DANIEL 5:12 - BAIBEL (BSI)

¹² Timino shilu chemo keu shikulupu, alokutsu, asamo pikulupu, ahole tsa kighithi eno tuqhou thime kighithi pikulupu anike, ike Danel hu kusaghilo, khuu Belthashazar ipi akukauno aje kukideve tsukeno, hipaqo kiqi kumtsu kughape ovilo pive tsu nani.”

Sumi Naga CL (Re-edited) Bible (BSI)

¹² kughengu akighiche ghungu, akighithi, asamo hepholu kepu vethakulu, ahole hepho piyelu keu, eno aküküpna xathalu kepu Daniel hipau lolo ithulue, pa ye Belteshazzar ipi akükau no kuvetsü. Itehi Daniel kusü julo, eno pa no hekupho o piye nani.”

DANIEL 5:12 Referans Kwoze

DANIEL 6:3

Ado kushowo kumphi lono Danel ye kutami jukutsu akemiqo eno ahng qo nguno akiviu shi mulalu akeu piye luve, kughengu paye ighono shitsami kehu, tileno akukauno pa pesu akukaqha kumtsu shou akijeu shipe nikeu kumsuve.

DANIEL 5:14

Akimthe Lhou ghunguno ogholo acheni ipikeu ino chiluve ake eno tishikeu lono shikulupu eno akighithi alokutsu anike.

DANIEL 1:7

Akukau qholo atouno panoqoye hitoi kukidevetsu, Belthashazar, Shadrak, Meshak eno Abednego.

DANIEL 5:16

Itehi ino chilu keuno noye kusupuakeu kiqi ghi ithuluno pikulupu anipike. Tsala nono hi yepuakeu philu eno tipa kiqi ivilo pitsulu aye, okughape akukaphi puu puzu shuna yila pe agigihu kiqi oku-olo khatsu puzu akukaphulo akuka tsupua keqo dolo akuthuu shive peni.”

AHOLE 12:26

Amikuchomiye pa shou ghenguno sakipheuke ikemu kixikilami lakhino panoqo sakughuzuve cheni.

DANIEL 4:8

Pa shelo Danel no ighi (pa je Belthashazar ghi kucheni nilhou je kiqi lono). Akimthe lhou ghungu pa gholo achenike ike ino kiu pumo lukeno pa vilo lhe. Ino pa vilo pikeuno:

LESHELE 16:3

Ayeghilo AMPEU no pukhube kulumiye kiutoi akighiche kela! Panoqo shou ighakiqi kutsasa acheni.

AHOLE 17:27

Timi khamiye pano thebei ithi anamu ado kumtsulo zale khave chemoe. Timi khunono iqunei ani keno tipanoye jupililukeu kuchou anie.

Kolosiami 1:29

Hi shiluniaye, Khristo no tsukeu kumto kuka ilolo shishe hakitetsu akeu peitha puzu ino pukaputsa ghichheghime shi acheni.

DANIEL 4:19

Tilehi Danel pa je kutau ghi Belthashazar ipi kuche keuye akichiqhiyi kehu atsamu pimono thughuyi ngove. Akukau no pa vilo pi. “Belthashazar, asamo hipau eno pa kiqi pelo okichiqhiyi pekivilo.” Belthashazar no khochile, “Akiqheu, asamo eno pa kiqi pelo oghenguno kumono oghumi sala pumo lukeu shi aghi peniu.

EZEKEL 28:3

Noye Danel nguno alokutsuu eno kiumu olauno tuqhou qhipuave mlakepi nono kumsuke.

DANIEL 2:26

Akukauno Danel (pa je kutau Belthashazar ghi ku cheni) vilo iniju, “Niye kiu samo pumolu eno tipau kiqi ye kiu keno ivilo pilu nanima?”

DANIEL 1:17

Alhou no akighithi kutho eno akukumsu kutho kighithi pesu apumi pano bidi tsu, tipa shou ghi kungunhetsu eno asamo pekide lupekepu agho Danel tsuke.

DANIEL 6:4

Tileno kutami jukutsu akemi eno ahngqo kuqhano Danel yehkipelo akipimi phu nikeu pukaputsaju kemu akipimi kiumu phumlave, kughengu Danel no amikucho akikhi timi kehu eno pulube kulupu kehu.