IBRIMI 2:5 - BAIBEL (BSI)

⁵ Alhou ye kungumi pelo, nino kugha chekeu yeghiqha, ti ighiniye akeu akithe yeghiqha shou hu ayehkipemi shipeniye qhipuamoe.

Sümi Tiqhelimi Bible

⁵ Alhou ye kungumiqo pelo, ningu no piakeu ghili, ti ighi niye akeu yeghiqha shou ayekipemi shipe niye anike kumoe.

Sumi Naga CL (Re-edited) Bible (BSI)

⁵ Alhou ye kungumi pelo ighini keu yeghiqha, khipa ghili ningu no kügha ani keno, tipau shou yepemi shi penike qhipüa moe.

IBRIMI 2:5 Referans Kwoze

2 Peter 3:13

Ikemu Alhou no piqhivekeu toi ninguye kungugha kithe eno ayeghi kithe khileno amikucho cheni keno tipau kheani.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

IBRIMI 6:5

Alhou tsaye akivi kepi micheluve eno ighiniye akeu yeghi kuka ithiveno

MATTHEW 24:14

Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

IBRIMI 13:14

Kughengu ningu ghenguno ayeghiloye haumokepu phughi kuhae; ninguye ighinikuau phughi phu cheni.