DANIEL 6:7 - BAIBEL (BSI)

⁷ Ningu kumtsu okukaqholo Jukutsu chekemi, ahngqo ahng kukuphuu eno tinguno alau kijemiqo pulokuqhaveno opelo ahza lakhi mukamghai bethatsu penishi ani. Ahza tsulo, timi kumtsu atsala shighi dolo no Akukau vilo kumo aye kutami lhou vilo mu timi vilomu inikhu pekevilo. Ahza hipau timi khuuno hexaveni keno pa kughape abongushuu khakuthabolo ikhisuve nikeu shilo.

Sumi Naga CL (Re-edited) Bible (BSI)

⁷ Kükaqha lo hiyampemi, yepemi, mijekütsümi eno angh kümtsü puloküqha anike akükau pelo ayezah lakhi mlave no tsatsai pape masa keu shipeni shi ani, ti ye, O akükau, khukhumu atsala shighi dolo, o lau likhi kumo aye, alhou momu timi vilo inikhu keu ye abongshuu kilo vesüveni.

DANIEL 6:7 Referans Kwoze

LESHELE 59:3

Julo! Panonguye ikuxu luvetsuniye imiqe ani; ayikusamino kumqo pesu ishou ighi ani. Hiye ino kiuala axine momu akipimi shiveke ghenguno kumoe, O AMPEU;

DANIEL 3:27

Panonguno mtazu ipeghive. Kukapumi ahng kumtsu eno akukau qholo kijemiqo kumtsu shekuha ighino kumqope amino pitimono ipeghive keu pano kuthu jua. Panongu philo asamu ghamo, aphi aminighi pitimo eno panongu philo amichhimu munamoe.

DANIEL 3:6

Khuuno pishiqhope mlla monikeno pa kughape amilo vesuveni.”

DANIEL 3:2

Akukauno pa qholo kijemi kumtsu palau ighilepi ahza tsuve, kukapumi, ahngqo, pangtong, tsapili jukutsu chekeqo, xakuthami, atsa kukughami eno tinguno alau kijemi kumtsu akukau Nebukadnezar no ajulho mlapuakeu shikimthe keu tsalalo sulepi kusu,

LESHELE 62:4

Pajekipi-a lono panonguno pa sunhe qhiveniyeke; panonguye akimki pini keulo aghakiqi shi acheni. Panguno kukumghapu tsa piqhi cheni, ikemu panongu mloloye pa ghusho cheni.

John 12:10

Ike achinetomino Lazar ghi pithivenike kuchughuve,

Mark 15:1

Achinetomiqoye inaqhe itheno Muchomiqo ngo Ayezah kutsuchekemi eno Ahohomi kutami kumtsu sasu kughakutha lakhi shi. Panonguno ayikighino Jisu tshu sasu wuno Pilat tsuve.

MATTHEW 26:4

eno panonguye kusuwuno Jisu kughalu puzu pa pithive nike kuchughupe qhive.

MATTHEW 12:14

Ikemu Farisimiye ipeve puzu kishieno Jisu pithive nikeno kuchughu auve.

LESHELE 10:9

Paye abongushu toi pa kughutshu alo acheni, paye kumlhomi kughaluniye khe acheni, panoqo ye pa lichhe lono meluve eno sunhe sawuve cheni.

NAHUM 2:12

Abongushuno lhoxu heqhino pa tuna ngo li tiqo ghenguno tipau suthapinyive cheke; pa kungo-alo ashi sukuthano chhitoike.

MICAH 6:5

Iwu timiqo, Muab lo akukau Balak no nongu shou kiu shiniye kughu keno eno Beor nu Balam no kishi pa khochile keno tipau kumsuchile julo. Akasia pusho ngo Gilgal kuma dolo wuchekelo alalo kiu shivekeno tipau kumsuchile julo. Hipaqo ghili kumsuchile julo eno niye nongu xaluniye kiu shikeno tipau nonguno vethalu nani.”

DANIEL 3:11

Eno tilehi khuuno piqhiqhope mllamo nikeno kughape amilo vesuve nikeu shike.

LESHELE 94:20

Noye alhoksa kughakuthami sasu kidilukeu kuhae, panonguno amikuchokumomi pesu achipiu shike,

LESHELE 2:2

Ayeghilo kukamino aghili kuto eno ayehkipemino hekutsu pesu AMPEU shou eno pano kisheluve keu akukau shou hebide ipeghi ani.

LESHELE 83:5

Panonguno kuchughukelo kumtsu no pulokuqha ani eno oshou amlo lakhi shipesu ani:

DANIEL 6:16

Tileno Danel tsughape ighino abongushu kilo vesuvelopi akukauno ahza tsuve. Pano Danel vilopi, “OLhou khuu nono puloniqhiyi huthu acheni keno pa pelo oxalupelo.”

LESHELE 59:5

Ithulo, AMPEU Alhou Akughushuu, ighino ikuphulo; no ampino julo, O Israilmi Lhou! Ithupuzu Alhou kumthami shiayehqo ghimeqhilo; amqu lhoksa muqushi akemiqo khilemu phepuwuve kevilo!

DANIEL 2:4

Panonguno Aramik tsauno akukau khochile, “Opelo axushu peniu. Osamo kishi pumolukeno nivilo pilo tileno nino asamo kiqi hephopiye tsunike.”

DANIEL 6:22

Alhou no pawu kungumi puwutsu puzu abongushu baxa khave tsu keu lono panonguye ighuza mlaveke. Pano ixalu keuye ikipimi kuha pikeu pano ithi puqai ake, tilikhi kumono niye ozuloghi pimipuamo pikeu pano ithi ake, Akiqheu.”