HOSIYA 4:9 - BAIBEL (BSI)

⁹ Timiqono aghime sholukeu qhemi nongu ghi aghime sholu nani! Ino nongu ghimeqhi nani, eno nonguno alhoksa shikeu lochilepe nani.

Sumi Naga CL (Re-edited) Bible (BSI)

⁹ Ikehu timi ghi achineu ghi atho; panow hekibide ghenguno I no panongu ghime nani eno pano kümla ghenguno I no panongu tsüchile nani.

HOSIYA 4:9 Referans Kwoze

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

ISAIAH 24:2

Achinemiqo, aquaxemi ngo ampemi, akuqhumi ngo jechekemi, punakemi ngo nalukemi, kinimi ngo kumlhomi kumtsuno shipeniye kuto puakeu aphiphishi sasu kushoni cheni.

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

HOSIYA 9:9

Panonguye kutho kuzushi kusakugha shiukhavae, tiye panonguno Gibea lo shicheke toike. Alhou no panoqo xine kumsupuluveno tipau ghenguno panoqo ghimeqhi nani.

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 1:4

Tileno AMPEU no Hosiya vilo pi, “Pa je Jezrel kutsulo, kughengu ado kushuwa womono ino Israil kukau ghimeqhini cheni, tiye pa puasu Jehu no Jezrel lo aji pelepua keu ghenguno ke.

ISAIAH 3:10

Amikuchomiye alokivishi nani eno panoqo ghenguye akivipu shilu nani. Panonguno kiu mlaqhilu keno tipau pepimhe alu nani.

AHOLE 5:22

Kixikilami xineye alichhe lakhi toike. Pa likhi pa xine khame lono meluve cheni.

AHOLE 12:14

Osaxuye nono kiu pini eno shini keno tipau shou bepe ani; kiu akuzupu keno noye tipau iyighilu nani.

HOSIYA 7:2

Niye alhoksa hipaqo kumtsu kumsuchilelu nanike pi panonguye kumsumlae; ikemu axineno panongu suhope akeu niye tipaqo ithumlavemoe.”

HOSIYA 9:15

AMPEU no pi, “Panoqono alhoksa kumla shikeu kumtsu Gilgal lono huthuke. Tileno niye panoqo jumithi thuveke. Panonguno alhoksa shike ghenguno ino iyeghi lono panoqo hapheve nani. Niye hinguno alauye panoqo kimiyemo nani. Panongu sakiphemi kumtsuno imjochileke.

HOSIYA 10:10

Ino hi axine shiakeu timiqo leni cheni eno panoqo ghimeqhini cheni. Ashiayeh kutamino kuqhano panoqo shou ighi nani eno panoqo xine kumzapuke ghenguno aghime sholupe nani.”

HOSIYA 12:2

AMPEU ye Juda lo akemiqo shou ngukukepu lakhi sughi kepu shiani; paye Israil lo akemino kishi mla itha cheni keno tipau ghenguno aghime tsuni cheni. Panoqono kiu mlapuani keno tipau ghenguno pano panoqo lochile nani.

AHOLE 11:31

Akivi shichekemiye ayeghi hipau lono asaxu ithulu cheni ikemu kixikilami ngo axinemiye aghime sholuni putsae.

EZEKEL 44:10

AMPEU no ivilo pi, “Niye Levi laghami khunoqono Israilmi kutamiqo gholo supuzu iqhiveno asu-atu julho mllauve keno tipaqo ghimeqhini cheni.

EZEKEL 44:12

Ikemu panonguno Israilmi ghenguno asu-atu julho mllakeu peithatsuke ghenguno eno tishikeu lono timiqo axinelo musu sawu kehu ni, Akughushu MPEU no tsaquino tushoqhi anike panonguye ghimeqhi masani cheni.

HOSIYA 12:3

Panoqo puasu Jakob no aza polo pamu Esao sasu kumtsa aphilonomu pamu sasu kusuxake. Kughou Jakob no kichimi shive keno paye Alhou sasu kumjoke,