IBRIMI 10:5 - BAIBEL (BSI)

⁵ Tishike ghenguno, Khristo no ayeghiqhalo iloghi nichekelo pano Alhou vilo ishipi: “Noye lhoxu heqhipe aghashikeu eno mllakeulo aghaqi chemoe, Ikemu ighenguno nono aphimpi lakhi kutope qhitsuke.

Sümi Tiqhelimi Bible

⁵ Tighenguno kughou Khristo no ayeghi lo ighi keno pa no ishi pi: “No ye aghakishi eno akümlagho lunishi chemoe, ikemu nono aphimpi lakhi I ghenguno kutò pe qhitsü ke;

Sumi Naga CL (Re-edited) Bible (BSI)

⁵ Tishi kehu Khristo no ayeghi lo ighi kelo pa no pi, “No ye aghakishi eno akümllagho laju chemoe, ikemu Nono I sala aphimpi lakhi kutope qhitsüe;

IBRIMI 10:5 Referans Kwoze

ISAIAH 1:11

Pano piani, “Nonguno aghashipe hijejehi imlla achekeu niye lunishi ani kughashi kumsu cheni kesha? Nongu lhoxu heqhino akuchopu pesu pitikeu kumlla shikeu eno lhoxu kivi tha pesu pitikeu kumllagho lukumkhashi kughokumovae. Niye amshitsu ji bheri ji eno anetsu ji ingaghaivae.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

IBRIMI 1:6

Ikemu kughou Alhou no pa Nu anoghiu ayeghiqhalo puwuniye akeno, pano highi ishi pipuani, “Alhou wu kungumi kumtsuno pa mllalo.”

IBRIMI 10:7

Tileno ino ishipi, ‘O Alhou, Ayezah likukuzukakulo ighenguno kiu yehpe puani keno titoi opulou shinike, ni hi anie.’ ”

IBRIMI 2:14

Ike pano timi tipaqo pesu atianuli ipi chekemiqo huye ashi-aji puani, Jisu ampino panoqo kimihi shive eno timi phi-ashi kusaje puke, tishianguno pa kithi vechewo akithi kuka akeu tughami puhavetsuniye shike,

IBRIMI 10:10

Pano Alhou pulou shike eno pano ghuthu khavino pulhapuju ghenguno pa phimpi pesu mllavekeuno axine launo ningu shikimthe pesu pa huthupe nikeu shitsue.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,

2 John 1:7

Ayeghiqha kumtsulo pishikiqhimi kutomo ipeghivae, timi tipaqono Jisu Khristo ye timi shiajih pepuno ighikepi ikhiluchemoe; titoikemiye pishikiqhimi eno Khristo Kimthiu ke.

IBRIMI 8:3

Achinetomi lakhi khino akumllagho ngo lhoxu heqhi pesu Alhou mlla penike susupe puani; tighenguno nichinetou ghi kiwala pesu mlla masakepu shiani.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

JEREMIYA 6:20

Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

MATTHEW 11:3

ishi inijuwupe, “Milakhi ighiniepi chekeuhu no keo, ikeo ninguye kutamiu laju alopi kya?”

JEREMIYA 31:22

Nonguye ado khitohi pulumlano avehu kunacho akemi shinani kya? Ino kiukela akithe pakutakeu lakhi lhophetsu ani, totimi lakhino kiptimi susholukeu toike.”

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

Luke 7:19

Ampeu iniju penike pama puwu, “Ti ighiniepi chekeuhu, no kema? Ikeo ninguye kutami khe aghini kya?”

ISAIAH 40:16

Libanon ghasulo lhoxu akeqo kumtsu niLhou lau agha shini keu luzulake, eno tile asubo akeqoye ami kuyi qunike mikheloke.

IBRIMI 5:7

Jisu no ayeghilo xuachekelo aghugha kuloghi eno anhezu piji puzu pa kighini pesu akithi lono pa xakulupu shiakeu, Alhou vilo inikhu cheke eno pano Alhou sukumsa akeu ghenguno pa kighini ikhilutsue.

IBRIMI 10:8

Pano atughushi ishipi, “Noye lhoxu heqhipe aghashikeu eno ikhiphepe mllakeu ngo lhoxu kuchopu piti pesu omllakeu eno axine ghenguno ikhiphepe omllakeulo aghakiqi shichemo momu alovive chemoe.” Aghashi keu jeli hipaqo kumtsu Ayezah kiqi lono shipe puanike.