James 1:27 - BAIBEL (BSI)

²⁷ Apu Alhou zulo mutsumisheyi keu eno tukutiye kuhakeu chineyehye hike: mighimugha chikamujo keu, chimemino aghimeshi akelo tuchoheju keu eno ayeghilomi pelo pa kitiqeve pemono ngo lukeu huno achineyeh kuchouke.

Sümi Tiqhelimi Bible

²⁷ Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.

Sumi Naga CL (Re-edited) Bible (BSI)

²⁷ Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

James 1:27 Referans Kwoze

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

James 4:4

Pukhukilemla keu lhoxuqo! ayeghi sasu ashou shichekemiye Alhou ghumikepi nonguye mtha kesha? Tighenguno khunono ayeghi sasu ashou shinishi keno paye pa pesu Alhou ghumi shianie.

1 Tim. 5:4

Ikemu chimemi lakhino anuli momu atilimi aghiaye tipaqo pelo pano kibolomi lau paghi achineyeh kiqi lono shikepu shiakeu ithipekepue, eno titoi shikeu lono apu-aza momu asu-apuza lochilepekepue, kughengu hiye Alhou pulou ke.

LESHELE 119:1

Khuno kuxulo tukutiye kuha keno tipano lokivipu, AMPEU yezah kiqi lono xuchekemi lokivipuke.

1 Tim. 1:5

Ahza hipau tsukeu kimijiye amlo kithe ngo tsughukhuyi keu lokumsu ngo mutsumishei keu kupulu launo ipeghi chekeu kikimiye hu haputhu tsuniyeke.

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

LESHELE 68:5

Pa kimthe chinekilo ngochekeu Alhou ye mighimgha ngo chime miqo susho eno tuchohiju cheni.

MATTHEW 5:8

‘Akukumsu mithemitheikemi kumghae, kughengu panonguye Alhou ithulu nani!

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

1 John 5:18

Nino ithi akeuno Alhou tianuli shiluvekemiye axine shichemoke, ikemu Alhou Nu no pa khe acheni eno Alhoksau ye pa bumlae.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

Galatiami 6:14

Ikemu ilikhi imishiloye niye niMpeu Jisu Khristo kros nguno kutauye kiulomu qhezamo nani, kughengu pawu kros pesu ayeghiqha hu ilauno yeda pithivae eno ayeghiqha launo iyeda pithivae.

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

ZAKINIU 14:29

Achuqupu hipauye Levi laghami salake kughengu panonguye aki alu pighi chemoke eno inaghami ngo mighimghami eno chimemi nowu taun lo xuache kemi salake. Panonguno avehupu shi akeu ighino lupelo. Hipau shilo eno AMPEU nongu Lhou no nonguno mla ithakeu kumtsulo nongu kumghatsu nanike.”

LESHELE 146:9

Inami ni yeghilo achekemi pano susho; chimemi ngo mighimgha pano kuphu, ikemu kixikilamino kughu puakeu hexavetsu cheni.

MATTHEW 12:32

Khualano ni Timi Nu shou kiuala pipuaghimu ti pevetsulu nani, ikemu khunono Aghungu Kimthe shou kiuala pini keno itehina itowu namu pevetsumla nani.”

Rommi 2:13

Kughengu Alhou zuloye Ayezah inikemino achipiu shilu chenike kumoe, ikemu ayezah papelukemino Alhou lau achipiu shilu cheni.

Galatiami 3:11

Mutsuqheyino Ayezah ye khilemu timi pelo Alhou zulo achipikalu pemlake, kughengu kuchoyesulo ishi pipuani, “Timi khuuno akupulu vechewo Alhou lau achipikalu cheni keno paye xulu nani.”

Ephesiami 2:2

Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

Titus 2:12

Tino ningu vilo Alhou sumokeu kuxu ngo ayeghilomino minechekeu pheveno hipa yeghilo iqu-ighayi keu ngo mutsumisheyi keu eno Alhou lau amlo tsukeu kuxu xulepi ningu kutsupiye cheni,

James 3:9

Amili pesu ninguno niMpeu eno Apu shikimthi cheni eno hipau pesu Alhou kimihi lono lhopuakeqo akusami ghusho cheni.

2 Peter 1:4

Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

2 Peter 2:20

Kughengu timino niMpeu eno niXakuluu Jisu Khristo ithikeu kighithi vechewo ayeghilo shikupusaqo launo pokaipeluve kethiu panonguye tipaqo lono itaghi kuptshuluve eno panoqo shou heqaluve aye, timi tipaqoye atughulo kiutoi achekeno tipau nguno ashekha launo alhoksa kuchoulo auvae.

2 Peter 3:14

Tighenguno ino kimiyechekemiqo, nonguno tipau Tsala kheakelo, nonguye kiumu tukutiye kuhano mutsumisheyi aghikepushi pukaputsa azukini shilo eno pa lau aloino alo.