IBRIMI 3:6 - BAIBEL (BSI)

⁶ Khristo ye anu kehu Alhou kilo pukhubekulu shike. Ninguno ithamono mutotoi akeu tsuqupe eno ningu wu lajupulo amlo kuloghishi aye, ninguye Alhou kike.

Sümi Tiqhelimi Bible

⁶ Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

Sumi Naga CL (Re-edited) Bible (BSI)

⁶ ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 3:6 Referans Kwoze

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

1 Kor. 3:16

Nonguye Alhou chineki ke eno Alhou Ghungu no nongu lolo acheni kepi nonguye mtha kesha?

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

IBRIMI 10:35

Tighenguno nongu mlo kumto shichelo, tipauno ajume kije sughi chenike.

IBRIMI 6:11

Nino kumsupulo akeuye nongu lakhi khino ashekha kutolo azukinishi apenishi ani, tishianguno nonguno laju achekeu hu kumtsu mutsuqheyi shilupenike.

1 Kor. 6:19

Nongu phimpiye Aghungu Kimthe chineki ke, Alhou no nongu tsukeu, paye nongu lolo akeu kepi nonguye mtha kesha? Nonguye nolikhi nongu wuke kumoe ikemu Alhou wuke.

IBRIMI 10:23

Ninguye khilemu ithamo puzu ninguno kugha-kuptsa chekeu lajupu mutotoi tsuqupeni nolo, kughengu Alhou ye pano piqhikeu penani kepi ninguno pa pukhulu nani.

IBRIMI 4:11

Tighenguno ninguye pukaputsa puzu alokughuno tipaulo iloni nolo, eno ningu gholo milakhimu panongu toi agholumokeu shiveno ilomlave nosake.

IBRIMI 3:14

Kughengu ninguno abothulo amlolo mutotoi akeuhu ashekha kutolo ithamono tsuqupe a-aye ninguye kumtsu Khristo gholo kuloji- kemike.

Piyeküsü 3:11

Niye keyi ighini cheni; nono peakeu mutotoi tsuqupe alo, tishianguno khuu pelomu owu tokulu saxu suxalu vepemonike.

IBRIMI 4:14

Tishiaye ninguno pikiphe shichekeu kupulu hu mutotoi tsuqupe ani nolo, kughengu ningu chinetou kije lakhi ani, Alhou Nu Jisu ke, paye kungughalo wuvae.

IBRIMI 1:2

Ikemu itehi ashekhalau tsalaloye pano Anu lakhi vechewo ningu vilo pivae. Alhou no pa vechewo atsutsu ayeghi kumtsu lhoke eno pa pelo thwokhalo amheghi kiyighiu shitsuke.

1 Tim. 3:15

ino munuvekepu shive namu nonguye Alhou kibolo, xuachekeu Lhou kukuhoulo kishi mlaithakepu keno hipau yesu lono ithipeniyeke. Akukuhouye kuchou tsukucho eno aboqhake.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

MATTHEW 10:22

Ije ghenguno timi kumtsuno nongu mithi nani. Ikemu timi khunono ashekha kutolo kutu-u khealu nikeno tipano xalu nani.

1 Thes. 5:16

Pulhapuju alovi chelo,

Rommi 15:13

Lajupu tsuchekeu Lhou pelo nonguno puluakeu vechewo alokivi eno alokughuno pesu nongu lolo shepichhitsu apeniu, tishikeuno Aghungu Kimthe kuka vechewo nongu wu lajupu heshelu penike.

MATTHEW 24:13

Ikemu timi khunono ashekha kutolo tsuqupe aghini keno tipano xaluve nani.

Piyeküsü 2:25

ikemu ino ighimoke kutolo nonguno kiu ani keno tipau mutotoi tsuqupe alo.

Piyeküsü 2:18

“Thuatira kukuhoulo kungumi akeu lau yelu ani: “Atsape hipauye Alhou Nu, ami mili toikeu nhethi puakeu eno alazayi pitikutsughu pesu mulapuyi aketoi keu pukhu puakeu launoke.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

Rommi 5:2

Hi kupukini khile ninguno puthugholu ani keno pa vechewo ilolukepu shiveke. Ikehu ninguye Alhou jukuvu kusajenikeu lakuju akeulo ninguye alokivishini nolo.

LESHELE 2:12

Khokhoshi pa zulo itsaiqilo, tikumoaye, pano aloghu ide ithughive nani eno nonguye zuleno thive nani. Khunono pa suijelu cheni keno tipano lokivipue.

1 Peter 1:8

Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

Galatiami 6:9

Ikehu akivi kumla shinikeulo ninguye aghuthi suvemoni nolo, kughengu ninguno anhu thimono mla aye paghuloki lono xolu nani.

Rommi 11:22

Alhou ye kishi kimiyekini eno mughachhoi keno hileno ithi: iluqivekemiqo lau paye mughachhoi, ikemu nongu lau kimiyekeu ae, tsala nonguno pawu kimiyekinilo cheche aye ta, ikemu tikumoaye nongu ghi micheve nani.

MATTHEW 16:18

Ike ino ovilo pini, noye Pitor ke eno atuqu eno atuqu hipau shou ino ikukuhou shipukuni, eno akithi ghime kuka pimu tipau shou tokulu shimla nani.

Rommi 12:12

Nongu lajupu akeu huno nongu pelo alokiqi shipelo, shilukusalo theqhikulu alo, akighinilo azuni alo.

Galatiami 6:10

Tishiaye, akivi shini nolo, eno akhotoshi akupulu lono abolomi shiluvekeqo lau akivi shiani nolo!

Ephesiami 3:12

Pa gholo kimepe akeu lono eno pa lau ningu kupulu akeu lono ninguno amlo kuloghi xapusu Alhou zulo vejoi ilolukepushi anie.

IBRIMI 4:16

Tishiaye, ninguno amlo kuloghi shipuzu Alhou kuka lakhu khilehi kupukini ani keno tipa-alo kupunu wuni nolo. Tileno ninguno avehupu shikutu akelo ningu kuphulu kepushi Alhou kikimiye ithulu eno paw kupukini phulu nani.

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.

IBRIMI 7:19

Kughengu Ayezahno kiumu kupukulu shitsupe puamoe. Ikemu itehiye lajupu akiviu sailoghivae, tipau vechewo ninguno Alhou kupunu ighilu cheni.

IBRIMI 10:19

Tighenguno athikuzumiqo, Ampeu Jisu no thivekeu jih lono Akimthe- A lo ilonikeu ningu mlo mutotoi anike.

IBRIMI 10:21

eno Alhou ki shou ninguye achinemi akijeu lakhi anikehu

IBRIMI 11:1

Akupuluye ninguno laju achekeu mutsuqheyi shilukeuke, ninguno ithumlano achekeu thime aniputsakepi mutsumisheyi shilu keuke.

1 Peter 4:17

Alhou kibolomi shou paghi kughathabe keu huthunikepu ghuloki ighivae; eno ningu lau paghino huthutughu shiani aye Alhou tsakiviu pulumovekemiye ashekhalo kiu kishive nani kya?

Piyeküsü 2:26

Khunono theqhikulushi toluni eno ashekha kutolo ikumla peluni keno, ino iPuh launo akuka ithuluke toi panongu pelo ashiayeh peithalu kepu kuka ino tsu nani.

EZEKEL 46:10

Akukapuuye timiqono iloghi kelono pa ghi iloghini eno panonguno ipeve kelo pa ghi ipeveni.