani. Paye nongu kukhu kighini initsumo nani kughengu nonguno alhoksa kumla mla puanike.

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

AHOLE 21:13

Kumlhomino ighamuku keu initsumo aye okuphu peniye ighamuku keu chilutsumo nani.

JOB 35:12

Itehiye panonguno ighamuku kemu pano putsamoe, kughengu panonguye aqhekuzami eno alhoksamie.

ZEKHARIA 7:13

Ino pikeu panonguno inimoke ghenguno kughou panonguno inikhu keno ino khochilemoveke.

Luke 15:13

Anu ayitiuye atsala hami thiu amheghi pa saje thaqhuye jekutsu, eno pisa pesu pano yeghi qhiveno wuve. Paye ayeghi kushuwalo wuve eno tilau lahilazakeu kuxu lono pisa kumtsu kilhekulhu puwokhave.

Mark 10:38

Ikemu Jisu no pama vilo pi. “Nokujoye nokujono kiu khuani kela mthae. Nokujoye ino shoniaye akeu jukhu lono sholu nani ma? Momu ikughape baptiz shikeu paphi shi nokujo ghi baptiz shipelu nani ma?”

MATTHEW 20:22

Ikemu Jisu no ishi khochile, “Nonguye nonguno kiu khu ani keno mtha aphie. Ino shoniye akeu jukhu nonguye sho kulupu kesha?” Pamano ishi pa khochile, “Nikujoye sho lunanie.”

JEREMIYA 11:14

Jeremiya, noye timi hipaqo ghenguno ilau khuini momu qhuiniju kevilo. Kughou panonguno shiluksa sholu puzu kuphupe nike ivilo pini keno niye panoqo sutsa chilutsumo nani.”

AHOLE 21:27

Kughou kixikilamino alhoksa kimiji lono aghashipe mllani keno AMPEU ye tipau mithi cheni.

AHOLE 1:28

Tileno nonguno alokutsu ku nani, ikemu ino khochilemo nani. Nonguno aqha kumtsulo iphuwuluvi ikemu iphumla nani.

JEREMIYA 14:12

Panonguno kumvu kuphupenike ighamuku pinamu niye initsumoke; eno panonguno akuchopu piti mllakeu ngo athi pesu mllakeu kumllagho itsue pinamu niye panoqo lau amlo qini chemoe. Tishike kumono, aghukishi ngo akhu-ava eno kusukini pesu ino panoqo heqhipithi nani.”

LESHELE 18:41

Panongu kuphulepi ighamuku ikemu khunomu panoqo xamla, panonguno AMPEU lau ighamuku ikemu paye panoqo khochilemoe.

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

Luke 15:30

Ikemu onu hipauye omheghi kumtsu kutuqhalimi launo kilhekulhuve eno kughono pano akilo ide ighi keno nono amshiti athakupuu pa ghenguno heqhie!’

KUKAMI ATUGHIU 3:11

ike pano pa vilo ishipi, “Nono oxupushu penikeu, moaye akuakini, momu oghumi pithivetsu penikeu zuqhulo kiutoi achipiu lono ayeh penike ghenguno alokutsu khuke,

Luke 11:10

kughengu khukemi kumtsu tsu cheni, phukemino ithulu cheni, eno kukhukeu khaqhisu cheni.