James 3:14 - BAIBEL (BSI)

¹⁴ Ikemu nongu mlolo kukhu-kimiji ngo anhekushu eno aghukha ani aye nonguye aqhekuzashi puzu kuchou shou akimkitsa pikepu kumoe.

Sümi Tiqhelimi Bible

¹⁴ Ikemu tsalá nono O mlo lo mijimülai keu nhekushu eno alakimine kimiji ghakütsüpe qhi aye, tipau ghenguno qheza kevi momu kuchou milive kevilo.

Sumi Naga CL (Re-edited) Bible (BSI)

¹⁴ Ikemu nongu mlo lo khumtsai keu nhekushu eno aghükha aghi aye, qheza kevilo eno kichile pesü kuchou shoqa kevilo.

James 3:14 Referans Kwoze

James 3:16

Kughengu khile anhekushu ngo aghukhashi heshelu nishi keu ani keno tilehi kubangu keu eno lhoksa kugha kumla jeli kumtsu anie.

1 Kor. 13:4

Kimiyekiniye kusuqhikulu eno amlo ighiqhiyi keuke; kimiyekiniye aghichipo chemo, qhezalaki chemo, lahilaza xuchemoe;

FILIPIAMI 2:3

Alikhi asuqhekeu momu qheza lakikeu pesu kiu kiumu shikevilo, ikemu aqhokigheu shipuzu kutamino onguno akiviu kepi kihilo.

1 Kor. 3:3

kughengu nonguye inapughami qhemilo xu aphike. Kughou nongu dolo anhekushu eno mutomushu keu ani keno, nonguye inapughami aqhemi kekumo kesha? Eno inapughami paphi lono xuanike kumokesha?

Rommi 13:13

Atsala kuvulo akemi toi ningu ghusho-ghililo kithikiyi shini nolo. Ningu itho-igho moni, shokumzu shimoni, shupu moni, akupusho- akupugha shimoni, kichighimoni momu anheshu moni.

2 Kor. 12:20

Kughengu kughou ino ighini keno nonguye kiu toikemi shipenishi anikeno tipau nguno kutau shiaghivekeu musa ani eno nonguno niye kiutoi kemi shipenishi anikeno tipau nguno kutau shiaghivekeu musa anike. Ishiake, anhekushu, mutokeu, axukighide, aghukha shikeu, thaighakeu, timi ghili kughakeu, lahilazakeu eno kuthamlakeu aghi nani keniake.

FILIPIAMI 1:15

Panoqo gholo khamiye anhekushu eno akukuxu lono Khristo pesu pikulha cheni ikemu khamiye amikucho shi pikulha cheni.

James 5:19

Ithikuzumiqo, nongu gholo milakhino kuchou launo alakumolo wuvenikelo kutami lakhino timi tipau sachile saghilu aye

Apostolmi 5:17

Tile achinetou ngo pa gholo kumtsa akemi Sadukimi loji huye anhekushu launo amlozuzushive.

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.

1 Tim. 6:4

paye qheza-laki ani eno kiumu mthae. Paye atsa ghenguno mutomushuyi eno kighe kile anikeu alhoksa kumsupu ani, tishikeu lono anhekushu, kusuxakeu, thaighakile keu, pulukupusa sughi cheni,

1 Kor. 5:2

Ikeghi nonguye kishi puzu amlo ghimeshi kepu suwo akuchhomashi ani kya? Timi khuno hikithipu kumla shipuani keno nonguqo gholono hapheve kepue.

Rommi 2:8

Ikemu khunoqono aghukhashini keno eno kuchou gholumo puzu akumou papewuni keno, Alhou no panoqo shou aloghu eno agha kighide lepuku nani.

AHOLE 27:4

Amlo kighideye ayikusa eno kutsakungo keuke ikemu tiye anhekushu qhemi kumoe.

AHOLE 14:30

Amlokiqi no aphimpi eno ashi aji kivishi chenipe ikemu anhekushuye angsu kusu toike.

KUKAMI AKINIU 10:31

Ikemu Jehu ye pa mlo kumtsu suno AMPEU yezah, Israil Lhou ghokulu shimoe; tipau zuqhulo paye Jeroboam khuuno Israilmi sasu axinelo ilovekeno paw pape wuve.

Galatiami 6:13

Kughengu khunoqono aphighu yiko ghaveakeno panongu ghi Ayezah peluchemoe, ikemu panonguno nongu pelo aphighu yiko ghavepeniye shikakeu michipuye nongu philo akeu pesu panongu qhekuzapu shiniye kuto ani.

Galatiami 5:26

Ningu qhezamoni momu lakhi no lakhi xukuthomoni momu lakhino lakhi jupe anheshumoni nolo!

Galatiami 5:21

aghichikupo, shokumzu, zuti-zugha kuxu eno titoike jeliqo. Ino azuuno nongu kutughuve ketoi itaghi nongu kutughu ani, khunoqono hipaqo shi cheni keno Alhou yehkipe ighi lumo nani.

Galatiami 5:15

Ikemu nonguno tughashi toi lakhino lakhi mikiqhi eno ghuzakile aye lakhino lakhi kutsavemoni mala jualo!

1 Kor. 5:6

Nonguye qheza kuzupu kumoe. Kholaqhi kitilano asho kunupe puakeu kuchopu ingughuyivetsu chekeu nonguye mtha kesha?

Rommi 2:17

Noye kishi ani kya? Nono olikhi opesu Judami kepi acheni, Ayezah pukhupe acheni eno Alhou sasu kutshupe aniepi qheza acheni.

Rommi 1:29

Eno panonguye xesuxeni, kusakugha, alakimne eno aghichipokeu jeli no chhitoi ani. Panonguye anhekushu, ghikiqhi, kuqhu kidimokeu, pishikiqhi eno kinhekushuno chhitoi acheni. Panonguye kutami xishi cheni

Apostolmi 26:9

“Ni ampi ghi kumsuche keuno Nazaret noghami Jisu je mujochile kepushi ino shiluke thaqhu shimasa kepi acheke.

Apostolmi 13:45

Ikemu kughou Judamiqono timi kumzapu akeu ithulu keno panonguye anhekushuno chhive. Panonguno Paul no pikeu tsa lae eno pa thaigha.

John 16:2

Panonguno Sinagog lono nongu hapheve nani. Aghuloki hu cheni kughou timi khunono nongu pithiluni keno paye ti shilukeuno Alhou huthulu ani kepi kumsu nani.

MATTHEW 27:18

Panonguye Jisu ju anheshuke ghenguno ikhiphepe tsuvekeu Pilat no ithiake.

HABAKUK 1:3

Kushiye noye ipelo shiluksa eno akupuna ithulupe kya? Noye kishi puzu akumoushi akeu jupukulu acheni kya? Shikupsa eno heqhi buqhikeuno isuhope ani eno aqha kumtsulo kichighi kukuo eno mutokeu anie.

ISAIAH 11:13

Israil kukaqhaye Juda kukaqha jupesu khilemu anheshumove nani eno Juda ye Israil ghumi shimove nani.

JOB 5:2

Amlo putakeuno mbomzumi pithive cheni. Aghichikupono amlo kughulami ghiqhive cheni.

KUKAMI AKINIU 10:16

ishipi, “Igholo ighilo niye kiutoi AMPEU lau amlo kutsumi keno nono okutoshino ithi nani.” Tishi pama kumtsa chesusu Samaria kutolo ighilu.

BOTHUBO 37:11

Pamunoqono paju anheshuve ikemu papu ye pano piqhikeu kumsukutoju ache.

Apostolmi 7:9

“Nisunoqono pano thikuzu-u Josef ju anheshu puzu pa kughape Ijip lo timi qemi shiwuve peniye jesue. Ikemu Alhou no pa gholo ae,

Galatiami 5:20

ajulho kumlla, atumu, kimthikile, anhekushu, amlokighide, alikhi asala kuphu, kotha kilekeu, kuqhakumla,

1 Tim. 2:4

paye timi kumtsu xaluve penishi eno kuchou ithi penishike.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

BOTHUBO 38:9

Ati anuliqo hu pawu shimo nani kepi Onan no ithi ake hu pano pachi sasu zuke kumtsu pa phizu ayeghilo kighijive che, tishianguno pamu jelono atikughuko tsumoniaye ke.