James 1:12 - BAIBEL (BSI)

¹² Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

Sümi Tiqhelimi Bible

¹² Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

Sumi Naga CL (Re-edited) Bible (BSI)

¹² Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 1:12 Referans Kwoze

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

James 5:11

Khunoqono puqhekulu shi keno tipaqo lokivipukepi picheni. Job no puqhekulu shikeu nonguno chiluvae, eno ashekhalo Ampeu no kishi shitsukeno nonguno ithuluvae. Ampeu ye kimiyeqhiyi keu eno kupuqhiyi keuke.

Rommi 8:28

Nino ithi akeuno Alhou kimiji kiqi lono pa kimiye chekemi khunoqo kuluvea keno tipaqo lau thwokha kumtsulo akivipu ghenguno mla kuqha acheni.

MATTHEW 10:22

Ije ghenguno timi kumtsuno nongu mithi nani. Ikemu timi khunono ashekha kutolo kutu-u khealu nikeno tipano xalu nani.

1 Kor. 9:25

Pepushumo nikeu kutsukuqho ithulu nike thotsu kuxukelo ilokemi lakhi khino thwokhalo alikhi ampi kusuqhiluve cheni aye ninguno tishi shiakeuye shipusamlakeu saxu ithulu niyeke.

1 Peter 3:14

Ikemu amikucho shikeu ghenguno nonguye aghime shikepushive namu tiye nongu ghenguno alokivipuke. Tipaqo msaichi akepu kumoe momu amloksa shikepu kumoe.

2 Tim. 4:8

Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

James 2:5

Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

1 Peter 5:4

Kughou Akheu atou ipeghini keno nonguye khilemu ajuidimokeu ajekipipu kutsukuqho ithulu nani.

1 Kor. 2:9

Ikemu kuchoyesulo ishi yepuani, “Timi khunomu ithumla aphikeu, momu chimla aphikeu thime, momu timi mlolo kumsuphemla aphikeu thime, khunoqono Alhou kimiyecheni keno tipanoqo ghenguno Alhou no kutope puani.”

ZAKINIU 8:2

Wovekeu mpe hi lhobidi kutolo AMPEU nongu Lhou no nongu sasu asayeqha vechewo ado kushuwa itsuchekeu kumsululo, tishi chekelo nongu pejunike shiluksa puwu cheke tishianguno nonguno kiu shiniye kumsupu ani keno pano ithinike eno nonguye pano ahza tsukeu papelu nani kemo keno ithiniyeke.

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

1 Peter 4:13

Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

1 Kor. 8:3

Ikemu khuuno Alhou kimiye cheni keno pano ithi auvae.

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

ZAKINIU 13:3

pa lau amlo tsukevilo. AMPEU nongu Lhou no pa peithano nongu peju aghi luvike, tiye nongu mlo kuchopu pesu AMPEU qhuivu ani kemo keno juniyeke.

IBRIMI 10:32

Ikemu wovekeu tsalaqolo Alhou wu akuvuno nongu shou yepuvuve kethiu nonguye kishivekeno kumsuchilejulo. Nonguno kutuu puzu aghimeshi shilukusa sasu kushoke.

LESHELE 119:71

Ighimeqhi keuye ighenguno aloke, kughengu tino ipelo ozahkutsu shikalupeke.

ZAKINIU 7:9

AMPEU nongu Lhou likhino Alhou kepi kumsululo eno paye amikuchoke. Paye puloshoqhi phevemo nanike eno pa qhuivu eno Pano ahza tsukeu papelu kemiqo lau tiqheli 1000 kutolo pawu iqemokeu kikimiye piye chenike.

IBRIMI 6:15

Ike Abraham ye kutuuno kheakulushi puzu Alhou no piqhive keu hu ithuluke.

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

LESHELE 119:67

Nono ighime mphi loye niye akumoulo wucheke ikemu itehi niye otsa ghokulu shi ani.

NEHEMIA 1:5

“O AMPEU, Kungugha Lhou; Noye kijeke eno nino ozulo msa khokhoshi puthugho anie. Noye khunono oqhuivu eno oyezahqo pecheni keno panoqo lau amikucho lono oshoqhi pua chenie.

IBRIMI 11:17

Alhou no Abraham pejukelo, pano akupulu lono panu Isak pesu Alhou mllae.

LESHELE 119:75

Ino ithianike owu kughakuthaye achipiuke, AMPEU, nono ighimeqhi keuye noye amikuchoe.

1 John 4:19

Ninguno kimiye cheni, kughengu Alhou paghino ningu kimiyeke.

ISAIAH 64:4

Timi khunomu otoikeu lhou ithulu momu chimla aphike, opulube chekemi ghenguno nono mlatsukeu toike kutami kuhae.

LESHELE 5:11

Ikemu osuije chekemi kumtsu alovilu pelo, panongu pelo alo kivi launo alephelu eno okimiye chekemiqono ogholo aitelu pelo.

IPEKULU 20:6

Ikemu iqhuivulayi kemi eno iyezah gholuche kemiqo shou tiqheli qhethonhe kutolo ino qhuivulayi keu piye cheni.

IBRIMI 12:5

Nongu ghuthi puxu tsuniaye, anuliqo ipi nongu kupuakeu nonguye kumsumavea kesha? “Inu Ampeu no sakiyi qoputhu keulo tsukhuyi shilo, Pano ovilo alomi pikelo aghuthi sukevilo.

JOB 5:17

Alhou no sakiyi kemi lokivipue. Tighenguno tuchomujokutsu-u no ghasu keu hebide kevilo.

LESHELE 94:12

AMPEU, nono kutsupiyekeu timi huye alokivishi kepu anike, oyezah pesu khuno shikani keno tipano lokivipuke!

BOTHUBO 22:1

Tishive kethiu Alhou no Abraham peju ghi pa vilo pi, “Abraham.” Ike Abraham no ishi khochile, “Iye, ni hi anie.”

JOB 2:10

Ikemu Job no li vilo pi, “Noye mbomzumi tsa toi pi anie. Alhou no kiwala akivi ningu tsu aye alokivishi ikhilu cheni. Pano shiluksa puwutsu kelo muchho nike shea?” Aghime hi kumtsu sholue pimu, Job ye kiumu Alhou shou axine tsa piqhimoe.

LESHELE 11:5

AMPEU no achipiu shichekemi ngo kixikilami lheju cheni; pa ngulho kumtsuno ayezah hekuxami mithi cheni.

Luke 6:22

“Kughou timino Timi Nu ghenguno nongu mithi, nongu leve, nongu thaighani eno kusakughami kepi nongu jeku nikeno, nongu kumghae.

Rommi 5:4

kutuukulushi theqhilukeu huno athicho iqiphe cheni, eno athichono lajupu iqiphe cheni.

2 Tim. 2:15

Akumlami lakhi huye pa kumlalo kujovemo nike kuchou sutsa akivishi pepimhe puzu Alhou zulo ikhikulupu shinike tolukivi thaqhu pukaputsalo.

1 Peter 4:14

Nonguno Khristo timi shiveke ghenguno timino nongu thaigha aye tiye nongu lokivipue; tipau kiqiye Akimthe jukuvupu Ghungu, Alhou Ghungu no nongu shou anike.