DANIEL 2:44 - BAIBEL (BSI)

⁴⁴ Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

Sumi Naga CL (Re-edited) Bible (BSI)

⁴⁴ Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 2:44 Referans Kwoze

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

LESHELE 145:13

Oyehkipeye lhokta kutoloke, eno noye alhokupujulo akukauke. AMPEU ye pano piqhikeu papelue. pano shikeu thwokhalo akivike.

DANIEL 6:26

Ikukaqhalo timi kumtsuno Danel Lhou musa penike eno gihu penike ino ahza tsu ani. Paye akuxupu Lhou, pano ashekha kuha ayehpe nani. Pa kukaqha khilemu shipusamo nani. pa kukaye ashekha shive mla nani.

MICAH 4:7

Panonguye aphi a-u ichheve ake eno aghakhu lono putou ani, ikemu puxupe puaghi kemiqo sasu abothu lono akithe kiukela lakhi ino shi nani eno panonguye ashiayeh kuloghi lakhi shive nani. Tipa ghuloki nguno alhokupuju kutolo Zion Toghilo ngo puzu ino panoqo shou ayehpe nani.”

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

DANIEL 7:27

Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

ISAIAH 60:12

Ikemu ashiayeh khipaqono nongu qemoni keno kumtsu puhakhave nani.”

DANIEL 4:3

“Akumzapu Alhou no ipiyesu keu kiutoi kije kya? Pano akumzapu shipe piye keuye kiu toi mutotoi kya? Alhou ye alhokupujulo akukauke, pano tiqhelino tiqheli kuto ayehpe nani.”

DANIEL 2:37

Akiqheu, noye kukami kumtsu nguno akughushuke. Kungulo Lhou no opelo akukau shipe eno akuka, akumto, agigihu pesu otsuke.

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

DANIEL 2:28

Tishiaye kungulo kuau Alhou lakhi akeuno tuqhou ghili piyesutsu cheni. Ozulo kiu ighi nani keno pano akiqheu akukau lau piyesu tsu ke. Ino itehi osamo kiu pumolu keno pini, tiye nono kungunhetsu lono ithulu keuke.

EZEKEL 37:25

Ino iqeu Jakob tsukeu yeghi shou panonguno kughuna nani, tiye panoqo puasuno achekeu yeghike. Panonguno alhokupujulo tilehi kughuna nani, pano tianuli eno atikughukomi kumtsu titoi shi nani. Akukau lakhi iqeu David toikeuno alhokupujulo panoqo shou ayehpe nani.

Piyeküsü 2:27

Pa pelo ayikusu pesu ashiayeh qo shou ayehpe pe nani, eno ayeghili toi tipaqo kubopiniyivetsu nani;

John 12:34

Timi aqokitikhino pa khochile, “Ni yezah kakulo Mesiya ye alhokupuju ache nani kepi pipuanie. Tishiaye noye kishi puzu Timi Nu ikhiqhenikeu tsa piani kya? Timi Nu huye khuu kya?”

DANIEL 8:25

Pano amqukinimi ke ghenguno pishiqhi keu kumlalo tokulu shi nani. Pano pa likhi pa jupe shishe aqhekuza shi kutughumono zuleno timi kutomo heqhive nani. Pano kukami kumtsu shou akukau ghi phi gihumo nani, ikemu ayeghilo timi kuka peithamono pa heqhive nani.

DANIEL 2:34

Nono tipau ju ake lono atuqu kuloghi kiu nomu bumono atumuqo lono ijosu ipeghino ajulho ayi aghanino shikeu pukhumuza hepho pinyivetsu.

IBRIMI 12:28

Tighenguno ninguye sukughutha mlakeu yehkipeqha ithuluveake ghenguno shikimthi ani nolo. Ikehu akimtheshi ighukeu eno sumsakeu lono Alhou no ikhikulupushi pa mlla huthuni nolo;

DANIEL 2:35

Paikhavi lono ayi, aghani, alazayi eno shunayino shikeu hu tsuka tsalalo aniqalo ayeghi mukhu toi mukhumuno shi kubove. Amlhuno tipau fupe wuveke loye tipa-alo azuumu khilemu achemo ketoi mithe mithei kiumu kuhave, ikemu atu tipauno naghuto kiqhe pahi kije kusho shiveno ayeghiqha chhitoive.

DANIEL 2:43

Nono ayi ngo aghani kuma kuqha keu ithulu keu hu, akiqiye akukauno ashiayeh dolo kulakupu shikileno kuqhakulu kidikulu shive nikeu pukaputsa juni keu kiqike, tishimu ayi ngo aghani kime mla ketoi kukami dolo kuqha mla nani.

HAGAYI 2:7

Ino ashiayehqo kumtsu kusuleve nani eno panoqo wu kinikuluye hile peighi nani eno Achinekiye akinino chhitoive nani.

SAMUEL AKINIU 7:13

Tipau huno ighenguno achineki shitsu nani eno pa lagha ye alhokuthulo ishokibe wopenike mutsumishei shitsu nani.

SAMUEL AKINIU 7:16

Noye alhokuthu alagha kughuko keu shilu anani eno ino okukaphu pesu alhokuthulo alupe nani. Olagha ye khilemu kishekhave keu shimo nani.’ ”

DANIEL 6:27

Paye xakuluu eno ikhiphekuluu, pano kungughalo ghi eno ayeghi loghi akumzapu, akichiqhiyi kepu shilu acheni. Pano abongushu kichi lono Danel xapheluke.”

HAGAYI 2:22

eno akukaqhaqo xaleveno panoqo kuka kishekhave tsuni. Ino khurkulu ngo tipau sakicheu tukidevetsu nani; khurshi qoye thive nani eno tipaqo shou ikuchekemiqoye lakhino lakhi pithikileve nani.