James 3:2 - BAIBEL (BSI)

² Ningu kumtsu ghuthu kutomo shipimive cheni, eno timi khuno pano pikeulo khilemu shipimi chemo keno paye viwotokulu timi lakhike, pa kuxu kuchopu ghasulu chenike.

Sümi Tiqhelimi Bible

² Ningu kümtsü alaghi jeli kutomo lo shipimive cheni. Timi khuno no pano no pikeu lo khilemu shipimi chemo keno pano ye kupukülai kemi ke, pano phimpi kuchopu ghasülü cheni ke.

Sumi Naga CL (Re-edited) Bible (BSI)

² Kughengu ningu kümtsü ala kutomo lo pimive cheni. Khuana no pa tsapi lo khilemu shipimi cheghi moaye, pa ye kupukulumi, pa phimpi kuchopu ghasükulumi ke.

James 3:2 Referans Kwoze

James 1:26

Timi khuno paye achineyehlo amlo tsuqhiyikemi kepi kumsu cheni ikemu pa mili ghasumo nikeno pa chineyehye avehupu kuhae eno pa likhi pa pishiqhi anike.

AHOLE 13:3

Nono pikeulo kutokupuilo eno okuxu susholulo. Kutokupui mono zale kemiye pa likhi pa kutsave cheni.

1 Peter 3:10

Kuchoyesulo ishi pikeu toi, “Khunono akuxu kupuqhiyi cheni keno eno atsala kivi ithulu nishi cheni keno, Paye alhoksa pinikeu lono pa mili kutsukiyi luvelo eno akimkitsa pinikeu lono pa mutsu miki luvelo.

MATTHEW 12:37

Kughengu otsa piqhikeu pesu oshou kughathabe puzu okughape achipiu shipe kepu shina momu okughape akuqu- u shipekepu shinamu titoi shitsu nani.”

LESHELE 34:13

Tishiaye alhoksa eno akimki pinikeu lono suchileluvelo.

AHOLE 20:9

Khualano pa loloye tsughukhui ani eno paye axine phekhave akepi kuchochono pilu nani kesha?

YETSAPIU 7:20

Ayeghilo timi khuumu ado kumtsulo achipiu shilu eno shipimi mokemi lakhimu kuhae.

Rommi 3:10

Kuchoyesu lo ishi pipuakeu toi: Timi lakhimu amikucho shikemi kuhae,

James 1:4

Ikemu tsaqutsaleyi keuno ala kupujulo nongu sasu chepelo, tishianguno nonguye kiulomu kupumove mono viwotolu eno kupukulu shilupenike.

KUKAMI ATUGHIU 8:46

“Kughou owu timiqono okimithi xine shivenikeno kughengu khuunomu axine shimomithe keu kuhae tileno nono panongu shou amlo ideveno aghumi pelo toluvepeno panongu kughasusu inagha kutau ala sheshulo momu akupunulo shi aghinamu sawuve pekeulo,

James 2:10

Kughengu khunono Ayezah kumtsu peluni ikemu lakhi likhimu qhive nikeno paye tipau kumtsulo kuqu auvae.

ISAIAH 64:6

Ningu kumtsuno axine toiva eno ni mikucho kumla kumtsu niqhunilai keu phinhe toike. Nixine ghenguno ninguye asunipa thizumyive puzu amlhuno fupewuvekeu toike.

1 Kor. 9:27

Ino kutami vilo asheshu acheni puzu ni ampiye kuxu nikeu lono kideqhivenosa kehu niye iphimpi chishikushughi acheni eno mghachhoyi tipau ghasupe qhicheni.

IBRIMI 13:21

pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

Kolosiami 4:12

Nongu gholomi, Khristo Jisu qeu Epafra no petha tsupuwu ani. Pa kighinilo pulhapuju amlo tsuqhiyi nongu kumsulu acheni, tishianguno nongu pelo Alhou pulou kumtsulo mutotoi puthugholupeni, tekhoyi shilu peni eno mutsuqheyi shikutolu peniyeke.

Kolosiami 1:28

Ikehu ninguno Khristo pesu asheshu cheni, alokutsu kighithi jeli pesu kumtsu kutughu acheni eno kumtsu shika acheni, tishianguno milakhikhino Khristo gholo akeulo tekhoyivekemi shipesu Alhou zulo qhitsuniyeke.

Galatiami 3:22

Ikemu kuchoyesulo pikeuno ayeghiqha kumtsu kuka axine no qhasupe ani, ikehu khunoqono pulu nikeno, Jisu Khristo pulubekeu lono tsunikeu shi piqhipuakeu gho hu ithulupe niyeke.

Rommi 7:21

Ike hiye ahza lakhia kepi ino phuluve keuno kughono ino achipi shini shikeno alhoksa likhi ino kisheluvekepu shi aghie.

YEKIKITHI AKINIU 6:36

Kughono owu timiqono ozulo pimiveni keno kughengu pimimokemi khumu kuhakehu eno nono panongu shou ologhu ideveno panongu ghumi pelo panongu shou toluvepeno panongu pesu ayeghi kushuwalo akughulo sawuve pimu;

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

Galatiami 5:17

Kughengu timi lhoayeno minekeuye Aghungu no shipenishi keu launo bidelauke; eno Aghungu no kiu shinishi keno timi lhoayeno mine keu launo bidelauke; kughengu hikumaye lakhino lakhi sasu kumghokile cheni eno tipau kiqiye nono kiu shinishikeno tipau shipemoniyeke.

LESHELE 39:1

Ino pi, “Ino kiu kiu shinamu kutokupui nicheni eno imili pesu axine shini chemoe; Timi lhoksami zulo niye kiumu pini chemoe.”

AHOLE 10:19

Nono khijehi alau atsa pini keno noye axine shinikeu shi aghiluvike. Noye alotsu aghi napiaye iqunei akepuke.

AHOLE 21:23

Nono akupuna lono putou anishi aye kiu picheni keno kutokupui luvelo.

MATTHEW 12:34

Nongu apighi lojiqo| Nonguye alhoksake kishi puzu akivi piqhilunikya? Kughengu amlolo kiu kupukunoshi ani keno tipau akichino piphe cheni.

ACHINE 13:39

achineuno timi tipau jukutojulo. Tipauye phughui keushi aghi aye tiye ayiko lhoksa likhike, timi tipauye chini kepulo mithe anike.

JOB 15:13

Kushiye noye Alhou shou oxuide ani, eno okichilo atsa tijejehi zale ani kya?