DANIEL 9:7 - BAIBEL (BSI)

⁷ No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

Sumi Naga CL (Re-edited) Bible (BSI)

⁷ O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

DANIEL 9:7 Referans Kwoze

DANIEL 9:14

O AMPEU niLhou nono kishi nighime nani piakeno ni ghimeveke, kughengu noye alhokuthu kiu achipi keno tipau shicheni, ikemu nino otsa inichemo.

DANIEL 9:8

Niwu kukamiqo, ayehkipemi nipu nisuqono akukujopushi ozulo axine shiveke, AMPEU.

JEREMIYA 3:25

Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

LESHELE 44:15

Atsala kupujulo kujomzakepuno izulo anie, eno ighumi ngo imithi chekemiqono ijunishimo keu eno iphimokeu chilu kehu akuku jono igi nhaluvae.

ZAKINIU 4:27

“AMPEU no ashiayeh kutami gholo nongu halepuwuve nani tilau nonguye aghuloshi likhi puxulu nanike.

Rommi 6:21

Momu thime khipaqo ghenguno itehiye nonguye kujo ani keno tipaqo launo kiu kivipu sughitsu kya? Thime tipaqoye ashekhalo akithike.

AMUS 9:9

“Ino ahza tsupuzu akhoje lono athi ijokeshi Israil lo akemiqo ijo nani. Ino ashiayeh kutami gholo panoqo ijosu nani tiye amekuhakemi kumtsu ikhipeve niyeke.

EZEKEL 36:31

Nonguno nokumla lhoksa ngo achipikumo mlapuakeu kumsu chilelu nani eno noxineqo eno kuchhube kumla shipuakeulo nolikhi nojupe aphimuqhuve nani.

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

JEREMIYA 12:1

AMPEU, ino osasu itsa kugha- kepu pesu kutsala aye, Noye achipiu shiaghive nani putsake. Ikeghi niye osasu kuchou xakutha vehu kigheve masavae. Kushiye kusakughamiye shishe kinikulu shipe kya? Kushiye amikucho kumomino ikukithelupe kya?

ISAIAH 45:16

Khunoqono ajulho shisu cheni keno tipaqo kumtsu kujove nani; panoqo kumtsu kujo mzavepe nani.

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

LESHELE 119:137

Noye achipiuke, O AMPEU eno oyezahye achipike.

LESHELE 51:14

Timi pithivekeu kipimi launo ixaphelulo, O Alhou nono ixakulupu Lhou, nono ixaphelukeu ino vekipighi asheshutsu nani.

LESHELE 51:4

Kutami kumono oshou likhi ino axine shivae eno ozulo alhoksa ipichekeu ino shivae. ike noye ishou kughatha nikeulo achipi shianike; ikughape akumou kepi pinikeu noye achipike.

NEHEMIA 9:33

Noye nighimeqhi keu achipike, ninguno axine shivekemu noye pukhukulushike.

EZRA 9:13

Ningu kipimi ghenguno aghime ithuluno haphevepe namu ni ghime kuzupu nguno akimkheu nighime tsuke eno tishimu ningu khami ghupuaghi tsuke.

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

EZRA 9:15

O AMPEU Israil Lhou: Nono kuchou Lhou ke, ninguye ishi tsala hipaulo achili shi pojo ighi kulumiqoke. Nino nixine pesu ozulo puthugho anie. Ninguye ozulo ighi kuzu kumoe.”

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

EZEKEL 6:12

Khunoqo putou ani keno kusukini shiuveno thive nani; akupunulo akeqono aghushi lono pithive nani; khunoqo puxupe aghini keno akhuava shi thi nani. Panonguye iloghu kighide kumugho pukepu shi nani.

DANIEL 9:18

Nitsa iniju tsulo, O Alhou, nilau jupuwo tsulo nino ime akeu eno ojelono achekeu phughi ghimeqo jutsulo. Nino achipilo shilukeu ghenguno kumoe, ikemu nono kimiye kiniuke ghengu ovilo inikhu ani.

JEREMIYA 4:17

eno timino alulo aghukhe shi akeshi Jerusalem suho luve nani, kughengu tile akemiqono AMPEU hebideke. AMPEU no pivae.

JEREMIYA 7:19

Ikemu kuchouno panonguye ighuza ani kesha? Moe, panonguye pano likhi panoqo ghuza ani eno panoqo shou akukujopu sughi anike.

JEREMIYA 32:32

Kughengu Juda ngo Jerusalem lo akemi ngo panoqo shou kukami eno sakiphemi, achinemi, tungkupmino alhoksa jeli kumtsu shichenike ghengunoke.

EZEKEL 5:10

Tishikeulo, Jerusalem lo apuazaqono atianuli chu nani eno atianulino pano puazaqo chu nani. Ino oshikighime nani eno khuu puxupe puaghini keno tipaqo aqha kumtsulo hakughutsuve nani.