DANIEL 7:9 - BAIBEL (BSI)

⁹ Ino ju akelono, akuka lakhuqo kutope qhiwo. Alholo acheghi keu lakhi huno akuka lakhuqo dolo lakhilo iqave. Pa phimini murasu toi metsughoi, pa sano amhiyeho akiviu toi, pa kuka lakhuye ami toi keu yeghikilu pukhuno mutu qhepe vuqai iqua.

Sumi Naga CL (Re-edited) Bible (BSI)

⁹ “I no ju akeloye, kükalakhüqo kutope qhi, eno alholo lo achekeu no Pa lakhü ikhiluve; Pa phimini ye mürasü toi metsüghoi, eno Pa kütsü lo asa ye amhiyeho akiviu toi; Pa kükalakhü ye ami mili iqü aketoi; tipau kuluho no amiküqü ke.

DANIEL 7:9 Referans Kwoze

Piyeküsü 1:14

Pa kutsusaye asupha kimiye toi eno murasu kimiye toike; eno pa nhethiye ami kuyiqu toike.

Mark 9:3

pano uakeu phiye ayeghilo timi khunomu titoi ishipe metsughoyi shi mlae.

MATTHEW 17:2

Panoqo gizu lono Jisu ye ajuhi kilive, eno pa gino tsukinhe toi vuqayive eno paphiminiye akuvu hutoi miyetsughoyive.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

DANIEL 7:22

Tileno alholono acheghi keu lakhi huno ipeghino Akughushu Lhou wu timi saphu ghi atsa kugha xatha vetsu. Alhou wu timiqono ayehpe kuka ithulu nikeu do tove.

DANIEL 7:13

Kijiliu ino kungunhetsu shi ake ghulokilo, timi ju kimihi lakhi ithulu, khungkusuno kuzuphope puzu ikudau ighi, paye alholo acheghi keu kudau wuno pa zulo ngove.

Piyeküsü 19:18

Ighilo eno kukami shi, Generalmi shi eno ghushimiqo shi chulo; khurshi ngo tipa shou ikuchekeqo shi timi kumtsu shi, aquaxemi timi qechemokemi shi eno kijemi kitilami shi chulo!”

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Apostolmi 2:30

Paye tungkupumi lakhi eno Alhou no pa lau tushoqhipe puakeu ithi ake: Alhou no ashoqhi shipuakeuno pano David polo kughuko pelo akukau shipenikeu shike.

HABAKUK 1:12

O AMPEU, noye abothu lono Alhou ke. Noye iLhou, akimthe eno lhoktake. AMPEU, iLhou eno sushokuluu, nono Babilonmi kishelu eno panoqo mutotoi shitsu, tishi anguno panoqo pelo nighimeqhi peniyeke.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

LESHELE 90:2

Nono naghuto lhomphi lono momu ayeghi hipau kughupe qhimphi lono lhokta lono khokta kutolo noye Alhou ke.

1 Tim. 6:16

Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

LESHELE 45:8

Ophimini kumtsu mur-xo ngo aloi xono tsungqui anike. Akuhahu pesu ananu shikeu akighikilo alejomino olopivitsuke.

1 John 1:5

Ninguno Anu launo atsape hipau chilu keu nongu lau pikulha ani, ike Alhou ye akuvuke eno pa gholoye khilemu akuzu kuhae.

MATTHEW 28:3

Pa jukogheye tsutsukulomusu toi eno pa phiminiye murasu toi metsughoyike.

Piyeküsü 4:2

Paikhavino Aghungu no ipeithaluve eno julo kungughalo akuka lakhu lakhi ae eno milakhino tilehi iqa ae.

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

KUKAMI ATUGHIU 22:19

Mikaiya no pikibe pithu: “AMPEU no kiu pi anikeno inijulo! Niye AMPEU no pawu kungumi kumtsu sasu kungughalo akuka lakhulo pa suhomxa pesu puthugho akeu ithulu ani.

YEKIKITHI AKINIU 18:18

Mikaya no ishi pikibe: “Itehiye AMPEU no kiu pi ani keno inilo! AMPEU ye kungugha lo pa kuka lakhulo iqa akeu ino ithulu ke eno pawu kungumi kumtsu pa phivilo puthughoe.

EZEKEL 1:26

Aliholi toikeu shou kiukela safir tuno shikeu lakhu lakhi toi ithulu ake eno alakhu shou iqa akeu kogheye timi lakhi toi ithulu ake.

LESHELE 93:2

O AMPEU, okuka lakhuye abothu lono mutotoi anike, eno noye ado ghuloki huthu mphi lono acheghiveake.

ISAIAH 6:1

Akukau Uziya kithi mipelo ino AMPEU ithulu. Paye pa kuka lakhulo iqa ake, chuqumghai eno xaqhepukupe ake eno pawu hekuuphino Achineki kuchopu chhitoive.

JEREMIYA 49:38

Ino panoqo shou kukami ngo sakiphemi kutsaleve nani eno tilehi ikuka lakhu qhi nani.