James 3:13 - BAIBEL (BSI)

¹³ Nongu gholo alokutsumi eno ithikututa shilukemi ani kesha? Timi tipauye pa kuxu akivishi xukeu vechewo mtsha-ivukeu lokutsu lono pa kumla pephepiyelo.

Sümi Tiqhelimi Bible

¹³ Nongu dolo khuu no alokütsümi eno vethakulumi kea? Panongu pelo aküxü kivi vechewo ti pìye pelo, tiye alokütsü vechewo ipeghi chekeu aqhokigheu kümlàqo shilu keu vechewo no ke.

Sumi Naga CL (Re-edited) Bible (BSI)

¹³ Nongu gholo khuu no alokütsüu eno vethakuluu kea? Pa khuaye kivi vecheo mtshaivü keu lokütsü lono pa kümlaqo pephe piye pelo.

James 3:13 Referans Kwoze

Galatiami 5:23

mtsha-ivukeu eno kusuqhikulu. Hitoikeqo shou ayezah kumu kuhae.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

MATTHEW 5:5

“Akumtsha-akughuvumi kumghae, kughengu Alhou no tsuniepi puakeu mheghi panoqono ithulu nani!

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.

Titus 3:2

Timi xishikevi, mutomushuyi kiyikevi, ikemu timi kumtsu lau iquneyi shipuzu akumtshakughuvu shilo pilo.

2 Tim. 2:25

eno pa mujochekemi lau shikithetsu kelo agholauno shimasae. Ishiake Alhou no tipaqo pelo amlo xaidelupeno kuchou ithi peluvi.

FILIPIAMI 1:27

Akhotono nongu kuxu gholalo Khristo tsakiviu ghenguno kiu akuzupu keno tipau shilo, tishianguno ino ighino nongu sasu kusholuna kushomla namu, nonguye amlo lakhi shipe puthugho akeu, eno atsakiviu kupulu ghenguno akukumsu lakhi shino pukaputsa akeu ipelo chilupelo.

1 Tim. 6:11

Ikemu, no Alhou timi, noye hipaqo kumtsu phevelo. Noye amikuchou, Alhou lau amlo tsukeu, akupulu, kikimiye, kutuukulu eno akumtshano okimiji shilo.

James 2:18

Ikemu khamino ishi piluvi, “Nono akupulu ani eno ino akumla ani.” Ino tipau khochile nikeuye, “Okumla sumono okupulu ipiyejulo, niye ikumla lono ikupulu opiyelu nanike.”

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

James 1:21

Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

YETSAPIU 8:1

Alokutsumi likhino thimeye kiu keno kuchouno tipau kiqi pitsu cheni. Alokutsuno pa pelo agi vuqailu pe eno pagi sukughukeu shipuha tsu cheni.

LESHELE 107:43

Khunoqo alokutsumi keno hipaqo vehu kumsukutoju apelo; panongu pelo AMPEU wu iqemokeu kikimiye hu kumsukithe apelo.

1 Tim. 4:12

Timi khuu pelomu noye lhothemi kepi ojukunatha pekevilo, ikemu atsapilo, ghushoghililo, kikimiye piyekeulo, akupululo eno mutsumishei keu kuxulo xulo.

2 Kor. 10:1

Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke.

MATTHEW 11:29

Iwu kuwokhasu ikhilu no ti pepulo eno ilauno shikalulo, kughengu niye amlo kumtsha kughuvumi eno aqhokighemike; eno nonguye akulhokiqi phulu nani.

James 3:1

Ithikuzumiqo, nongu kutomono akukutsumi shikepu kumoe, kughengu nonguno ithi anike ningu khunoqono kutsu cheni keno kutami nguno alau chixechileyi keu pesu ningu shou kughathabe nani.

Ephesiami 4:2

Akumtsha kughuvu shilo, ivunhei xulo, pulhapuju kutuo kutuulo, lakhino lakhi lau kusuqhikulu lono kikimiye piyelo.

Galatiami 6:4

Ikemu pututano alikhi akumla pejukepue, tishi aye pano qhezakepu akiqi aghie pinamu tiye pa likhi pa shelo likhino shilu nani eno kutamino kiu shikeno tipau sasu kimghi akepu shimo nani.

Galatiami 6:1

Athikuzumiqo, timi lakhino hebide cheghi aye nongu aghungu kuxulo akemiqono amlo kumtsha shino pa shikumzu tsukepue. Nongu ghi alikhi ampi jukutolo tishianguno oghukeqhive pemonike.

2 Kor. 8:24

Ikehu panoqo lau nongu kimiyekini eno nino nongu jupe akijivilo chekeu mutsuqheyi shipiyelo, tishianguno akukuhou kumtsuno tipau ithipenike.

DANIEL 2:21

Atusho aghulokiye pa ghakusu qholo ani; Akukau shipenimu shipemovenimu pa gho lono shi cheni Alokutsu akighithi tsuche keu huye pake.

MATTHEW 21:5

“Zion phughi vilo pilo: Julo, okukau olau cheni, Paye ivunheyikemi eno gadaha lakhi shouno cheni, Paye gadaha ti lakhi shouno cheni.”

ZEFANIA 2:3

Nongu akumtshami ayeghilo akemi khunoqo AMPEU zahkutsu peluche kemi keno kumtsu pa lau ideighivelo. Kiuno achipi keno tipau shilo eno AMPEU zulo nolikhi nongu kughape aqhokigheu shilo. Ishiake AMPEU no pa loghu pepheke tsalalo nonguye aghime lono poluve luvike.

JEREMIYA 9:12

Ino iniju, “O AMPEU, kushiye aghakhuye kutsapinyive eno asayeqha toi qhiveno timi khunomu tipau kathasu izuwumovea kya? Khuno hipau vethakulupu shi alokutsu lukumkha ani kya? Noye khuvilo hipau chixechilei pivea puzu pano kutami vilo pilukepu ani kya?”

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

LESHELE 149:4

AMPEU no pawu timiqo launo azu kuvu shicheni; pano tokulupu pesu aqhokighemi gihu cheni.

JOB 28:28

Alhou no timi vilo pi, “Ampeu sumsa keuye alokutsue, eno alhoksa lono tsughuve keuye tsaqui keu kighithie.”

AKIKIHI 12:3

(Muse ye akumtsami lakhi, ayeghilomi kumtsu nguno ivunhei kemike.)

1 Peter 3:4

Ikemu nongu jukiviye nongu lolo kuchou mlo xapulo,iquneyi eno ivunheyi keu pesu khilemu idivemo keu jukivi shipelo, Alhou zuloye hino ighono amekusho chike.

1 Kor. 6:5

Niye nongu shikukujonike hi piani. Kuchouno athikuzumiqo dolo atsakugha xathave tsulukepu nongu gholo asuqekighithimi milakhimu kuhave kesha?

MATTHEW 7:24

“Tishiaye, timi khuno itsa hipaqo chilu puzu tipaqo shini keno, paye atuqu shou pa ki shipuku kemi alokutsumi lakhi toike.

JEREMIYA 9:23

AMPEU no pike, “Alokutsumiye pano lokutsulo qhezalaki kepu kumoe, akumtomi pimu pano kumtolo qhezakepu kumoe, kinimi pimu pano kinilo qheza kepu kumoe.

ISAIAH 60:6

Kemel loji shekujo kumzapushi Midiya ngo Efa kudauno ighi nani. Panonguno Sheba kudauno shunayi ngo tsungquikeu ta sughi nani. AMPEU no kiu mlakeno timiqono tipau tsakiviu lhe nani!

YETSAPIU 8:5

Pano ahza tsukeu nono aghokulu shiake kutolo oghenguno xakulupu ani eno alokutsumiye kughono kiu kishi shikepu keno ithi acheni.

LESHELE 45:4

Kuchou eno achipiu susholu nike ghenguno akiqhe akighicheu lono tokuluulo ikulo! Okumtono opelo tokulu kije shilupelo!

LESHELE 25:9

Pano ala achipiulo aqhokighemi sawu cheni, eno panoqo vilo pa laghi shika piye cheni.

IBRIMI 13:5

Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

ISAIAH 29:19

Kumlhomi ngo aqhokighemiye AMPEU Israil Lhou akimtheuno tsukeu lokivi itaghi ghuthu lakhiye phulu nani.

1 Peter 1:15

Ikemu nongu kulukeu Lhou ye akimthe kehu nongu ghi suqesuli kumtsulo akimthe shilo.

LESHELE 122:8

Nisholokumi eno shompami gheghuno niye Jerusalem vilo piani, “Noye alakishi alo!”