James 1:25 - BAIBEL (BSI)

²⁵ Ikemu khunono timi kuqhophelu chekeu yezah ti viwotolukeu yezahlo jusuni eno khuno tipau kumsukutoju cheni keno, paye inike likhi ini puzu kumsumavekemi kumoe ikemu paye akumla shikichekemi ke. Timi tipanoye pano mlaithakeulo Alhou no kumghatsu cheni.

Sümi Tiqhelimi Bible

²⁵ Ikemu khuno no kupukülai keu yeza khikhi kuqhokiphe tsü cheni keno tipau lo amlotsüqhiyi ju eno tipau lo tamo no kümsükutoju—panongu no kiu chilu keno kümsümamo no tipau shini keno—panongu ye panongu no kiu mülà keno tipau lo mügha nani.

Sumi Naga CL (Re-edited) Bible (BSI)

²⁵ Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

James 1:25 Referans Kwoze

Luke 11:28

Ikemu pano pi, “Khunoqono Alhou tsa chilu eno ti qhiluni keno tipaqono alau akumghapue.”

John 13:17

Nonguno hi ithi aye eno nonguno hipaqo pepimhelu aye, nongu lokivipuke.

1 Peter 2:16

Kuqhophevekemi toi xulo, tishimu noye kuqhophevekemi akepi tipau pesu alhoksa kumla jonha kevilo, ikemu Alhou qemi toi xulo.

James 2:12

Kuqhophelukeu yezah pesu kughathabe tsupenikemi shilukepushi atsa toi akumla ghi shilo.

Galatiami 5:1

Khristo no ningu kuqhophevae. Tighenguno kuqhopheveke toi akumtoshi puthugholo eno itaghi aquaxemi makho lo kitime kithe kevilo.

1 Kor. 15:58

Tighenguno ino kimiye chekemi athikuzumiqo, mutotoi puthugholo, ithakevilo, kihikutha kuhano pulhapuju Ampeu kumla shialo, nonguno ithianike Ampeu kumla kiu shiani keno khilemu adou shivemoe.

1 Tim. 4:16

Olikhi ojukuto eno okukutsu jukutolo. Phekevino pukaputsalo, kughengu nono hipaqo shiaye olikhi oxalu eno otsa chilukemi xakulupu shi nani.

2 Kor. 13:5

Nonguye nongu kupulu mutupe anikemo keno juke pushi nongu likhi nongu chhe julo eno kughathajulo. Nonguye thwokha pheve aghinike kumo aye Jisu Khristo ye nongu lolo aniepi kumsumla kesha?

Rommi 11:22

Alhou ye kishi kimiyekini eno mughachhoi keno hileno ithi: iluqivekemiqo lau paye mughachhoi, ikemu nongu lau kimiyekeu ae, tsala nonguno pawu kimiyekinilo cheche aye ta, ikemu tikumoaye nongu ghi micheve nani.

AHOLE 14:15

Anikhamiye kiukiumu pulu wuve cheni; kumsukulumiye pano ikache wunikeu jukuto cheni.

Rommi 8:15

Kughengu Alhou no Aghungu nongu tsukeu huye nongu pelo aquaxemi lakhi shivepe eno nongu pelo msakitheve peniyeke kumoe, ikemu Aghungu no nongu pesu Alhou no saputhuluve keu nuliqo shitsu, eno Aghungu kuka lono ninguno “Apuo! Ipuo!” ipi igha cheni.

Galatiami 2:4

Qeti timi khamino athikuzumi kepi nigholo kihikuqha iloghino Tito peloghi ayiko ghave penishi ake. Timi tipaqoye ninguno Khristo gholo xukuqhape ililayi akeu miqejuniyeke, tishino panonguno ningu tshupe qhiveniye shike.

John 8:36

Anuno nongu xaphetsu aye kuchouno nonguye xapheve nani.

LESHELE 106:3

Khunono pano ahza tsukeu agho kulushi peluni keno tipano kumghae, khunono pulhapuju achipiu shicheni keno tipano kumghae.

Piyeküsü 14:13

Tileno kungugha lono asutsa lakhi ishi pikeu ino chilue: “Hipau yelo, hinguno hilauye Ampeu huthukeu lono thikemiqo lokivipuke.” Aghungu no ishi khochile, “Mutsuqheyino tishike. Timi tipaqoye panoqono shishe ichhe ime chekeu lono akulho qhilupeniyeke, kughengu panongu kumlano panoqo pape cheni!”

1 Tim. 2:15

Tishiepimu totimino aghibiu lono akupulu, kikimiye eno akimthepushi xuaye panonguye atianuli akeu vechewo xakulupu shi nani.

Rommi 7:12

Ayezah kutsuye akimthe, achipi eno akivi.

Apostolmi 26:22

Niye ishi tsala kutolo Alhou launo ighikeu kukuphu lono hile puthughono kijemi vilo eno kitilami kumtsu lau ishepe tsulu ani. Ino pi akeuye tungkupmi eno Muse no shini pi piqhipuakeu shikupu anike.

Apostolmi 13:43

Sinagog lo ahoho ixave kethiu, Judami ngo Judami chineyeh luvekemi kutomono Paul ngo Barnaba pama papewu. Pamano panongu putsa eno Alhou akukupulo xuchelo pi panongu hakite.

IBRIMI 12:15

Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

Apostolmi 2:42

Panonguno Apostolmino kutsukeu ngo kuposhukeulo eno kuposhukeu ghulhu ngo akighini lono ado peitha ae.

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

LESHELE 119:45

Niye kuqhophekeu akiviu lono xunike kughengu niye okukutsu pape nike pukaputsa acheni.

LESHELE 119:32

Niye ozahkutsu gholuni keuno khekulhoke, kughengu nono ithikuthulu kepu itsu nani.

SAMUEL ATUGHIU 12:14

Tsalatsa nonguno nongu MPEU Alhou akishe tsu, pa huthu aye pa tsa initsu aye eno pa zahkutsuqo aghokulu shi aye, nongu eno nongu kukauno pa pape aye thwokha kumtsulo nonguye achipishi nani.

Piyeküsü 22:14

Khunono pano phimini mithemighei shikimthe keno tipanoqo kumghae, tishikeu lono akuxupu subo xathi chukuzupu shi nani eno aliwo kikha vechesu aphughilo wulu nanike.

1 John 2:24

Nonguno abothu lono kiu tsape chiluve akeno tipau nongu mlolo qhipua chelo. Nonguno tipau tsape qhipua cheaye nonguye Anu ngo Apu gholo xukimepe ache nani.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Rommi 2:13

Kughengu Alhou zuloye Ayezah inikemino achipiu shilu chenike kumoe, ikemu ayezah papelukemino Alhou lau achipiu shilu cheni.

Rommi 8:2

Kughengu Jisu Khristo gholo akuxupi Ghungu yezah huno axine ngo akithi kuma yezah lono ikuqhophevae.

Galatiami 6:2

Lakhino lakhi makho putsukilelo, tishikeu lono Khristo yezah shikuputsulo.