IPEKULU 1:7 - BAIBEL (BSI)

⁷ ikemu panoqo lagha kughukomi Israilmiye ati anuli kutomo shive eno kihikhamla kepu shive eno akumto shiuve kehu Ijip ye panoqono nhakhaluve.

Sumi Naga CL (Re-edited) Bible (BSI)

⁷ Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

IPEKULU 1:7 Referans Kwoze

BOTHUBO 46:3

Alhou no pi, “Niye Alhoue, opu Lhou ke. Ijip kudau iqinikeu musa kevilo, kughengu ino opelo ashiayeh kije lakhi shilu penani.

ZAKINIU 26:5

Tipathiu AMPEU gizu lono nonguno atsa hipaqo pikibewolo: ‘Ipuasuye Aramiami lakhike, itsu itsuche kemi pa kibolomi sasu Ijip lo kughuna niye wuke. Panonguno tilau wuke ghulokilo panonguye aghulo likhike ikemu akuka kumto eno anoghi shiayeh lakhi shiluve.

BOTHUBO 1:28

Alhou no panongu kumghatsu ghi pi, “Athi pithilu kighishe lu eno ayeghi nhakha lulo eno tipaqo mpiu shilulo; azulo akhaqo ayeghilo aghau qo eno iqho iqi ithakiche lhoxuqo kumtsu shou qhasululo.”

BOTHUBO 47:27

Israilmi no Ijip Goshen ghakhulo kughunauve, panonguye kinikulu shive eno ati anuli kutomo ikowove.

BOTHUBO 35:11

Alhou no pa vilo pi, “Niye akughushu Lhou, atianuli kughukoluno ashiayeh lakhi shilulo. Ashiayehqo olauno ipeghi nani eno ophilono kukami ipeghi nani.

BOTHUBO 12:2

Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

BOTHUBO 9:1

Alhou no Noha ngo panuliqo kumghatsu eno panongu vilo piputo ghi pi, “Axuthi kughuko wolulo eno ayeghi nhakhawolo.

NEHEMIA 9:23

Atsutsulo ayepu jejehi nono atianuli kutomo pesu panongu tsuke, panongu pelo ayeghi leluve eno kughunaluve pe tipauye nono panongu tsuniepi pano puasu qo lau tushoqhive keuke.

ZAKINIU 10:22

Nopuasuno Ijip lo iqi kelo pano lhotsuni likhi ke ikemu itehiye AMPEU nongu Lhou no nongu pesu atsutsulo ayepu jejehi shivetsu ake.”

BOTHUBO 48:4

eno ivilo ishi pi, “Julo ino opelo atianuli kutomo shilu peni eno opelo kighishelu eno opelo ashiayeh timi kumzapu shitsuni eno oti anuliqo pelo pulhapuju pighiwuve penike hipau yeghi ino panongu tsunie.

BOTHUBO 17:16

Ino li kumghatsu ni,eno li pelo anu lakhi punu otsu peni. Ino li kumghatsuni eno liye ashiayehqo paza shilupe nani eno li tikughuko launo kukami ipeghi nani.”

LESHELE 105:24

AMPEU no pawu timiqo lau atianuli kutomo tsuke; panongu ghumi nguno akumtou shilupe.

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

BOTHUBO 22:17

ino shishe okumghatsuni eno oti kughukoqo shishe kighishe tsunie. Panongu ye atsutsulo ayepu je-jehi eno azughi mukulo asaye je-jehi shi nani. Oti kughukoqono aghumi liwo khasulu nani:

BOTHUBO 13:16

Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

BOTHUBO 1:20

Itaghi Alhou no pi, “Azu lo xu akeu lhoxu jeli kutomo chokive iqho iqi pelo, eno aghau pelo ayeghi shou, atsutsu liho lo yeiqho iqi pelo,” eno tishiluve.

IPEKULU 12:37

Ramese lono Sukot kutolo Israilmiye apukhu no chesusu wuke. Tilehi totimi ngo ititunuqo kihi kuqha mokelo timi asakithe 6,00,000 cheke.

BOTHUBO 48:16

Kungumi khipauno akijiksa kumtsu lono ixaphelukeno, pa pelo apuf pama kumghatsu peniu. Ije lono eno ipuasu Abraham ngo Isak je lono panongu ku chepeniu, Eno ayeghilo panongu pelo anoghi kutsasa shi ikowolu peniu.”

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 15:5

Pano pasasu qhaghalei keu-alo saipe puzu pi, “Kunguu jupuku julo eno nono kihi kulupu aye ayepuqo kihi julo.” Pano pa vilo pi, “Opitiye tijejehi nani.”

Apostolmi 13:17

Israilmi hipaqo Lhou no nipu asuqo kishelu, eno panonguno Ijip yeghilo achekelo timiqo kughukope shishe ashiayeh kije shitsu,

BOTHUBO 26:22

Tipa-a lono kutau pano iqesusu wuve eno azukikhe kutau lakhi chhue. Tipau ghenguye panonguno mutomoe, ikehu pano tipau je pesu Rehobot kutsue. Isak no pi, “Itehiye AMPEU no ningupelo ililayi luve ape eno ninguye ayeghilo kinikulu shiluniae.”

IPEKULU 1:12

Ikemu Ijipmi no khijehi Israilmi qodaqhi keno tijehi Israilmiye alaushi timi kutomo shiuve eno panonguno aghakhuqha lo alaushi ikowove. Ijipmiye panoqo msaukhave.

IPEKULU 5:5

Nongu timi qoye Ijipmi nguno timi kumzapu shivae eno nonguye itehiye mulamoniye shi anike!”

LESHELE 107:38

Pano pawu timi kumghatsu eno panongu pelo atianuli kutomo achenipe; eno panongu wu pichepighi puha mono khetsu acheni.

EZEKEL 16:7

Atsanibo lakhi checheyikeu toi ino opelo thuwulupeke eno noye choshiyi thuwuve, chuqumghaive eno ilimi lhothe lakhi shive. Okichhiye akoghe kivi shive eno osa thuwuve ikemu noye aphi kumsa ke.