IBRIMI 13:5 - BAIBEL (BSI)

⁵ Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

Sümi Tiqhelimi Bible

⁵ Pisa kimine lono O küxü putosü lo eno nono kiu ani keno tipau lo aghakiqi shilo, kughengu Alhou no ishi pivae, “Ni ye khilemu O qhivemo nani, ni ye khilemu O phevemo nani.”

Sumi Naga CL (Re-edited) Bible (BSI)

⁵ Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

IBRIMI 13:5 Referans Kwoze

ZAKINIU 31:8

AMPEU ampino osaphe nani eno ogholo anani. Paye ophevemo momu oqhivemo nani tighenguno amlo hauve kevilo momu musa kevilo.”

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

ZAKINIU 31:6

Amlo kuloghi shilo eno amlo kumto shilo. Panoqo musa kevilo. Nongu Lhou, AMPEU ampino nongu gholo anani. Paye nongu phevemo momu qhivemo nanike.”

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.

ISAIAH 41:17

‘Kughou iwu timi kumlhomi ngo kuhakemino azu phuwuni keno, tileno ni, AMPEU no panoqo kighini khochiletsu nani; ni, Israil Lhou ye khilemu panoqo qhivemoke.

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

LESHELE 37:25

Niye lhothemi shi xucheno itehiye kitemi shivae, ikemu AMPEU no timi kivimi pheve keu khilemu ithumla aphike, momu panuliqoye achuqupu khuchu cheghikeu ithumla aphie.

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

MATTHEW 6:25

“Highenguno ino nongu vilo pini, xuanike ghenguno kiu chuni shonikela momu aphi-mpi ghenguno kiu pepuni kelapi nongu mlo kutakihi kevilo. Akuxuye achuqupu nguno akhotouke kumokesha? Momu aphi-mpiye aphimini nguno akhotouke kumo kesha?

LESHELE 37:28

Kughengu AMPEU ye achipiu kimiye cheni eno pawu kuchomi pheve chemoe. Pano panoqo pulhapuju susho cheni, ikemu kixikilami laghiye hapheve nani.

MATTHEW 6:34

Tighenguno thoghiu vehu pesu omlo kutakihi pekevilo, kughengu thoghiuno thoghiu tsala ghenguno amlo kutakihi kepu ananike. Atsala atsalalo kutakihi kepu akeuno tipa tsala ghenguno lukumkhake.”

Kolosiami 3:5

Tighenguno nongu lolo ayeghilo minechekeu hu pithivelo, hipaqo toike: kiptimi totimi dolo mithekumo, kuchhube kutsula, ngosukumla, aghichikupo eno alakimine (kughengu alakimineye ajulho mllakeu ghola lakhike).

Luke 3:14

Ghushimi ghi pa vilo iniju, “Tishiaye ninguye kiu shilo pikya?” Pano panongu vilo pi, “Anguka lono khuu pisa mu suxalu kevilo momu akimki lono kutami ngukukeu shikevilo, ojume kiu ithulu cheni keno tipaulo aghakiqi shi alo!”

EZEKEL 33:31

Ikehu iwu timiqoye nono kiu pinikeno ininike kukokiki ighi ani, ikemu panonguye nono panoqo vilo shilo pikeu shichemoe. Panonguno amtsulo likhino otsa kupuke ikemu panoqono aghukha shi xu achephi.

LESHELE 119:36

Akini-akua phunikeu nguno oyezah gholunikeuno ipulou shilupelo.

2 Peter 2:14

Panongu ye kusalhalimi shou likhi jupuku acheni, axine shinishi keulo khilemu aghaqivekeu kuhae. Panonguno tomo chhimokemiqo musuluve cheni. Panongu mloye aghukha shinikeulo qophe puani. Panonguye Alhou no musuinivekeulo ani!

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

Ephesiami 5:5

Mutsuqheyino hi ithilo: shupu salhakemi momu mithekumomi eno alakiminemiye Khristo ngo Alhou kukaqhalo amheghi ithumla nani, kughengu alakimineye alhoayeh julho kumllami ke.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

LESHELE 10:3

Kixikilamino pa mlo lhoksa pesu qheza-laki cheni, ala kiminemino AMPEU ghusho eno AMPEU milive cheni.

IPEKULU 2:21

Ikehu Muse ye tile acheuve nikeu pulove eno Jethro no panga Zipora pelo Muse sasu kulakupu shipenike tsue.

Ephesiami 5:3

Nonguye Alhou wu timiqo shivea kehu, shupu salha, mithekumo jeli momu alakiminepe khilemu nongu shou pipukupe kepu kumoe.

1 Kor. 5:11

Tikumoe, ikemu ino nongu lau yekeuye hike: timi khuuno paye athikuzumi lakhi kepi picheni ikemu kiptitoti dolo mithemokeu shicheni, aghukha shicheni, Alhou nguno ajulho kutau mlla cheni momu kutami thaigha cheni, shomzu cheni, pukaqhi cheni ishi keno nonguye timi tipau sasu kuposhu kevilo. Tikithipu timiye sasu kuchu-kusho ghi kumtsa shikevilo.

Luke 8:14

Asahu gholo khipaqo vesulu keno panonguye chiluvekemiqo, ikemu pano likhi pano puloulo cheche kelauye panonguye kumsukimghe keu, kinikulu ayeghi hipaulo ghakiqipuqono pa qhasuve eno panongu lothi akite shilupemoe.

Mark 7:22

aghichikupo, kusakugha kumla, pishikiqhi, anhekushu, kuthakugha, aqhekuza eno mbomzushikeu.

IPEKULU 20:17

“Noye kutami ki-alu jumine kevilo; momu kutami nipu, paqemi, patsu-aqu, pawu gadaha momu pawu kiu kiu aghi pinamu jumine kevilo.”

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

1 Kor. 6:10

kupkami na, aghukha shichekemi na, shokumzumi na, kutami thaighachekemi na, suxakulumi namu hipaqo shichekemiye lakhimu Alhou yehkipe mheghi ighilumo nani.

Rommi 1:29

Eno panonguye xesuxeni, kusakugha, alakimne eno aghichipokeu jeli no chhitoi ani. Panonguye anhekushu, ghikiqhi, kuqhu kidimokeu, pishikiqhi eno kinhekushuno chhitoi acheni. Panonguye kutami xishi cheni

JOSHUA 7:21

Ningu no khathaluve keqo dolo Babilon lo phi aloke lakhi, tsandiyi kilogram kini eno shunamqo kilogram tuxanguno akimshiu ishi ithuluno tipaqo lunishiveno ikhiluveke. Tipaqo ipusho alou chhuqho puani eno tsandiyino aqhoshi qhopuanie.

BOTHUBO 31:5

Pano pama vilo pi, “Ino nongu papu juke pa gi ilau puzuu toi movae, ikemu ipu Lhou no igholo anie.

ZAKINIU 4:31

Paye kimiyekini Lhou ke. Paye nongu qhivemo nani, nongu kutsalevemo nani eno pa ampino nopuasuqo sasu puloshoqhi shive keu kumsumamo nanike.

SAMUEL ATUGHIU 10:7

Kughouno hipaqo sholu nikeno, Alhou no omijesutsu keu kiqi lono kiu kiumu shilo.

KUKAMI ATUGHIU 6:13

Ino iwu timi Israilmi gholo nono khikhi akumllaki hipau shi anikeno tipau vechewo ngoni eno niye khilemu panongu phevemoe.”

KUKAMI ATUGHIU 8:57

AMPEU Alhou pelo nipu asuqo gholo acheke toi ningu gholo ghi alu pelo; pa pelo khilemu ni pheve momu kumsumave keu shipemonie.

AHOLE 23:4

Kinimi shiniaye okuxu pepuzuveno kulhokugho shimonike alotsulo.

ISAIAH 42:16

‘Ino iwu timi anhethi kighichemiqo sasu panonguno khilemu pulachemo keu laghi lono sawu nani. Ino panoqo wu akuzu pesu akuvu kughulhove tsuni eno panoqo zulo kolokoshi keu yeghi pesu kulaqave tsuni. Ino hipaqo vehu shini cheni, eno niye tipaqo shini putsake.

MATTHEW 6:19

“Ayeghi hipaulo apila ngo ayisano tsapuhavetsu eno kupkamino hepho-piniyi ilo pukapewuve keu-alo nongu likhi nongu sala akini pekutsu kevilo.

2 Kor. 4:9

ningu shikighimeqhike ikemu Alhou ye ningu phevemoe; eno ningu hekuluqhike ikemu pithivemoe.

BOTHUBO 30:31

Laban no ishi iniju, “Niye kiu otsulo pikya?” Jakob no khochile pi, “Tsala nono ighenguno hi shitsuniepi aye noye kiumu itsuniepi kevilo. Ino itaghi otsu-aqu lojitsu eno khetsunike.