IBRIMI 10:4 - BAIBEL (BSI)

⁴ Kughengu amshitsu jih ngo ane jihye khilemu axine ikhisuwuve tsumlae.

Sümi Tiqhelimi Bible

⁴ Amishitsü eno anetsüqo jì no axinéqo ikhipe wuve tsüní keu ye shikümlapu ke.

Sumi Naga CL (Re-edited) Bible (BSI)

⁴ Kughengu amshitsü ji ngo ane ji ye khilemu axine ikhive tsümlae.

IBRIMI 10:4 Referans Kwoze

IBRIMI 10:11

Judami achinemino tsalakipetsu puthughono pa kumlapu shi acheni eno lhoxu heqhipe mllakeu hipaphi likhi pesu anguno anguno mlla acheni, ikemu tipaqoye khilemu axineqo ikhisuwuve tsumlae.

1 John 3:5

Nonguno ithianike Khristo no ipeghikeuye axine ikhisuwuve niyeke, eno pa lolo axine kiumu kuha.

Rommi 11:27

Kughou ino panoqo xine ikhipeve tsuni keno, hipauno panoqo sasu iwu puloshoqhi shi nani.”

IBRIMI 10:8

Pano atughushi ishipi, “Noye lhoxu heqhipe aghashikeu eno ikhiphepe mllakeu ngo lhoxu kuchopu piti pesu omllakeu eno axine ghenguno ikhiphepe omllakeulo aghakiqi shichemo momu alovive chemoe.” Aghashi keu jeli hipaqo kumtsu Ayezah kiqi lono shipe puanike.

IBRIMI 9:9

Hiye itodolo ghuloki michike. Hipaqo kiqiye akumllagho ngo lhoxu heqhi pesu Alhou mllakeqoye mlla akemi mlo shikimtheve tsumlae.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

Mark 12:33

Ikehu timino amlo kuchopu, pa kumto kumtsu eno akukumsu kumtsu pesu Alhou qhuivu; eno alikhi ampi toi akitomi qhuivu masae. Ayezah hikuma pelukeuno lhoxu suwo akuchopuno piti puzu Alhou lau mlla eno lhoxu heqhi pesu Alhou mlla ishikeu nguno akiviue.”

HOSIYA 6:6

Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

LESHELE 51:16

Noye aghakishi lunishi chemo kethono niye tipau pe omllani cheke. Noye lhoxu piti pesu omllakeulo aloqilu chemoe.

HOSIYA 14:2

AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

JEREMIYA 6:20

Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

ISAIAH 66:3

“Timino panono pulokeu shicheni. Panoqo ghenguye amshitsu pesu heqhipe mlla na timi lhoxu heqhipe mlla namu kiumu kututakeu kuhae, panonguye bheriti heqhipe mlla na atsu kuo suchhevetsu namu kiumu kutuqu keu kuhae, panonguno tuxatini pesu agho mlla na awoji pesu mlla namu kutuqukeu kuhae, panonguno tsungquikeu ta pitipe mlla na asu atu julho vilo inikhu namu kiumu kutuqukeu kuhae. Panonguye niqhunilai keu ghola lono mllakeulo amlo tsucheni.

IBRIMI 10:1

Judami yezah ye mutsuqheyi no thime kuchou akeqo sasu aphiphi kumoe. Hiye thime kivi ighiniye kuto akeu julhoke. Ampe atsutsu ishwokibe aphiphishi lhoxu heqhipe mllache keuye Alhou lau kupunu ighikemiqo pesu khilemu viwotolu keu shipemlae.