DANIEL 9:9 - BAIBEL (BSI)

⁹ Nino oghobide amu noye kimiye kiniu kehu nikipimi qhive tsuke.

Sumi Naga CL (Re-edited) Bible (BSI)

⁹ Kikimiye eno akipimi qhikütsü ye Ampeu ni Lhouw ke, kughengu ningu no Pa hebideve

DANIEL 9:9 Referans Kwoze

DANIEL 9:7

No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

DANIEL 9:5

“Nino axine shivae, nino alhoksa mlacheni, nino pimiche, nono nivilo kiu shile pi ahza tsu keno nino milive eno nono kiu achipi keno nipiye keu lono nino pove.

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

LESHELE 130:7

Israil, AMPEU pukhulo kughengu pa kikimiye ye iqemoke, eno Paye alhokuthu panoqo xalutsu nishi ani.

JEREMIYA 14:7

Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

LESHELE 130:4

Ikemu nono ni kipimi qhivetsu, ikehu ninguye ojupe akumzaqhiyi puthugho anike.

LESHELE 62:12

iqemokeu kikimiye huye olau achenike, O AMPEU, Kughengu pututano mlavekeu kiqi lono nono asaxu tsuchile cheni.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

ISAIAH 63:7

AMPEU wu iqemokeu kikimiye ino pia nani; pano mlatsukeu kumtsu ghenguno ino pa sheqheni. Pano kinikulushi Israil lo timiqo kumghatsuke, pawu kupuqhiyikeu eno iqemokeu kikimiye ghengu noke.

ISAIAH 55:7

Kixikilamino panonguno xuche keu kuxu qhivelo eno panongu no kumsuchekeu kilivelo. Panonguno niLhou AMPEU lau ideghilulo; paye kupuqhiyi cheni eno paye axine qhive tsu nanike.

EZEKEL 20:13

Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

NEHEMIA 9:31

Tishimu okikimiye ye kije kehu noye panoqo qhivemoe momu panoqo pughave moe. Noye kupukini eno kimiyekini Lhou ke!”

KUKAMI ATUGHIU 8:30

Ikighiniqo eno owu timiqo kighini kughouno panonguno akumllaki kudau juno inikhuni keno kungugha ki lono inijutsuno ni kipimi qhitsulo.

DANIEL 9:6

Nino oqemi tungkupmino pikeu inimoe, khunoqono oje kughape nipu nisuqo nikukauqo eno nishiayeh kumtsu vilo pikeno.

DANIEL 9:8

Niwu kukamiqo, ayehkipemi nipu nisuqono akukujopushi ozulo axine shiveke, AMPEU.

SAMUEL AKINIU 24:14

David no khochile pi, “Niye ighono aveksa dolo ngovae! Ikemu niye timi pelono aghime itsu penishi amoe. Tighenguno AMPEU pelouno ningu ghimekeu shipelo, kughengu paye kupukiniuke.”