DANIEL 9:5 - BAIBEL (BSI)

⁵ “Nino axine shivae, nino alhoksa mlacheni, nino pimiche, nono nivilo kiu shile pi ahza tsu keno nino milive eno nono kiu achipi keno nipiye keu lono nino pove.

Sumi Naga CL (Re-edited) Bible (BSI)

⁵ ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

DANIEL 9:5 Referans Kwoze

MALAKI 3:7

Nongu ghi, nozuu apu asuqo toi iyezah launo tsughusu wuve eno tipaqo pelu chemoke. Ilau xaideghilo eno niye nongu lau tsughu ighini. Ikemu nonguno ishi inijuke, ‘Ninguye olau ideighi nike ghenguno kiu shimasa kya?’

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

DANIEL 9:15

“O AMPEU niLhou nono Ijip lono owu timiqo sasu ipeghi kelono okuka pephe piyeke, eno okukaye itehi kutolo kumsulu aphi. Nino axine shive, nino pimive.

LESHELE 106:6

Ni puasuqo toi ningu ghi axine shiveake; ninguye kixikila eno alhoksake.

IBRIMI 3:12

Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.

HOSIYA 1:2

Atughushi AMPEU no Hosiya vechewo Israilmi vilo ishi pike, “Wuno anipu lakhi lulo; onipuye amikucho kumomi lakhi shi nani eno otianuli ghi li paphi shi nanike. Tipa tho lono iwu timiqoye iqhiveake eno amikucho kumomi shiwuveake.”

EZEKEL 6:9

tilau panonguye hapupove kemiqo shi xuche nani. Tilauno panonguno ikumsu chilelu nani eno ino panoqo ghimeqhi eno shikukujoqhi kepi ithi nani, tiye kutau kumono panonguno akupulu kuhakeu mlo xapusu iqhiveke eno inguno asu-atu julho paviuve kehue. Panonguye pano shou angaghaive nani kughengu panonguno alhoksa ngo niqhunilai keu jeli shiveke.

AKUMLO 1:20

“O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

JEREMIYA 14:7

Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

LESHELE 18:21

Kughengu AMPEU yezah ino pelu cheni, eno iLhou gholumono wuve chemoe.

JEREMIYA 3:25

Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

ISAIAH 59:13

Ninguno oshou hebide, omilive eno opapemo kepi hebideve. Ninguno kutami qodaqhi eno olauno tsughuchile wuve. Nikukumsuye kichileu eno nitsaye akimki ke.

ISAIAH 53:6

Ningu kumtsu bheri puhavekeqo toikhave, ningu milakhi khino pututa lalo wukhave. Ikemu AMPEU no pa shou ghichhe ghime betsu, nino ithukulupu shiakeu ghichhe ghimeke.”

LESHELE 119:102

Niye nono kutsukeu kughuchove moe, kughengu no ampino ikukutsuuke.

EZRA 9:6

“O iLhou, ino olau igi peqhe pe juni keghi akukujono igi chijiphe nike shivae, kughengu ningu xineno ningu vesuvae eno ni kipimino atsutsu tohi ashekha kuhavae.

LESHELE 119:176

Niye puhavekeu bheri toi itsu cheni, iphu ighilo, ni oqeu, kughengu niye oyezahqo kughuchovemoke.

JEREMIYA 44:3

Kughengu tipaqolo achekemino alhoksa shiveke eno ipelo amlo idevepeke. Panonguno kutau lhouqo lau lhoxu heqhipe mllake eno panongu ghi nongu ghi momu nongu puasuqono khilemu mllachemo keu lhouqo qeu khaveke.

AKUMLO 1:18

“Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

AKUMLO 3:42

“Ninguno axine shive eno hebideve kehu noye nikipimi pevetsumphie.

DANIEL 9:9

Nino oghobide amu noye kimiye kiniu kehu nikipimi qhive tsuke.

KUKAMI AKINIU 18:12

Samaria ikiqivekeuye Israilmino AMPEU panongu Lhou gholumoke ghenguno eno pano panongu sasu puloshoqhi shikeu kubove eno AMPEU qeu Muse no tsukeu yehzaqo hebideveke. Panonguno initsumoe eno panonguno aghokulu shimoe.

KUKAMI AKINIU 21:15

Ino hitoi shi iwu timiqo lau mla nani kughengu panonguno ilauno putosuveno axine shive panongu puasuqono Ijip lono ipeghike lono wo ishikutolo imlo kighidepu likhi shitsue.”

ISAIAH 64:4

Timi khunomu otoikeu lhou ithulu momu chimla aphike, opulube chekemi ghenguno nono mlatsukeu toike kutami kuhae.

JEREMIYA 14:20

AMPEU, ninguno oshou axine shiveke; nino ni xine ngo nipuasu xine piphe ani.

JEREMIYA 30:14

Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

EZEKEL 5:6

Ikemu Jerusalem no ino azah tsukeu hebideke eno liye ashiayeh kutami kumtsu nguno alau lhoksakugha shi pephe piyeke eno li suhupe akeu yeghiqha kutau nguno alau aghekulu kumo shike. Jerusalem ye ino ahza tsukeu pevetsu eno iyezah penikeu milivetsuke.