IBRIMI 11:23 - BAIBEL (BSI)

²³ Akupulu lono Muse ye pa punu kelo papu azano aqhi kuthu kutolo pa pekusu. Anuye jukivipushi panonguno ithuluke ghenguno panonguno panonguye akukauno ahza tsukeu hebideve nikeu msamoe.

Sümi Tiqhelimi Bible

²³ Moses pù-aza ye aküpülü vechewo pa punúve kethiu aqhi küthü kutó pa peküsü ke, kughengu pa pù-aza ye pa ye inapügha ngá kumo kepi ithive ke, eno pama ye akükau zakütsü msàmo ke.

Sumi Naga CL (Re-edited) Bible (BSI)

²³ Aküpülü lono Moses ye, pa punu kelo pa puaza no aqhi küthü kutolo pa peküsü, eno anu no jukivi kehu panongu ye akükau za hebideni keu msave moe.

IBRIMI 11:23 Referans Kwoze

IPEKULU 1:22

Ashekhashi akukauno pawu timiqo kumtsu lau ahza hipau tsuke: “Ibrimi anga kiptimi anileshi punukeu kumtsu ikhipesu Nayil ghokilo vesuvelo, ikemu anga totimiqo pelo xulupelo.”

IPEKULU 1:16

Akukauno pi, “Kughou nonguno Ibrimi totimi sasu kupunu nikeno anga kiptimi shiaghi aye heqhivelo ikemu anga totimi shiaghi aye puxuve tsulo.”

IBRIMI 13:6

Ikehu ninguno amlo kumtoshi pilu nani, “Ampeu ye ikukuphu-u, q 1 Niye msavemo nani; Timino ilau kiu shiluni kya?”

MATTHEW 10:28

Angulho pithive tsumla kepushi aye tathono, aphimpi pithivetsukulumiye msa kevilo; ikemu Alhou no aphimpi eno angulho kinikujo Alhomi yizu lono pithive tsulu nanike pa msalo.

Apostolmi 7:20

Tishiake holono Muse punu. Paye anga jukivi kutsasa. Aqhi kuthu kuto pa puazano aki lono pa tucho mujo puthu.

ISAIAH 41:14

AMPEU no pi, “Musakevilo, kitila eno miqemileyi keu, Jakob, Israil timiqo; ino okuphu nanike. Ni, Israil Lhou akimtheu, ino oxalu chenike.

LESHELE 118:6

AMPEU ye igholo ani niye musamoke; khuno ilau kiu shikulupu kya?

DANIEL 6:10

Kughono Danel no ayezah pephevapi chilu keno paye akilo wove. Aki bokutha kunguulo alashe lakhi Jerusalem kudau she puache, tipaulo azuuno kiutoi shichekeno titoi qhoqhunhepe atsalalo ghuthu kuthu alashe khaqhiveno Alhou vilo inikhu ache.

ISAIAH 51:12

AMPEU no pi, ‘Oshikumto chekeu huye nike. Nonguye kushiye thivenikuau timi musa cheni kya? paye atsuni nguno akushuu xuchemo ke.

ISAIAH 51:7

‘Nongu achipiuye kiu keno ithi akeqo, itsa inilo, ikukutsu nongu mlolo ithamono achepe kemiqo! Kughou timino nongu junuqhi eno thaighani keno musa kevilo;

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

LESHELE 56:4

Ino Alhou pukhube eno niye musa ichimoe. Pano kiu piqhikeno tipau ghenguno ino pa sheqhe. Timi lhoxuye ishou kiu shikulupu kya?