IBRIMI 1:8 - BAIBEL (BSI)

⁸ Tishiepimu, Anu ghenguye Alhou no ishi pike: “O Alhou, okuka-lakhuye alhokupuju ghenguno ache nani! Nono amikucho pesu okukaqhalo ayehpeke.

Sümi Tiqhelimi Bible

⁸ Ikemu Anu vehu lo pa no hitoi pi, “O Alhou, ow aküka lakhü ye alhokupuju eno alhokupuju ghenguno ache nani; amikucho yiküsü no O kükaphu yiküsü shi nani,

Sumi Naga CL (Re-edited) Bible (BSI)

⁸ Ikemu Anu ghengu ye Pa no ishi pi, “O Alhou, O kükalakhü ye pülhapuju eno alholo ke, O mikucho küsü huno O kükaqha yepeu ke.

IBRIMI 1:8 Referans Kwoze

John 10:30

Ni eno Apuh ye lakhie.”

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

LESHELE 145:13

Oyehkipeye lhokta kutoloke, eno noye alhokupujulo akukauke. AMPEU ye pano piqhikeu papelue. pano shikeu thwokhalo akivike.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

1 Kor. 15:25

Kughengu Alhou no aghumi kumtsu leluveno pa pukhu qholo qhitsumoke kutolo Khristo no ayehpe masae.

John 20:28

Thoma no pa vilo pi, “IMpeu eno iLhou!”

HOSIYA 1:7

Ikemu Juda lo akemiqo lau ino kikimiye tsu nani. Ni, AMPEU panoqo Lhou no panoqo xalu nani ikemu niye aghukishi momu azutakihi momu asuzu eno apiji momu khurshi eno khurshi shou ikukemi pesu tipau shini chemoe.”

SAMUEL AKINIU 23:3

Israil Lhou no pivae; Israilmi sukushouno ivilo pi: “Akukau achipishi ayeh pechekeu, Alhou sumsa ghi pa zulo ayehpe chekeu,

LESHELE 99:4

Akughushu kukau, khuuno achipi keno nono tipau kimiyeke; nono Israil lo achipiu xakutha qhi tsuke; nono amikucho eno aghibiu sughike.

ZAKINIU 2:37

Ikemu ninguye Amunmi lughi kupunu wumoe momu Jabok ghoki muku kutolo wumoe momu naghutoqhalo wumoe AMPEU nilhou no nivilo wukevilo pi ahza tsukeuloye wumoke.”

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

John 10:33

Judamino pa khochileghi pi, “Akumla kivi ghenguno ninguye atu pesu oveniepi anike kumoe, ikemu nono Alhou thaigha kehue! Noye timi keghi olikhi opesu Alhou kepi ani.”

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

JEREMIYA 38:15

Ino ishi khochile, “Ino ovilo kuchou piaye nono ipithive nanike eno ino akukumsu pesu otsuaye noye khilemu amlo tsuqhiyi ikhilumo nanike.”

ISAIAH 45:25

Ni, AMPEU no Jakob laghami kumtsu xaphelu nani, eno panonguno sheqhekeu itsu nani.”

LESHELE 72:7

Pa kuxu thaqhulo amikuchono thuwulu pelo, eno aqhino akuvu ake kutolo alokughuno no chhi apelo.

ZAKINIU 7:14

Nongu lau kumzapu kumghatsu keu qhemi ayeghiqhalo timi khuno laumu tsumo nanike. Nongu gholo milakhimu anuha shimo momu notsu-aqu lakhimu iqomo nani.

2 Peter 1:11

Hitoi shikeu lono nongu pelo niMpeu eno ni Xakuluu Jisu Khristo wu alhokupuju yehkipelo ilokulupu kuka kumtsu pesu nongu tsu nanike.

Luke 1:75

Nipelo musa ichimono pa qepe nike,