James 3:15 - BAIBEL (BSI)

¹⁵ Tikithipu lokutsuye kungugha launo ighikeu kumoe; tiye ayeghiqha lowuke, tiye nguka ngugha ke eno tughakusapuke.

Sümi Tiqhelimi Bible

¹⁵ Titoi keu “lokütsü” ye kungugha lono iqighi chemoe ikemu ayeghilow ke, tiye akimthe kumo eno tüghaküsa ghawu lau no ke.

Sumi Naga CL (Re-edited) Bible (BSI)

¹⁵ Tikithipu lokütsü ye kungugha lono iqighi keu kumoe ikemu ti ye ayeghilo, aghungu küküha eno tüghaküsapu ke.

James 3:15 Referans Kwoze

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

1 Kor. 3:19

Kughengu hipa yeghilomino kiu pesu asuqe kighithi kepi picheni keno Alhou zulo tiye mbomzuke. Tiye kuchoyesulo ishi yepuake toi, “Alhou no alokutsumiqo panoqo muqukini lono meluve cheni”

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

1 Kor. 2:14

Ikemu Aghungu Kimthe sumono xuchekemiye Alhou Ghungu launo kumghagho ighilu chemoe. Pa ghenguno tipaqoye mbomzuke eno paye tipaqo ithikuthumlae, kughengu Aghungu likhino tipaqoye amekuapu kiu keno kiqiphelu cheni.

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

James 1:5

Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.

1 Tim. 4:1

Aghungu huno mutsumisheyi pikeuno ashekha ghulokiloye timi khamino akupulu pheve nani; panonguno akimiki ghahwuqo tsa ini eno tughamino shikakeulo amlo tsushewuve nani.

Jude 1:19

Timi hipaqono kijethakeu huthuphe cheni, ayeghilo kuxu likhi amlo tsukemi, Aghungu Kimthe kuhakemiqoke.

1 Kor. 3:3

kughengu nonguye inapughami qhemilo xu aphike. Kughou nongu dolo anhekushu eno mutomushu keu ani keno, nonguye inapughami aqhemi kekumo kesha? Eno inapughami paphi lono xuanike kumokesha?

John 3:17

Alhou ye ayeghilo akemi shou kughatha keu betsu nike ghenguno pa Nu puwuke kumoe, ikemu pa vechewo ayeghilo akemi xaluniye ke.

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 9:11

Aqoh-kutho shou ampi shiakeu kungumi huno panongu shou akukau shiake; Ibrimi tsauno pa jeye Abaddon; Grik tsauno pa je Apolion.

Piyeküsü 2:24

Ikemu Thuatira lo nongu khunoqono akukutsu lhoksa hipau pechemo keno, nongu khunoqono ‘Satan wu tuqhotugho’ akeu ithive akeno, nongu vilo ino hi piani: niye nongu shou amakho kutau betsuamoe,

2 Thes. 2:9

Satan no pa peitha akeu kukakumto lono Alhoksau hu ighi nani eno akumzapu kumla jeli ngo kichileu michipu eno akichiqhipu kutomo shipepiye nani,

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

1 Kor. 1:27

Ikemu asuqekighithimi shikukujo nikehu ayeghilomino aghuzu nikha kepi pichekeqo Alhou no puthaputsano kishelue; eno akumtomi shikukujo nikehu Alhou no puthaputsano ayeghilomino tomo-chhimo kepi pichekeqo kishelue.

Rommi 1:22

Panonguye alokutsumi kepi pukha pulaghi mbomzumi shive cheni.

Apostolmi 13:10

“No tughami nu! Akimki eno pishikiqhino chhitoi xapusu noye amikucho jeli kumtsu sasu aghumi shikicheu, noye kushiye Ampeu wu akumzu laghi shichighi pesu kichileu shivetsu niye pukaputsa acheni kya? Momu noye Ampeu wu amikucho laghi suchighi achekeu tavemo nani kesha?

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Luke 16:8

Amikucho kumou peithakutsuu hipauno amqukini hitoi shikeu ghenguno pa mpiuno pa sheqheke sha? Kughengu ayeghilo kuxu likhi phukichemiye pano kumlapu saje peithani keulo akuvulo auvekemiqo nguno alau amuqukiniue.”

SAMUEL AKINIU 16:23

Tipa ghulokilo Ahitofel no kiukiu kukutsu tsa pikeno tiye Alhou tsa kiqi shi ikhiluche: David ghi Absalom ghi ishi tipau pape cheke.

SAMUEL AKINIU 15:31

Kughou Ahitofel no Absalom hekibide gholo sukuqhavae pikeu David vilo pithi keno pano inikhu. “AMPEU, kimiyeno Ahitofel no kutsumije piyekeu aghuzu-anikha shivetsulo!”

SAMUEL AKINIU 13:3

Ikemu Amnon ye pa shou lakhi ache paje Jonadab, paye ighono aghili lhoksa kughami lakhike.